ហ្វាន ពីងពីង វ៉ាដាច់តារារួមឆាក ក្នុងកម្មវិធីម៉ូដលំដាប់ពិភពលោកនៅ ប៉ារីស

ចាប់តាំងពីដើមឆ្នាំ២០២៣ មក តារាសម្ដែង និងបង្ហាញម៉ូដ ហ្វាន ពីងពីង (Fan Bingbing) រមែងលេចមុខក្នុងប្រព័ន្ធផ្សព្វផ្សាយពិភពលោកជាបន្តបន្ទាប់។ នេះចាត់ទុកជាការវិលត្រឡប់ដ៏ជោគជ័យរបស់នាង ក្រោយជាប់បម្រាមរយៈពេល ៥ឆ្នាំ ក្នុងរឿងអាស្រូវគេចពន្ធ។

ក្រោយលេចមុខក្នុងវិស័យសិល្បៈម្ដងទៀត តារាស្រីរូបនេះ ត្រូវប៉ាន់ខ្លាំងជាមួយប្រេនអន្តរជាតិជាច្រើន ដោយនាងតែងបង្ហាញវត្តមានចូលរួមព្រឹត្តិការណ៍ម៉ូដលំដាប់ពិភពលោកជាហូរហែ។ វត្តមានរបស់នាងនៅលើឆាកអន្តរជាតិម្ដងៗ តែងបង្កការចាប់អារម្មណ៍ដល់មហាជន ក៏ដូចជាប្រព័ន្ធផ្សព្វផ្សាយធំតូចនានា។

តួយ៉ាងថ្មីៗនេះ ហ្វាន ពីងពីង បានចូលរួមក្នុងកម្មវិធី Paris Fashion Week 2023 ដែលនាងបានដើរម៉ូដឱ្យម៉ាក Mugler Spring/Summer 2024 ។ នៅក្នុងព្រឹត្តិការណ៍ដ៏ធំមួយនេះ តារាស្រីវ័យ ៤២ឆ្នាំ ពិតជាលេចធ្លោមិនធម្មតា ដល់ថ្នាក់វ៉ាដាច់តារារួមឆាកទៀតផង។ ស្ថិតក្នុងឈុតពណ៌ខ្មៅ សម្រស់ ហ្វាន ពីងពីង ពិតជាសក្តិសមជាតារាលំដាប់ A ហើយមានទស្សនិកជនតិចណាស់ដែលដឹងថា នាងចូលវ័យសែប្លាយហើយ៕

ប្រែសម្រួល៖ សន្យា

ចុចអាន៖ ក្រោយប្រើសម្រង់សម្ដីវាយប្រហារគ្នា អ្នកគាំទ្រសុំអង្វរ View និង Jes បញ្ចប់កម្មពៀរត្រឹមហ្នឹង

ចុចអាន៖ កូនស្រីច្បងតារាហុងកុង Adam Cheng ធ្វើអត្តឃាត តែរកឪពុករៀបចំបុណ្យសពមិនឃើញ