ជីវិតកម្សាន្ដ

រចនា រ៉ាវ៉ាឌី ធ្វើឲ្យអ្នកគាំទ្រមានមន្ទិល ក្រោយពោលពាក្យមួយប្រយោគ

បានផុស

៥ ខែ មុន

នៅ

ថ្ងៃសៅរ៍ ២១ តុលា ២០២៣

ដោយ

តារាស្រីវ័យក្មេងកញ្ញា រចនា រ៉ាវ៉ាឌី បច្ចុប្បន្នទទួលបានការគាំទ្រ និងកំពុងក្រសោបទីផ្សារសម្តែងច្រើននាកំឡុងមួយរយៈចុងក្រោយនេះ។ យ៉ាងណាមុននេះ រ៉ាវ៉ាឌី ក៏តែងសម្ញែងរូបភាពតុបតែងខ្លួនដ៏ស្រស់ស្អាតទាក់ភ្នែកអ្នកគាំទ្រផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែករឿងកាន់តែធ្វើឲ្យអ្នកគាំទ្រចាប់អារម្មណ៍លើជីវិតឯកជនរបស់ស្រីស្អាត រចនា រ៉ាវ៉ាឌី នោះ គឺ ថ្មីៗនេះ នាង បានពោលពាក្យហាក់មានវិបត្តិផ្លូវចិត្តរឿងស្នេហា។ កញ្ញា រចនា រ៉ាវ៉ាឌី បានលើកឡើងថា «ជីវិតមនុស្សយើងដូចជាជិះរថភ្លើងអញ្ចឹង មានអ្នកខ្លះឡើងជិះជាមួយយើង តែមិនប្រាកដថា នឹងចុះនៅពេលជាមួយយើងទេ»។

តារាសម្តែង រចនា រ៉ាវ៉ាឌី បញ្ជាក់បន្ថែមថា «យើងក៏មិនដឹងថា អ្នកណាកំដរយើងទៅដល់ចុងក្រោយដែរ មនុស្សគង់តែប្រឈមមុខនឹងការបែកគ្នា ទោះមិនដាច់ចិត្តក៏ត្រូវតែលែងដៃដែរ»។ សំណេរលើកឡើងរបស់ រចនា រ៉ាវ៉ាឌី នេះ បានធ្វើឲ្យអ្នកគាំទ្រមានមន្ទិលជុំវិញរឿងរ៉ាវស្នេហារបស់នាង ប៉ុន្តែពុំមានការបញ្ជាក់ទេថា ស្រីស្អាតរូបនេះ អាចខូចចិត្តរឿងស្នេហា ឬ យ៉ាងណាទេ?។

តាមរយៈការកត់សម្គាល់ពីអ្នកស្នេហា និងគាំទ្រវិស័យសិល្បៈរបស់ខ្មែរបានមើលឃើញថា តារាសម្តែង រចនា រ៉ាវ៉ាឌី ថ្វីត្បិតមានវ័យក្មេងក៏ពិតមែន តែសម្រាប់ប្រជាប្រិយភាព ការគាំទ្រ នៅតែរក្សាបានដូចដើម។ ហើយចំពោះការរក្សាបាននូវប្រជាប្រិយភាព និងការគាំទ្រនេះ ក៏ព្រោះតែ រចនា រ៉ាវ៉ាឌី គឺជាតារាសម្តែងខ្មែរមួយរូបមានសមត្ថភាពសម្តែងបានយ៉ាងល្អ បូករួមនឹងទេពកោសល្យសិល្បៈខ្ពស់ ព្រមទាំងមានអត្តចរិតស្លូតបូត សុភាពរាបសារ ទៀតផង៕

អត្ថបទ ៖ ចាន់រ៉ា