ជីវិតកម្សាន្ដ
ប៉េង ប៉ោង ត្អូញត្អែរគ្មានលុយព្យាបាលជំងឺ ខណៈដីលក់មិនទាន់ដាច់
កន្លងទៅ តារាកំប្លែងអ្នកនាង មឿន និមល ហៅ ប៉េង ប៉ោង បានធ្វើឲ្យមហាជនអ្នកគាំទ្រមានការភ្ញាក់ផ្អើល និងចាប់អារម្មណ៍គ្រប់គ្នា បន្ទាប់ពីតារាកំប្លែងរូបនេះ ទម្លាយពីអាការជំងឺទឹកនោមប្រៃកាន់តែធ្វើទុក្ខខ្លាំងលើរូបនាង។ ជាមួយនោះ ដោយសារអត់លទ្ធភាពរកលុយព្យាបាល ប៉េង ប៉ោង ក៏ធ្លាប់បានប្រកាសលក់ដី ១ កន្លែង នៅកំបូល ដើម្បីយកលុយមើលខ្លួន។
ថ្វីត្បិតតែយ៉ាងនេះក្តី អាការជំងឺរបស់តារាកំប្លែងអ្នកនាង ប៉េង ប៉ោង មកដល់ពេលនេះក៏កំពុងស្ថិតក្នុងការតាមដាន និងព្យាបាលនៅឡើយ។ ម្យ៉ាងទៀត ដោយសារខ្វះលទ្ធភាព អ្នកនាង ប៉េង ប៉ោង បានចេញមុខត្អូញត្អែរគ្មានលុយព្យាបាលជំងឺ ខណៈដីលក់ក៏មិនទាន់ដាច់ផងនោះ។
អ្នកនាង ប៉េង ប៉ោង បានបញ្ជាក់ថា «ជីវិតអើយជីវិត ជិតដល់ថ្ងៃពេទ្យណាត់ហើយ ថ្នាំក៏អស់ លុយក៏អត់ ដីក៏លក់អត់ដាច់ សូមពុកម៉ែបងប្អូនជួយទិញ ទិញដី ប៉េង ប៉ោង ផង ក្បាល ៩×២១ នៅកំបូល ក្នុងតម្លៃសមរម្យ ដើម្បីយកលុយព្យាបាលសុខភាព បើពុកម៉ែបងប្អូនចង់បាន អាចទំនាក់ទំនងនាងខ្ញុំបានតាមរយៈលេខ,០ ៩៨ ៦៥៨ ៩៥៦ ,០១២ ៥៥៣ ៨៦៥ អរគុណ»។
កាលពីថ្មីៗនេះ លោក ឱម ពីណែល ដែលជាស្វាមីអ្នកនាង ប៉េង ប៉ោង បានបញ្ជាក់ដែរថា «ពេលនេះ អាការរបស់ភរិយាស្ថិតតែក្នុងភាពតាមដានរបស់គ្រូពេទ្យ ខ្ញុំបាទសូមអរគុណដល់ពុកម៉ែបងប្អូនដែលបានបារម្ភពីសុខភាពរបស់ប្រពន្ធខ្ញុំបាទ និងជូនពរដល់គាត់»។
គួររម្លឹកថា ជំងឺកាន់តែធ្វើទុក្ខខ្លាំង តារាកំប្លែងអ្នកនាង មឿន និមល ហៅ ប៉េង ប៉ោង បានសម្រេចប្រកាសលក់ដីបន្ទាន់ ដើម្បីយកលុយព្យាបាលជំងឺ ស្របពេលមានដំណឹងថា អ្នកនាង ចេញទៅព្យាបាលនៅប្រទេសថៃផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ