ជីវិតកម្សាន្ដ

ជីជី បកស្រាយ ក្រោយរងការរិះគន់លើទំនាក់ទំនងជាមួយតារាប្រុសម្នាក់

បានផុស

២ ខែ មុន

នៅ

ថ្ងៃអង្គារ ៩ មករា ២០២៤

ដោយ

ពិធីការិនីរូបស្រស់ កញ្ញា ជីជី បានចេញប្រតិកម្ម និងបកស្រាយច្បាស់ៗ ជុំវិញរឿងរ៉ាវដ៏ចាប់អារម្មណ៍ ខណៈថ្មីៗនេះ មានការលើកឡើងរិះគន់រវាងទំនាក់ទំនងស្និទ្ធស្នាលជាមួយតារាសម្តែងវ័យក្មេងលោក គឿន នភាល័យ ថាជាការបំពុលសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែង និងជាពិធីការិនី ជីជី បានបញ្ជាក់ថា «១.ក្តីស្រលាញ់រវាងខ្ញុំទាំងពីរវាបំពុលសង្គមត្រង់ណា ជួយឆ្លើយតិចបានទេ? ២.ថាខ្ញុំស្រីស្រលាញ់ស្រី ដឹងច្បាស់ជាងខ្លួនខ្ញុំ និងក្រុមគ្រួសារខ្ញុំម្ល៉េះ? ៣.ឧទាហរណ៍ បើខ្ញុំជាលេសស្បៀនមែន តែខាងប្រុសគេទទួលយកខ្ញុំបាន អ្នកទាំងអស់គ្នាឈឺចាប់មែន? ៤.សង្គមយើងមានបែងចែកឲ្យរើសអើងភេទដែរហ?»។

កញ្ញា ជីជី បាននិយាយទៀតថា «ចំណុចទី៥.នៅជាមួយអ្នកណាក៏បានឲ្យតែមានអារម្មណ៍ថាសុវត្ថិភាព និងមានក្តីសុខ ,៦ .ខ្ញុំនៅសុខតែខ្ញុំអត់បានប៉ះពាល់អ្នកណា ឬ យកប្តីគេទេ, ៧.សុំកុំវាយតម្លៃអ្នកដទៃត្រឹមតែសំបកក្រៅ ពេលខ្លះអ្នកអាចមើលឃើញតែមួយជ្រុង នៃគេតែប៉ុណ្ណោះ ,៨.បច្ចុប្បន្នសំខាន់ជាងអតីតកាលដែលមិនគួរមើលរំលង,៩.អរគុណសម្រាប់ពាក្យជូនពរពីអ្នកទាំងអស់គ្នា និងចុងក្រោយសូមអរគុណដល់មនុស្សប្រុសម្នាក់នេះ Norphealey Koeun អរគុណដែលស្រលាញ់ខ្ញុំជាខ្ញុំ»។

គួររម្លឹកថា កាលពីអំឡុងឆ្នាំ ២០២៣ កន្លងទៅ ពិធីការិនី កញ្ញា ជីជី បានធ្វើឲ្យមហាជន និងអ្នកគាំទ្រ មានការភ្ញាក់ផ្អើលគ្រប់គ្នា ក្រោយតារាស្រីរូបនេះ បង្ហាញភាពស្និទ្ធស្នាលផ្អែមល្ហែមជាមួយនារីម្នាក់ដែលត្រូវបានគេស្គាល់ឈ្មោះ សូរិយា។ ជាការពិត មិនត្រឹមតែបញ្ចេញភាពផ្អែមល្ហែមថតកៀកកើយគ្នានោះទេ កាលណោះ កញ្ញា ជីជី ថែមទាំងបានប្រកាសថា ពួកគេទាំងពីរនាក់ បាន និងកំពុងសាងស្នេហាស្រីភេទដូចគ្នាទៀតផង។ ដំណឹងនេះ ក៏មានអ្នកគាំទ្រមួយចំនួនសម្តែងការអបអរសាទរ ប៉ុន្តែខ្លះទៀតបានផ្ទុះការរិះគន់ និងវែកញែកចង់ដឹងការពិតចំពោះទំនាក់ទំនងរបស់អ្នកទាំងពីរ។ ប៉ុន្តែភ្លាមៗ នោះ ជីជី បញ្ជាក់ថា នេះពុំមែនជារឿងពិតទេ ផ្ទុយមកវិញនេះ គ្រាន់តែការសម្ដែងប៉ុណ្ណោះ៕

អត្ថបទ ៖ ចាន់រ៉ា