ជីវិតកម្សាន្ដ

តារាចម្រៀង ជេន បញ្ជាក់ស្ថានភាពរបួសបានជាសះស្បើយច្រើនក្រោយត្រូវភ្លើងឆេះ

បានផុស

២ years មុន

នៅ

ថ្ងៃពុធ ១០ មករា ២០២៤

ដោយ

តារាចម្រៀងស្រីប្រចាំផលិតកម្ម 3F កញ្ញា ជេន បន្ទាប់ពីជួបនូវឧបទ្ទវហេតុត្រូវភ្លើងឆាបឆេះខ្លួនបណ្តាលឲ្យរបួសត្រង់ចង្កា និងផ្ទៃពោះពេលនេះសាមីខ្លួនបានបញ្ជាក់ប្រាប់ពីស្ថានភាពជំងឺ គឺបានធូរស្រាលច្រើន និងក៏អរគុណក្តីព្រួបារម្ភរបស់អ្នកគាំទ្រផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថាថ្មីៗនេះ បានធ្វើឲ្យមហាជនមានការភ្ញាក់ផ្អើល និងព្រួយបារម្ភខ្លាំងបន្ទាប់ពីមានដំណឹងថា តារាចម្រៀងស្រីប្រចាំផលិតកម្ម 3F កញ្ញា ជេន បានជួបនូវឧបទ្ទវហេតុត្រូវភ្លើងឆាបឆេះខ្លួនអំឡុងពេលដែលកំពុងថត Mv ថ្មី។ យ៉ាងណាពេលនេះត្រូវបានសាមីខ្លួនបញ្ជាក់ពីស្ថានភាពរបួស ថាបានជាសះស្បើយច្រើនហើយ។

តារាចម្រៀងរូបស្រស់កញ្ញា ជេន បានប្រាប់ឲ្យដឹងថា «នេះជាស្ថានភាពរបួសបន្ទាប់ពីហេតុការណ៍ភ្លើងឆាបឆេះហើយភ្លាមៗ …បច្ចុប្បន្នរបួស Jane បានជាសះស្បើយច្រើនហើយ សូមអរគុណអ្នកទាំងអស់គ្នា និងពុកម៉ែ មាមីងម្ដងទៀតសំរាប់ការបារម្ភពីសុខទុក Jane»។

ជាមួយគ្នានេះដែរ តារាចម្រៀងកញ្ញា ជេន បានថ្លែងពីការអរគុណចំពោះតារាចម្រៀងលោក នីកូ ដែលបានស្ទុះទៅជួយបាំងពេលកំពុងត្រូវភ្លើងឆាប់ឆេះ។ នាងលើកឡើងថា «អរគុណបង នីកូ ជាក់ស្ដែងពេលនេះខ្ញុំបានល្អប្រសើរច្រើនហើយសូមអ្នកទាំងអស់គ្នាកុំមានការបារម្ដអី្វ អរគុណពុក ម៉ែ បងប្អូន សម្រាប់ការអាណិតស្រលាញ់សម្រាប់ស្ថានភាពរបួស ជេន ។