កម្មវិធីប្រលងចម្រៀង CHUANG ASIA ឆ្នាំនេះ នឹងធ្វើនៅថៃ ខណៈគណៈកម្មការចម្រុះជាតិសាសន៍

កម្មវិធី CHUANG ASIA បានបញ្ចេញវីដេអូឃ្លិបរបស់គណៈកម្មការចំនួន ៥ គឺ Jackson Wang, Mike Angelo, Jeff Satur, Ten និង Nene Pornnappan​ ដែលសុទ្ធសឹងតែជាតារាចម្រៀងល្បីៗមានពិសោធន៍យូរឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក កាលពីថ្ងៃទី២១ ខែធ្នូឆ្នាំ២០២៣ កន្លងទៅនេះ ក្រុមហ៊ុន CHUANG ASIA THAILAND បានធ្វើសន្និសីទសារព័ត៌មានមួយ ដើម្បីបើកដំណើរការអ្នកណែនាំយ៉ាងធំលើតារាចិន Jackson Wang ដែលធ្លាប់បានប្រកាសថានឹងដើរតួជា Lead Mentor នៅក្នុងកម្មវិធីនោះ។

លើសពីនេះ ខាងក្រុមហ៊ុនដដែលបានបន្តណែនាំនូវគណៈកម្មការ៤រូបបន្ថែមទៀតដែលកម្លាំងស្នូលចុងក្រោយមាន តារាចម្រៀង Mike Pirat, Jeff Sator, Ten និងតារាចម្រៀងស្រី Nene Pornnappan ដែលសុទ្ធតែជាសិល្បករដែលមានទេពកោសល្យដែលត្រូវបានទទួលស្គាល់ ហើយទទួលបានជោគជ័យក្នុងវិស័យចម្រៀងក្នុងប្រទេសជាច្រើន រួមមានកូរ៉េ ចិន និងថៃ។

យ៉ាងណាក៏ដោយ ទស្សនិកជនដែលនិយមតាមដានកម្មវិធី CHUANG ASIA សុទ្ធតែជឿជាក់ថា បទពិសោធន៍ដែលមនុស្សម្នាក់ៗបានឆ្លងកាត់ នឹងនាំឲ្យអ្នកមកប្រកួតក្លាយជាអ្នកសិល្បៈឈានមុខគេ។​ ក្នុងនោះផងដែរ ម្នាក់ៗរំពឹងយ៉ាងខ្ពស់ថា ​សិក្ខាកាម​ក្នុង​កម្មវិធី​អាចរៀន​សូត្រ​ពី​ពគណៈកម្មការទាំង៥រូប បាន​យ៉ាងល្អិតល្អន់បំផុត។

សូមបញ្ចាក់ដែរថា CHUANG ASIA THAILAND គឺជាកម្មវិធីដែលបង្កើតភាពជោគជ័យនៃកម្មវិធី survival ដ៏ល្បីល្បាញពីប្រទេសចិន CHUANG ឬ Produce Camp ដែលជាកម្មវិធីប្រកួតប្រជែងសមត្ថភាពច្រៀង ដោយបានទិញសិទ្ធិពីកម្មវិធីកូរ៉េ Produce 101 ដើម្បីស្វែងរកសិក្ខាកាមដើម្បីបង្ហាញខ្លួនជាសិល្បករថ្មី​លើវិថីសិល្បៈ។ ក្នុងពេលដែលរដូវកាលចុងក្រោយនេះ នឹងត្រូវថតនៅប្រទេសថៃជាលើកដំបូង ហើយគ្រោងនឹងចាក់ផ្សាយនៅខែកុម្ភៈ ឆ្នាំ ២០២៤ នៅលើប៉ុស្តិ៍ ONE31 និងកម្មវិធី WeTV៕

អត្ថបទ៖ សាង ស្រីល័ក្ខ

ចុចអាន៖មហាជនភ្ញាក់ផ្អើល ពេលដឹងថាផ្ទះ​​ Park Hyo Shin ត្រូវ​រឹប​អូស​ យក​ទៅ​លក់​ដេញ​ថ្លៃ​ភ្លាមៗ