ជីវិតកម្សាន្ដ
មហាជនភ្ញាក់ផ្អើល ពេលដឹងថាផ្ទះ Park Hyo Shin ត្រូវរឹបអូស យកទៅលក់ដេញថ្លៃភ្លាមៗ
កាលពីថ្ងៃទី ១២ ខែមករា សារព័ត៌មាន Yonhap បានរាយការណ៍ថា ផ្ទះមួយដែលបានចុះបញ្ជីជាលំនៅឋានរបស់ តារាចម្រៀងកូរ៉េ Park Hyo Shin ស្ថិតក្នុងចំណោមឈ្មោះដែលត្រូវដាក់ដេញថ្លៃ។ របាយការណ៍បញ្ជាក់ថា ទ្រព្យសម្បត្តិត្រូវបានតុលាការរឹបអូស ហើយត្រូវបានគេប៉ាន់ប្រមាណថាមានតម្លៃ ៧.៨៩ ពាន់លានវ៉ុន (ប្រហែល ៦លានដុល្លារអាមេរិក)។
យោងតាមសេចក្តីរាយការណ៍បញ្ចាក់ទៀតថា ផ្ទះដ៏ប្រណិតរបស់តារាចម្រៀងរូបនេះ គឺស្ថិតនៅក្នុងបរិវេណ Hannam The Hill ផ្តាច់មុខ នៃទីក្រុងសេអ៊ូល ដែលជាលំនៅឋានថ្លៃបំផុតមួយនៅក្នុងប្រទេសកូរ៉េ និងល្បីល្បាញយ៉ាងខ្លាំង។ វាជាលំនៅឋានរបស់តារាល្បីៗជាច្រើន ដែលម្នាក់ក្នុងនោះជាសមាជិក BTS ផងដែរ។
យ៉ាងណាក៏ដោយ ការដេញថ្លៃដោយបង្ខំគឺនៅពេលដែលតុលាការរឹបអូសអចលនទ្រព្យរបស់កូនបំណុល ហើយលក់វាទៅកាន់កន្លែងដេញថ្លៃ។ វាចាប់ផ្តើមនៅពេលដែលកូនបំណុលខកខានក្នុងការសងប្រាក់កម្ចី ទៅតាមកាលបរិច្ឆេទកំណត់។ ស្របពេលដែល ការដេញថ្លៃនេះគឺជាលទ្ធផលរបស់ក្រុមហ៊ុន Bion Co., Ltd. ដែលជាម្ចាស់បំណុលម្នាក់បានស្នើសុំការដេញថ្លៃក្នុងខែមេសា ឆ្នាំ ២០២២ បន្ទាប់ពីទទួលបានដីកាពីតុលាការឲ្យបង់ប្រាក់កម្ចី។
ទោះបីជាផ្ទះនេះត្រូវបានចុះបញ្ជីជាផ្ទះរបស់ Park Hyo Shin ប៉ុន្តែវាជាកម្មសិទ្ធិរបស់ផលិតកម្ម Glove Entertainment ដែលជាស្លាកកំណត់ត្រាមុនរបស់តារាចម្រៀងល្បី ភ្នាក់ងារព័ត៌មានបាននិយាយថា ខ្លួនមិនអាចបញ្ជាក់ថា តើតារាចម្រៀងរូបនេះកំពុងរស់នៅក្នុងផ្ទះឬយ៉ាងណានោះទេ។
សូមជម្រាបជូនថា Park Hyo Shin គឺជាតារាចម្រៀងដែលទទួលបានការកោតសរសើរបំផុតរបស់ប្រទេសកូរ៉េខាងត្បូង។ ថ្វីបើលោកបានចុះហត្ថលេខាជាមួយ Glove Entertainment ក្នុងឆ្នាំ ២០១៦ ក៏ពិតមែន ក្រោយជួបប្រទះនឹងជម្លោះ ដូចជាការប្តឹងទៅទីភ្នាក់ងារ ដោយអះអាងថាខ្លួនមិនបានទទួលប្រាក់ចំណូលពីតន្ត្រី ឬប្រាក់កិច្ចសន្យាផ្តាច់មុខអស់រយៈពេល ៣ ឆ្នាំ ទើបសម្រេចចិត្តបង្កើតទីភ្នាក់ងារផ្ទាល់ខ្លួនដែលមានឈ្មោះថា Herbig Haro នៅឆ្នាំ ២០២២៕
អត្ថបទ៖ សាង ស្រីល័ក្ខ
ចុចអាន៖ប្រធានសមាគមភាពយន្ត និងតារាកូរ៉េច្រើនរូប រួមគ្នាតវ៉ាការស្លាប់របស់ Lee Sun-kyun
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព