ជីវិតកម្សាន្ដ

តារាសម្តែង ព្រីម មន្ថា ត្រូវមិត្តសិល្បៈ ៣០ ឆ្នាំ ទម្លាយរឿងជំពាក់លុយមិនសង

បានផុស

២ years មុន

នៅ

ថ្ងៃចន្ទ ២៩ មករា ២០២៤

ដោយ

អ្នកនាង ព្រីម មន្ថា ដែលទស្សនិកជនស្គាល់គ្រប់គ្នាថាជាតារាចម្រៀង និងតារាសម្ដែងល្បីឈ្មោះក្នុងអាជីពសិល្ប:ស្រាប់តែថ្មីៗនេះមានការទម្លាយពីមិត្តភក្តិរួមសិល្ប:ដ៏ភ្ញាក់ផ្អើលថា តារាស្រីរូបនេះជំពាក់លុយរាប់ពាន់ដុល្លារមិនព្រមសងខ្លួនវិញឡើយ។

ជាក់ស្តែង នៅលើទំព័រហ្វេសប៊ុកតារាចម្រៀងអ្នកនាង សូ ដានីតា បានបង្ហោះភ្ជាប់រូបភាពតារាស្រី ព្រីម មន្ថា នាព្រឹកថ្ងៃទី២៩ ខែមករាឆ្នាំ២០២៤ នេះថា «បងប្អូនសមទេជំពាក់លុយហើយនៅធ្វើអ៊ីចឹងដាក់ទៀត ? ព្រីម មន្ថា ជាតារាចម្រៀង នឹងសម្តែងលុយមិនសងរាប់ឆ្នាំហើយ ប្លុកខ្ញុំទៀត ល្អតើចាំជួបគ្នានៅតុលាកាមិត្ត ៣០ឆ្នាំ»។

តារាសម្តែងអ្នកនាង សូ ដានីតា បានបញ្ជាក់ទៀតថា «សុំសង ១ខែ ១០០ដុល្លារ (ព្រមហើយ) លុយប៉ុណ្ណឹងសោះមិនស៊ូសងបែរជាប្លុកហ្វេកបុកទៀត។ សូ ដានីតា បានបន្ថែមទៀតថា សម័យនេះមានលុយកុំឲ្យគេខ្ចី ខ្ញុំហើយសាច់ថោក សាច់ថ្លៃ មិត្តពេលខ្លីល្អទារក្លាយជាសត្រូវរៀងដល់ជាតិក្រោយ»។

ទោះបីមានការទម្លាយយ៉ាងនេះពីសំណាក់តារាស្រី សូ ដានីតា ក៏ពិតមែនប៉ុន្តែរហូតមកដល់ពេលនេះគេនៅមិនទាន់ឃើញតារាសម្តែង ព្រីម មន្ថា ចេញមុខឆ្លើយតបនៅឡើយទេ។

ប្រាកដណាស់បន្ទាប់ពីប្រកាសថា ខ្លួនជាជនរងគ្រោះដែលរងថ្មបាក់ ជុំវិញរឿងរ៉ាវបំណុលតុងទីនខណៈកូនៗរត់ចោលមិនទទួលខុសត្រូវ អ្នកនាង សូ ដានីតា ដែលជាតារាចម្រៀង និងសម្តែងល្បីឈ្មោះកន្លងមកដោយអស់ភាពអត់ធ្មត់ក៏បានចាប់ផ្តើមទម្លាយអត្តសញ្ញាណម្តងមួយៗ ចំពោះបុគ្គលបោកលុយជាបន្តបន្ទាប់៕

អត្ថបទ៖ ចាន់រ៉ា