ជីវិតកម្សាន្ដ

មេ MGI ភ្ញាក់ផ្អើលខ្លាំង ក្រោយបវរកញ្ញារងម្នាក់ លាលែងតំណែង ព្រោះតែមានផ្ទៃពោះជាមួយស្វាមីគេ

បានផុស

១ year មុន

នៅ

ថ្ងៃព្រហស្បតិ៍ ១ កុម្ភៈ ២០២៤

ដោយ

កាលពីប៉ុន្មានថ្ងៃមុន Bam Phailinws បានប្រកាសលាលែងពីតំណែងបវរកញ្ញារងចាំឆ្នាំ២០២៤ ដោយសារតែមានផ្ទៃពោះជាមួយមិត្តប្រុស ដំណឹងនេះបានធ្វើឲ្យវិស័យប្រកួតសម្រស់មានការភ្ញាក់ផ្អើលយ៉ាងខ្លាំងសឹងមិននឹកស្មាននោះទេ។

យោងតាមកាសែតថៃ Sanook បានបញ្ចាក់នៅថ្ងៃទី០១ ខែកុម្ភៈ ឆ្នាំ២០២៤ នេះថាលោក Nawat Isara Kraisil ដែលជាថៅកែធំរបស់ Miss Grand បានបើកចំហអំពីបញ្ហានេះដោយស្មោះត្រង់ថា គាត់មិនបានដឹងអ្វីអំពីរឿងនេះទេ។ ប៉ុន្តែក្រុមការងារទាំងអស់មានអារម្មណ៍សោកស្តាយ ចំពោះរឿងរ៉ាវដែលកើតឡើងនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ មេធំរបស់ស្ថាប័នស្រីស្អាតរូបនេះបាននិយាយយ៉ាងច្បាស់ៗតាមរយៈការឡាយផ្ទាល់លើគណនីផ្ទាល់របស់លោកថា “បើនាងជាស្រីស្អាតក្រោមភ្នាក់ងារបែ ខ្ញុំច្បាស់ជាជេរនាងហើយ! ប៉ុន្តែខ្ញុំមិនអាចធ្វើអ្វីបានចំពោះរឿងនេះទេ និយាយឲ្យត្រង់ទៅ ព្រោះវាជារឿងរសើបខ្លាំង។ ប្រសិនបើមិនទាន់មានវញ្ហាអ្វីនៅឡើយទេ ឬបើគ្រាន់តែជាមិត្តប្រុស ខ្ញុំប្រហែលជាដោះស្រាយបានយ៉ាងធូររលុង។ ប៉ុន្តែពេលនេះបែរជាលេចឮនូវព័ត៌មានថា ខាងប្រុសមានបន្ទុកទទួលខុសត្រូវ នេះជាអ្វីដែលលើសពីការទទួលខុសត្រូវរបស់ខ្ញុំ ព្រមទាំងស្ថាប័នទាំងមូល”។

លើសពីនេះទៀតដែរ លោក Nawat បានបញ្ចាក់បន្ថែមទៀតថា លោកមានការអាណិតដល់អតីតប្រពន្ធកូនដែលមានរឿងរ៉ាវបែបនេះកើតឡើងលើពួកគេ។ ប៉ុន្តែយ៉ាងណា នេះជាជម្រើសដែលម្នាក់ៗកំពុងតែជ្រើស សម្រាប់លោកនៅតែគិតថាបវរកញ្ញារង Bam គឺជាមនុស្សល្អ នាងបាននិយាយការពិតដោយឥតលាក់បាំង នាងនៅតែមានគុណសម្បត្តិ។ មិនប្រាកដថានាងបានដឹងមុនឬអត់ (រឿងបុរសមានគ្រួសារពីមុន) ប៉ុន្តែជម្រើសនេះ នាងជាអ្នកជ្រើសដោយខ្លួនឯង វាសិទ្ធរបស់នាង ហើយទៅថ្ងៃមុខមិនថាជួបទុក្ខលំបាកអ្វីក៏ដោយ វាជាលទ្ធផលនៃការជ្រើសរើសរបស់ Bam ហើយនាងក៏ត្រូវតែរឹងមាំដោយខ្លួនឯងផងដែរ។

ទោះយ៉ាងណាក៏ដោយ មកដល់សព្វថ្ងៃ រឿងរ៉ាវរបស់អតីតបវរកញ្ញារងរូបនេះបានក្លាយជាបញ្ហាក្ដៅគគុកដែលមហាជនជាច្រើនកំពុងចាប់អារម្មណ៍ខ្លាំងជាងការបោះបង់តំណែង Miss Grand Ranong 2024 អ្វីកាន់តែផ្ទុះខ្លាំងនោះគឺដំណឹងនៃការមានផ្ទៃពោះ ស្របពេលព័ត៌មានបែកធ្លាយថា មិត្តប្រុសដែលនាងនៅជាមួយរហូតមានផ្ទៃពោះ មានប្រពន្ធកូនរួចហើយ៕