ម្ចាស់បទ “កាដូឥតន័យ” មូន ម៉ារ៉ា សារភាពស្រឡាញ់ភរិយាកាន់តែខ្លាំងជាងមុនថ្ងៃខួបអាពាហ៍ពិពាហ៍

ម្ចាស់​បទ “កាដូ​គ្មាន​ន័យ” លោក មូន ម៉ារ៉ា ត្រូវបាន​ទស្សនិកជន​កត់​សម្គាល់​ឃើញ​ថា មក​ទល់​ពេល​នេះលោក​បាន​ឃ្លាតឆ្ងាយ​ពី​អាជីពសិល្បៈ​មាន​រយៈ​ពេល​យូរឆ្នាំ​មក​ហើយ​ក្រោយ​តារាប្រុសរូបនេះ​បានសម្ងំសាង​សុខភមង្គ​ល​គ្រួ​សារ​យ៉ាងមានសេចក្តីសុខ និងក្តៅក្តៅបំផុតក្រោយពេលរៀបអាពាហ៍ពិពាហ៍​ជា​ច្រើន​ឆ្នាំ​កន្លងទៅ។

ជា​ការ​ពិត​រឿងរ៉ាវ​នៃ​ការ​សាង​ជីវិត​គ្រួសារ​របស់​​លោក​​​ មូន ម៉ារ៉ា ទស្សនិកជន​តែង​សរសើរ​ថា​រវាងលោក និង​ភរិយា គឺ​បានសារភាពស្មោះត្រង់​ហើយ​ក៏រក្សាគ្រួសារមួយនេះប្រកបដោយភាពកក់ក្ដៅ ព្រោះបើគិតមកដល់ពេលនេះ មូន ម៉ារ៉ា និងភរិយា​បណ្ដូលចិត្តបានរួមរស់ជាប្ដីប្រពន្ធអស់រយៈពេល ៩ឆ្នាំមកហើយដែរ។

ដោយឡែកងាក​មកមើល​កាលថ្មីៗនេះតារា​ចម្រៀង​លោក មូន ម៉ារ៉ា បាន​បញ្ចេញ​រូបភាព​អមដោយខ្លឹម សារ​អបអរ​ខួប​អាពាហ៍ពិពាហ៍​របស់​លោក​ជា​មួយ​ភរិយាយ៉ាងផ្អែមល្ហែម និង​មានអត្ថន័យ​ក្នុងនោះ​លោកសារភាពថា ខ្លួន​ស្រឡាញ់​ភរិយាកាន់តែខ្លាំងជាងមុន។ លោក​លើក​ឡើងថា រីករាយ​ខួបអាពាហ៍ពិពាហ៍ ៩ ឆ្នាំ​របស់យើងទាំង ២សូម ឲ្យ​យើងកាន់តែស្រឡាញ់គ្នា យល់ចិត្តគ្នាលើកលែងអធ្យាស្រ័យ​ឲ្យគ្នាទៅវិញទៅ​មក​គ្រប់រឿងរ៉ាវ និង​មានចិត្តដូចគ្នាជានិច្ច។

លោក មូន ម៉ារ៉ា បានបន្ថែមទៀតថា “លឿនណាស់ ៩ ឆ្នាំមួយភ្លែត​ខ្ញុំចាំបានថា ថ្ងៃ០១ ខែមីនា ឆ្នាំ២០២១៥ ខ្ញុំ​បានរៀបការជាមួយស្រីក្មេង​នៅ​ក្រុងព្រះសីហនុម្នាក់ ឈ្មោះ អេង អ៊ីតា ហើយពេលនេះម្នាក់នោះ​នៅតែក្មេងថែម​ទាំងបង្កើតបានក្មេងប្រុសម្នាក់- ស្រីម្នាក់គួរ​ឲ្យស្រឡាញ់សម្រាប់ខ្ញុំទៀតផង ៩ឆ្នាំ កូន ២ ស្រឡាញ់គ្នា​កាន់តែខ្លាំងជាងមុនរី​ករាយខួបអាពាហ៍ពិពាហ៍​នៃ​យើងហើយបន្តជាមួយគ្នារហូតទៅ”។

គួរ​បញ្ជាក់​ថា លោក មូន ម៉ារ៉ា ថ្វីត្បិត​អាជីព​សិល្បៈរបស់លោកនាពេលកន្លងមកស្ទើបាត់មុខទាំងស្រុងក្រោយពេលដាក់ខ្លួនចូលប្រឡូកលើវិស័យមួយនេះយ៉ាងជោគជាំតាំងពីអំឡុងឆ្នាំ២០០០ យ៉ាងក្តី ប៉ុន្តែសម្រាប់ប្រជាប្រិយភាព​ និង​ការគាំទ្រតារាប្រុសរូបនេះបច្ចុប្បន្ននូវតែរក្សាបានមិនចាញ់គ្រា​ដែលលោកកំពុងល្បី​ឈ្មោះនោះឡើយ។

ប្រាកដ​ណាស់​ទោះបី​ជា​កន្លង​មក​ស្ងប់ស្ងាត់​ពី​សិល្ប:​មួយ​រយៈ​តែ​តារា​ចម្រៀង​ប្រុស​លោក មូន ម៉ារ៉ា ហាក់​នៅតែ​មិនទាន់​ទៅ​ណា​ឆ្ងាយ​ពីវិស័យ​មួយ​នេះ​ទេ។ ជារឿយ​ៗគេតែងឃើញលោក​បញ្ចេញស្នាដៃ​បទចម្រៀង​ថ្មីៗ​នៅលើ​បណ្តាញសង្គម​ពិសេសគឺ​លោកនៅតែបង្ហាញ​ឆន្ទៈ​វិលចូលវិស័យចម្រៀងវិញ៕

អត្ថបទ៖ ចាន់រ៉ា