ជីវិតកម្សាន្ដ

តារាសម្តែង សួង សាខារ៉ានីត ចែករំលែកបទពិសោធជោគជ័យ ៦ ចំណុច

បានផុស

២ years មុន

នៅ

ថ្ងៃព្រហស្បតិ៍ ២១ មីនា ២០២៤

ដោយ

តារាសម្តែង សួង សាខារ៉ានីត ទោះបីជាអាជីពសិល្បៈមួយរយៈក្រោយនេះហាក់មានភាពរយាលបន្តិច បន្ទាប់ពីបំពេញតួនាទីជាអ្នកម្តាយដ៏ល្អនោះ បច្ចុប្បន្ននាងក៏កំពុងកាក់កបជាមួយមុខរបររកស៊ីផ្ទាល់ខ្លួនគួរឲ្យកត់សម្គាល់ ខណៈការគាំទ្រនៅតែរក្សាបានដូចមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ តារាសម្តែងរូបស្រស់ សួង សាខារ៉ានីត បានចេញមកបង្ហើបពីវិធីសាស្ត្រដែលធ្វើឲ្យនាងរឹងមាំ និងភាពជោគជ័យចំនួន ៦ ចំណុច។ រ៉ានីត បាននិយាយថា «សួរថា បើខ្ញុំមិនខ្លាំង មិនរឹងមាំ ហើយរើសយកសម្តីរបស់មនុស្សមិនល្អមកចាក់ខ្លួនឯងនោះ ខ្ញុំមិនមានអ្វីៗគ្រប់យ៉ាងដូចពេលនេះទេ ហើយអ្នកដែលចង់ឃើញយើងធ្លាក់តើពេលនេះជីវិតយ៉ាងណាហើយ អស់អង្ករហូបឬនៅ?»។

តារាសម្តែង សួង សាខារ៉ានីត បញ្ជាក់ថា «ប្រាប់ត្រង់ខ្ញុំមិនងាយធ្លាក់ងាយៗទេ ព្រោះខ្ញុំមានវិធីសាស្ត្រល្អៗ,គឺ ១.ដឹងថាផ្លូវនោះមិនល្អព្យាយាមដើរចេញ។ ២.មិនលេងល្បែង និងលេងថ្នាំ(គ្រឿងញៀន)។ ៣.មិនខ្ជះខ្ជាយ មិនចូលចិត្តខ្ចីលុយគេ។ ៤.មិនអួតហួសមាឌ។ ៥.ចេះដឹងគុណលោកទាំងពីរ និងអ្នកធ្លាប់ជួយខ្ញុំកន្លងមក និង៦.ចេះធ្វើបុណ្យទោះបុណ្យនោះមិនអាចលាងបាបបាន ក៏ត្រូវតែខំធ្វើបន្ថែម…»។

គួរកត់សម្គាល់ថា តារាសម្តែងរូបស្រស់ សម្តីផ្អែម អ្នកនាង សួង សាខារ៉ានីត ត្រូវបានទស្សនិកជនមួយចំនួនមើលឃើញថា បច្ចុប្បន្នទោះបីនាងមានកូនប្រុសម្នាក់ដ៏គួរឲ្យស្រលាញ់ហើយក៏ពិតមែន ប៉ុន្តែតារាស្រីរូបនេះនៅតែទទួលបានការសរសើរថា មានរូបសម្រស់ស្រស់ស្អាត មិនចាញ់មិត្តរួមអាជីពឡើយ៕

អត្ថបទ ៖ ចាន់រ៉ា