ជីវិតកម្សាន្ដ
តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
ដំណឹងនៃការទទួលមរណភាពរបស់តារាជើងចាស់លោក Winai Kraibut និងជាតួឯកប្រុសក្នុងរឿង“កូនពស់កេងកង” កាលពីយប់ថ្ងៃទី២០ ខែមីនា បានធ្វើឲ្យអ្នកគាំទ្រទូទាំងប្រទេសថៃ មានការសោកស្ដាយជាពន់ពេកនូវការបាត់បង់បុគ្គលដ៏សំខាន់។
ការបាត់បង់នេះផងដែរ គឺជាការបាត់បង់ដ៏ធំមួយទៀតសម្រាប់ឧស្សាហកម្មកម្សាន្តថៃ ក្រោយអតីតតារាសម្ដែងប្រុសឆ្នើមរូបនេះទទួលមរណភាព ក្នុងអាយុ ៥៤ឆ្នាំ បន្ទាប់ពីបេះដូងឈប់លោត ដោយសារសម្ពាធឈាមធ្លាក់ចុះ និងឆ្លងមេរោគក្នុងចរន្តឈាម នៅវេលាម៉ោង ១១៖៤៩នាទីយប់ ថ្ងៃទី២០ ខែមីនា ។
![](https://www.kampucheathmey.com/wp-content/uploads/2024/03/image-1122.png)
ថ្វីបើយ៉ាងណាក៏ដោយ មុនពេលលោកទទួលមរណភាព ទស្សនិកជនជាច្រើនសុទ្ធតែដឹងហើយថា តារាសម្ដែង Winai Kraibut បានរងនូវជំងឺពងបែកលើដងខ្លួននិងមុខមាត់ រហូតក្រុមគ្រួសារបានព្យាយាមព្យាបាលគ្រប់វិធីតាមដែលអាចធ្វើទៅបានអស់រយៈពេលជាង៥ឆ្នាំ ដល់ថ្នាក់រូបលោកផ្ទាល់ត្រូវឈប់សម្រាកពីការងារក្នុងវិស័យកម្សាន្ត រួមទាំងការផ្លាស់ប្តូរគ្រួសារទៅស្រុកកំណើតនៅភាគខាងត្បូង។
ក្រោយមកទៀត ស្ថានភាពជំងឺសើស្បែករបស់លោកបានធូរស្បើយខ្លះៗ លែងជាក្ដីបារម្ភសម្រាប់អ្នកគាំទ្រនិងក្រុមគ្រួសារហើយគេគិតថាលោកអាចនឹងវិលមកអាជីពសម្ដែងភាពយន្តវិញឆាប់ៗ។ ប៉ុន្តែ ជារឿងដ៏រន្ធត់មួយកាលពីថ្ងៃទី២៧ ខែកុម្ភៈតារាសម្ដែងជើងចាស់ថៃរូបនេះ ស្រាប់តែត្រូវក្រុមគ្រួសារបញ្ចូនទៅកាន់មន្ទីរពេទ្យ ក្រោយលោកបានដួលសន្លប់ក្នុងបន្ទប់ទឹក ដោយសារតែខ្វះជាតិដែកនិងខ្វះឈាម សារធាតុរ៉ែ និងសារធាតុចិញ្ចឹមជាច្រើនទៀត ធ្វើឲ្យរាងកាយមិនអាចទទួលយកបាន។
![](https://www.kampucheathmey.com/wp-content/uploads/2024/03/image-1123-577x1024.png)
យ៉ាងណាមិញ ក្រោយងើបពីសន្លប់៣ថ្ងៃ សិល្បករថៃដ៏មានប្រជាប្រិយភាព និងទេពកោសល្យសម្ដែងរឿងលោក Winai Kraibut បានប្រាប់កុំឲ្យអ្នកគាំទ្របារម្ភរូបលោកអ្វី។ ពេលនេះស្ថានភាពរបស់លោកផ្ទាល់ក៏រាងធូរស្រាលផងដែរ ដូច្នេះនៅពេលដែលជាពីជំងឺ លោកនឹងបង្ហាញមុខក្នុងអាជីពចាស់ជាក់ជាមិនខានឡើយ។
ក្រោយមក នៅថ្ងៃនេះផ្ទាល់តែម្ដង ភរិយារបស់លោក Ae Orchanyach ស្រាប់តែបង្ហោះសាររំលែកទុក្ខយ៉ាងខ្លីថា “សូមសម្រាកឲ្យបានសុខ”! ដោយក្នុងនោះមានរូបថតសខ្មៅរបស់ស្វាមី ទើបធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំងសឹងមិនជឿថា តារាសម្ដែងដ៏ពូកែ Winai ពិតជាទទួលមរណភាពមែន៕
![](https://www.kampucheathmey.com/wp-content/uploads/2024/03/image-1121.png)
អត្ថបទ៖ សាង ស្រីល័ក្ខ
ចុចអាន៖Cheer បង្ហើបបុរសក្នុងក្ដីស្រម៉ៃ ប៉ុន្តែមិនចង់បានកូនឡើយ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ