Connect with us

ជីវិតកម្សាន្ដ

ពិធីករ សុខ រ៉ាស៊ី ត្រូវបានជ្រើសរើសជាគណៈកម្មការរៀបចំការបោះឆ្នោត​ប្រធានសមាគមសិល្បករខ្មែរ

បានផុស

នៅ

ពិធី​ករ​មាន​ប្រជាប្រិយភាព​លោក សុខ រ៉ាស៊ី បង្ហើប​ឲ្យ​ដឹង​ថា លោក​ត្រូវ​បាន​តែងតាំង​ជា​គណៈកម្មការ​រៀបចំ​ការ​បោះឆ្នោត ជ្រើសរើស​ប្រធាន​សមាគម​សិល្បករ​ខ្មែរ ដែល​នឹង​ធ្វើឡើង​នៅ​ដើមខែ​ឧសភា ឆ្នាំ ២០២៤ ខាងមុខនេះ។

លោក សុខ រ៉ាស៊ី បាន​បញ្ជាក់​ប្រាប់​កម្ពុជា​ថ្មី​ថា លោក​ពិត​ជា​មាន​អារម្មណ៍​រំភើប​ខ្លាំង​ណាស់ ដែល​ត្រូវ​បាន លោក ទិត្យ ថាវរិទ្ធ រដ្ឋលេខាធិការ​ក្រសួង​វប្បធម៌ និង​វិចិត្រ​សិល្បៈ សម្រេច​តែងតាំង​ឲ្យ​ធ្វើជា​គណៈកម្មការ​រៀបចំ​ការ​បោះឆ្នោត​ជ្រើសរើស​ប្រធាន​សមាគម​សិល្បករ​ខ្មែរ​អាណត្តិ​ថ្មី នា​ពេល​ឆាប់ៗ នេះ។

ពិធី​ករ សុខ រ៉ាស៊ី បាន​និយាយ​បន្ត​ទៀត​ថា បើ​តាម​គម្រោង សម្រាប់​ការ​បោះឆ្នោត​ជ្រើសរើស​ប្រធាន​សមាគម​សិល្បករ​ខ្មែរ​អាណត្តិ​ថ្មី​នេះ នឹង​រៀបចំ​ធ្វើឡើង​នៅ​ថ្ងៃ​ទី ០២ ខែ​ឧសភា ឆ្នាំ ២០២៤ ដែល​មាន​ការ​អញ្ជើញ​សិល្បករ​-​សិល្ប​ការិនី​ទាំង​ទៅ​ចូលរួម​ការ​បោះឆ្នោត​នេះ​ឲ្យ​បាន​គ្រប់គ្នា ដើម្បី​ជ្រើស​រើស​សមាសភាព​ប្រធាន​ថ្មី​ដឹកនាំ​បន្ត​ពី​អ្នកនាង ចន ច័ន្ទលក្ខិណា ដែល​ជា​ប្រធាន​ចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយ​គ្នា​នេះ​ដែរ លោក សុខ រ៉ាស៊ី ក៏បាន​រំពឹង​ថា សិល្បករ​-​សិល្ប​ការិនី​ទាំងអស់ នឹង​អញ្ជើញ​ចូលរួម​បោះឆ្នោត​ដើម្បី​ជ្រើសរើស​ប្រធាន​សមាគម​សិល្បករ​ខ្មែរ​អាណត្តិ​ថ្មី​តាម​ការ​កំណត់។

សូម​បញ្ជាក់​ថា កាលពី​ថ្មីៗ នេះ សមាគម​សិល្បករ​ខ្មែរ ក៏បាន​ចេញ​ការ​ជូន​ដំណឹង​ដល់​សិល្បករ​-​សិល្ប​ការិនី ដែល​មាន​បំណង​ចូលរួម​បោះឆ្នោត​ជ្រើសរើស​ប្រធាន​សមាគម​សិល្បៈ​អាណត្តិ​ទី ៦ ទៅ​បំពេញ​ឈ្មោះ ដើម្បី​ទទួល​បាន​បណ្ណ​បញ្ជាក់​សិទ្ធិ​ចូលរួម​បោះឆ្នោត​ចាប់ពី​ថ្ងៃ​ទី ២០ ដល់ ៣០ ខែ​មេសា ឆ្នាំ ២០២៤ ផង​ដែរ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

តុលាការ​បង្គាប់​ឱ្យ​នាំ​ខ្លួន​ឃាតក​ឈ្មោះ ស្រី ស៊ី​ណា មក​សាកសួរ​បន្ថែម

សន្តិសុខសង្គម៣៨ នាទី មុន

រថយន្ត​ដឹកទំនិញ​មួយ​គ្រឿង​បើក​ខ្វះ​ការ​ប្រុងប្រយ័ត្ន ​បុក​អ្នកលក់​ទឹកបាក់​ជើង

ព័ត៌មានជាតិ៣៩ នាទី មុន

ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ

ព័ត៌មានជាតិ៤៦ នាទី មុន

អភិបាលខណ្ឌ​ឫស្សីកែវ ស្នើ​​ឱ្យ​ម្ចាស់​ក្បាលដី​នៅ​សងខាង​ព្រែក​អូ​វែង​ទាំងអស់​ បញ្ឈប់​ជាបន្ទាន់ រាល់​សកម្មភាព​ចាក់​ដី​រំលោភ​យក​ចំណី​ព្រែក

ព័ត៌មានជាតិ២ ម៉ោង មុន

មន្ត្រីជាន់ខ្ពស់៖ ការទប់ស្កាត់បទល្មើសមុនពេលកើតជារឿងសំខាន់ បើបទល្មើសកើតហើយ ទើបបង្ក្រាបមិនល្អឡើយ

Sokha Hotels

ព័ត៌មានពេញនិយម