ជីវិតកម្សាន្ដ
អ្នកដឹកនាំ ចង់រំសាយក្រុម ខណៈការទិញសំបុត្រល្ខោននិយាយថ្មី ចុងសប្ដាហ៍នេះ មានតិចតួច (មានវីដេអូ)
ក្រុមល្ខោននិយាយ ឥសីវ៉ូលេ ត្រៀមសម្ដែងល្ខោននិយាយថ្មី មានចំណងជើងថា ផ្លែក្រៅដើម នាចុងសប្ដាហ៍ថ្ងៃសៅរ៍ អាទិត្យ ទី១១ ១២ ខែឧសភា ឆ្នាំ២០២៤ នេះ នៅ រាជបណ្ឌិត្យសភាកម្ពុជា ជិតស្ពានអាកាសផ្សារដីហុយ។ ប៉ុន្តែថ្ងៃស្អែកដល់ពេលសម្ដែងហើយ ទើបតែទទួលការបញ្ជាទិញមិនទាន់បានពាក់កណ្ដាលផង ខណៈក្រុមបានចំណាយ និងហ្វឹកហាត់ជាច្រើនខែ។ អ្នកដឹកនាំក្រុមបាន លើកឡើងថា លោកនឹងរំសាយក្រុម មិនមានលទ្ធភាពទ្រទ្រង់ក្រុមបន្តទៀត។
លោក ណេន ភារិទ្ធ ប្រធានក្រុមឥសីវ៉លេ បានឱ្យ “កម្ពុជាថ្មី” ដឹងថា សម្រាប់សិល្បករផ្នែកល្ខោននិយាយ មានការព្រួយបារម្ភក្នុងការដំឡើងស្នាដៃថ្មី ខណៈភាពដដែលៗរបស់សិល្បៈ គឺជាសត្រូវនៃកែវភ្នែក អារម្មណ៍ទស្សនិជន។ ពេលនិយាយពីល្ខោននិយាយ គឺគេនឹកស្រមៃរឿងប្រលោមលោក ឬអក្សរសិល្បិ៍ ដូចជារឿង កុលាបប៉ៃលិន ថៅកែចិត្តចោរ ផ្កាស្រពោន កំពង់ធំជំរុំចិត្ត សុផាត ជាដើម។ ជាក់ស្ដែង ក្រុមឥសីវ៉ូលេ បានដំឡើងស្នាដៃថ្មី គឺ រឿង ផ្លែក្រៅដើម ដែលគ្រោងនឹងសម្ដែងនៅចុងសប្ដាហ៍នេះ ប៉ុន្តែទទួលការបញ្ជាទិញតិចតួចខ្លាំង។
លោក ណេន ភារិទ្ធ បញ្ជាក់ថា៖ “មកដល់ពេលនេះ យើងទទួលបានការលក់សំបុត្រតិច ក្នុងសាលសម្ដែងដែលដាក់បានទស្សនិកជន ៥០០ នាក់ ថ្ងៃសម្ដែងទី១ ទើបលក់បានប្រមាណ ២០០ សំបុត្រ ហើយថ្ងៃទី២ បានប្រហែល ១០០សំបុត្រទេ។ សម្រាប់ពួកខ្ញុំហាក់ដូចជាបាក់ទឹកចិត្ត ប៉ុន្តែខ្ញុំខំទាញចិត្តមកវិញថា យើងធ្វើលើកទី១ លើកទី២ រឿងកុលាបប៉ៃលិន រឿងមរណភាពចម្លែក យើងទទួលបានជោគជ័យ អ៊ីចឹងបើលើកនេះមិនជោគជ័យ យើងគិតថា នៅមានការគាំទ្រអ៊ីចឹង”។
លោក ណេន ភារិទ្ធ លើកឡើងបន្តថា៖ “ប៉ុន្តែមិនជោគជ័យពេលនេះ គឺចំពេលយើងត្រូវការជំនួយយកមកទ្រទ្រង់សកម្មភាពក្រុម ប្រសិនយើងមិនអាចយកថវិកាមកទ្រទ្រង់ក្រុមបានទេ ខ្ញុំសម្រេចចិត្តថា ខ្ញុំរំសាយក្រុមចោលតែម្ដង។ ព្រោះការខិតខំរយៈពេល ១១ឆ្នាំមកនេះ ខ្ញុំអត់ទទួលបានជាលាភសក្ការៈសម្រាប់ចិញ្ចឹមជីវិតទេ ពួកខ្ញុំលះបង់ច្រើន ហើយមិនចង់ឱ្យខាតពេលវេលាបន្តទៀត ព្រោះរយៈពេល ១១ឆ្នាំមកនេះ ពួកខ្ញុំជាកូនខ្មែរដែលបានចូលរួមថែរក្សាសម្បត្តិវប្បធម៌ហ្នឹងហើយ”។
លោក ណេន ភារិទ្ធ បានស្នើប្រជាពលរដ្ឋដែលស្រលាញ់សិល្បៈវប្បធម៌ សូមស្រលាញ់ដោយភ្ជាប់ការចូលរួមគាំទ្រដោយផ្ទាល់ផង ខណៈពេលខ្លះកម្មវិធីតម្រូវឱ្យមានការលក់សំបុត្រ ដើម្បីអាចទ្រទ្រង់ក្នុងការរៀបចំកម្មវិធី ព្រោះរាល់កម្មវិធីសិល្បៈបុរាណពិបាកស្វែងរកម្ចាស់ឧបត្ថម្ភ។ សូមចូលរួមគាំទ្រសិល្បករ និងបណ្ដាសមាគមទាំងអស់ដែលកំពុងធ្វើកិច្ចការថែរក្សាវប្បធម៌។
គួរបញ្ជាក់ថា ល្ខោននិយាយ រឿង ផ្លែក្រៅដើម បង្ហាញពីបញ្ហាក្នុងគ្រួសារមួយ ដែលមានបងប្រុសជាបុគ្គលស្រលាញ់មាតុភូមិ វប្បធម៌ ធម្មជាតិ ហើយគាត់ជួយមនុស្សជុំវិញខ្លួន ខណៈគាត់បានតស៊ូតាំងពីមានតួនាទីតូចរហូតក្លាយជាមន្ត្រីធំបម្រើរាស្ត្រជាតិមាតុភូមិ។ អ្វីដែលមិនសមបំណង គាត់មានប្អូនថ្លៃជាមនុស្សលោភលន់។ តើសាច់រឿងនឹងបញ្ចប់ដោយដំណោះស្រាយបែបណា? សូមអញ្ជើញទៅទស្សនាដើម្បី ទស្សនាទស្សនីយភាពគួរឱ្យចាប់អារម្មណ៍នេះ ក៏ដូចជាលើកទឹកចិត្តសិល្បករ មានលទ្ធភាពបង្កើតស្នាដៃបន្តទៀត។
តម្លៃសំបុត្រ ៤ ម៉ឺនរៀល និង ២ ម៉ឺនរៀល ទូរសព្ទទាក់ទងលេខ៖ ០៨៧ ២៩១ ១១៣/ ០៨៩ ៥៣៣ ៩៩៧/ ០៨៥ ២៥៣ ៥៤៥ ។ ការចូលរួមជួយឧបត្ថម្ភ គាំទ្រ របស់លោកអ្នក គឺជាកម្លាំងចិត្ត ដល់ ក្រុមឥសីវ៉ូលេ អាចដំឡើងស្នាដៃ ឬផលិតវីដេអូអប់រំខ្លីៗ បន្តទៀត។ ABA : 001 25 35 45 / Name : Nen Phearith ៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៨ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ