Connect with us

វប្បធម៌ ជំនឿ

ឥសីវ៉ូលេ ផ្ដល់ឱកាសចុះឈ្មោះហាត់រៀន ល្ខោននិយាយ ដោយឥតគិតថ្លៃ ដល់ចុងសប្ដាហ៍នេះ

បានផុស

នៅ

ឥសីវ៉ូលេ ឈ្មោះជាក្រុមសិល្បៈដែលចូលរួមលើកស្ទួយ អភិរក្ស និងអភិវឌ្ឍន៍ នូវទម្រង់សិល្បៈល្ខោននិយាយ ឬល្ខោននាដកម្ម។ នៅពេលនេះ ឥសីវ៉ូលេ នឹងផ្ដល់ឱកាសដល់ យុវជន យុវនារី សិស្ស និស្សិត មហាជន ដែលមានអាយុពី ១៥ឆ្នាំ ដល់ ៣៥ឆ្នាំ ចងហាត់រៀនសម្ដែងល្ខោននិយាយ ដោយឥតគិតថ្លៃ ដល់ថ្ងៃអាទិត្យចុងសប្ដាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ណេន ភារិទ្ធ មន្ដ្រីកិច្ចសន្យា នៃនាយកដ្ឋានសិល្បៈទស្សនីយភាព និងជា ប្រធាន ក្រុមឥសីវ៉ូលេ បានឱ្យ “កម្ពុជាថ្មី” ដឹង នៅថ្ងៃនេះថា ឥសីវ៉ូលេ សហការជាមួយកម្មវិធីកិត្តិសព្ទកម្ពុជា និងទទួលបានការគាំទ្រ និងផ្ដល់ទីតាំងហាត់រៀននៅ សហភាពសហព័ន្ធយុវជនកម្ពុជា រាជធានីភ្នំពេញ បានរៀបចំកម្មវិធី “សាកសម្ដែង” ជំនាន់ទី៤ ចំនួន ១៥ សប្ដាហ៍ ដោយរៀនរៀងរាល់ថ្ងៃសៅរ៍ ពីម៉ោង ៤:០០ ដល់ម៉ោង ៧:០០ យប់ ឬថ្ងៃអាទិត្យ ពីម៉ោង ៩:០០ ដល់ម៉ោង ១២:០០ ថ្ងៃត្រង់។

លោក ណេន ភារិទ្ធ បានឱ្យដឹង គោលបំណងនៃ កម្មវិធី “សាកសម្ដែង” គឺ ផ្តល់ឱកាសឱ្យយុវជន បានឈ្វេងយល់ពីមូលដ្ឋានគ្រឹះ នៃការសម្តែងល្ខោននិយាយ, ពង្រឹងសមត្ថភាពសម្តែង ពិសេសការសម្តែងល្ខោននិយាយ ឬល្ខោននាដកម្ម (លើឆាក), បណ្តុះធនធានសិល្បករ ផ្នែកសម្តែងល្ខោន ប្រកបដោយ ក្រមសីលធម៌ដោយឈរលើមូលដ្ឋាន នៃចំណេះ ជំនាញ, បណ្តុះស្មារតី នៃការស្រលាញ់វប្បធម៌ដូនតា ដែលជាដួងព្រលឹងជាតិ តាមរយៈការចូលរួមអភិវឌ្ឍន៍សង្គមជាតិ, ជម្រុញ និងលើកទឹកចិត្ត ឱ្យយុវជនចូលរៀននៅសាលាជំនាញ (សាលារចនា)។

ការហាត់រៀននេះ គឺមិនមានបង់ថ្លៃទេ ដោយទទួលពាក្យ រហូតដល់ថ្ងៃទី១៨ ខែកុម្ភៈ ឆ្នាំ២០២៤ វេលាម៉ោង ៥ រសៀល។ លក្ខខណ្ឌងាយៗសម្រាប់ការដាក់ពាក្យ៖ បំពេញប្រវត្តិរូបសង្ខេប, សរសេរសំណេរទាក់ទងអំពី “តួនាទីយុវជន និងវប្បធម៌” ប្រមាណ ២ទំព័រ, ថតរូបចំនួន ២សន្លឹក និងថតវីដេអូខ្លី (២នាទី) រួចផ្ញើមកកាន់ Telegram : https://t.me/rith_069 ឬចូលទៅកាន់តំណរភ្ជាប់នេះ https://forms.gle/ZcxnN5XLysg2YQJ67

ព័ត៌មានបន្ថែម សូមទាក់ទងទូរសព្ទ ឬ តេឡេក្រាម លេខ ០៦៩ ២៥ ៣៥ ៤៥ ។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៤ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៥ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម