ជីវិតកម្សាន្ដ

ផ្ទុះការរិះគន់ឈុតបេក្ខភាព Miss Grand តំណាងខេត្តត្បូងឃ្មុំ “រាជនីលៀសហាល”

បានផុស

២ years មុន

នៅ

ថ្ងៃចន្ទ ១០ មិថុនា ២០២៤

ដោយ

មហាជន និងអ្នកនិយមតាមដានវិស័យបវរកញ្ញានៅកម្ពុជាបានផ្ទុះការវែកញែក និងរិះគន់ដោយសម្តែងការមិនពេញចិត្តទៅលើឈុតតំណាងឲ្យខេត្តត្បូងឃ្មុំដែលគ្រងឈុតរាជនីលៀសហាលដោយបេក្ខភាព Miss Grand ស៊ីថា ស្រីលីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង នៅលើបណ្តាញសង្គមហ្វេសប៊ុកគេឃើញមានការចែករំលែកភ្ជាប់ជាមួយខ្លឹមសាររិះគន់មួយចំនួនទៅលើការរៀបចំច្នៃឈុតតំណាងជាតិដែលមានឈ្មោះថា «រាជនីលៀសហាល»។ ខណៈក៏មានការលើកឡើងថា “វប្បធម៌ខ្មែរមិនខ្វះប្រាសាទមានរាប់ពាន់ សំលៀកបំពាក់ខ្មែរច្រើនអនេកហេតុអី្វមិនយកមកផ្សព្វផ្សាយឲ្យល្បីរន្ទឺផងអស់លោក? ចេញមកទម្រង់តែរបៀបនេះ តើសង្ឃឹមអី្វទៅថ្ងៃក្រោយទៀត?”

មានការបញ្ចេញមតិទៀតថា “ខេត្តត្បូងឃ្មុំខ្ញុំមានប្រវត្តិស្នេហាទុំ ហើយនឹងទាវ ដែលជាខេត្តប្រវត្តិសាស្ត្រតាំងតែពីដូនតាមកម្លេះហេតុអ្វីបានយកលៀសហាលមកតំណាងឲ្យខេត្តត្បូងឃ្មុំទៅវិញ ខ្ញុំមិនយល់សោះ។ ត្បូងឃ្មុំមានប្រវត្តិសាស្រ្តជាច្រើនដូចជា ស្តេចកន ទុំទាវ ជាដើម។ ឯលៀសហាលណូនី តំណាងឲ្យអ្វីដែរ? លក់មុខអ្នកត្បូងឃ្មុំណាស់។”

ចំណែកឯខ្លះទៀតបានលើកឡើងថា “ខ្ញុំអ្នកខេត្តត្បូងឃ្មុំទទួលយកអត់បានទេ មិនដឹងថាយកខួរអី្វមកគិតដែរធ្វើមកចេញបែបហ្នឹង។ ឆ្នាំនិងសុំឆាការចោលហើយតំណាងខេត្តត្បូងឃ្មុំសុំឲ្យ ០ពិន្ទុ។ អាហារវាជាម្ហូបប្រចាំតំបន់ខេត្ត ប្រទេស តែនេះដាក់ឈ្មោះពេញៗអ៊ីចឹងវាមិនមែនជាតំណាងខេត្តទេ”។

គួរបញ្ជាក់ថា គិតមកដល់ពេលនេះកម្មវិធីប្រឡងបវរកញ្ញា Miss Grand Cambodia ២០២៤ បាននឹងកំពុងដំណើរការឈានដល់វគ្គនៃការបង្ហាញឈុតតំណាងជាតិហើយដើម្បីប្រកួតប្រជែងជ្រើសរើសអ្នកដែលមានសមត្ថភាពដ៏អស្ចារ្យគ្រង់មកុដតំម្លៃជាង1M របស់ MGC 2024 រំលេចរូបរាងដ៏ប្រណិតរចនារូបហង្សពាំតំណក់ទឹកនៃគ្រាប់ពេជ្ររាប់ពាន់គ្រាប់៕

អត្ថបទ៖ ចាន់រ៉ា