ជីវិតកម្សាន្ដ

សិល្បការិនីឆ្នើម ស៊ូ ដាណេ ពន្លះយ៉ាងចាស់ដៃ ខណៈមានគេចោទថា ចង់តោងល្បី

បានផុស

៨ ខែ មុន

នៅ

ថ្ងៃពុធ ១៧ កក្កដា ២០២៤

ដោយ

សិល្បការិនីឆ្នើមផ្នែករបាំបុរាណខ្មែរ និងអាចលេងបានគ្រប់ទម្រង់សិល្បៈអ្នកនាង ឆោម ចន្ទនេត ហៅ ស៊ូ ដាណេ បានបង្ហាញការហួសចិត្ត និងមិនសប្បាយចិត្ត ខណៈដែលមានបុគ្គលម្នាក់ចោទថានាងកំពុងចង់តោងល្បីហើយថែមទាំងមើលងាយកិត្តិយសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ស៊ូ ដាណេ គឺជាអតីតសិល្បការិនីប្រចាំមន្ទីរវប្បធម៌ និងវិចិត្រសិល្បៈរាជធានីភ្នំពេញ។ ក្រៅពីជាតារាចម្រៀងសម័យមួយរូបដែលមានទឹកដមសំឡេងលំនាំតារាចម្រៀងជំនាន់ដើមអ្នកស្រី ប៉ែនន រ៉ន ហើយនោះ អ្នកនាង ស៊ូ ដាណេ ក៏មានជំនាញសិល្បៈបុរាណជាច្រើនមុខទៀតផងដែរដូចជា, យីកេរិ៍្ត របាំបុរាណ និងស្មូតជាដើម។

ប្រតិកម្មឆ្លើយតបចំពោះការចោទប្រកាន់ពីសំណាក់បុគ្គលរូបនោះដោយមិនបញ្ចេញឈ្មោះស៊ូ ដាណេ បានបញ្ជាក់ថា” ខ្ញុំជាអ្នកចម្រៀងកំប៉ិកកំប៉ុកក៏ពិតមែន ការងារតាមហាងពេលរាត្រីត្រូវហើយ ប៉ុន្តែខ្ញុំក៏មានកិត្តិយសខ្ញុំ ខ្ញុំឈរច្រៀងនៅមានមនុស្សមកគោរពសំពះដោយសេចក្តីថ្នូរ“។

តារាចម្រៀង ស៊ូ ដាណេ បាននិយាយទៀតថា កុំថាឡើយនាងចង់តោងល្បីនឹងជនថោកទាប គ្រាន់តែមានព័ត៌មានចុះជាមួយបុគ្គលម្នាក់នោះគឺ នាងខ្ពើមខ្លួនឯងណាស់ទៅហើយសូមជ្រាប។ នាងថា មានការរើសអើងពីអ្នកមានដ៏ថោកទាប ជាន់ឈ្លីភាពក្ររបស់ខ្ញុំ ប៉ុន្តែសេចក្តីថ្លៃថ្នូរមិនរើសអើងខ្ញុំឡើយ។

អ្នកនាង ឆោម ចន្ទនេត ហៅ ដាណេ បានបន្ថែមថា យកបញ្ហាគ្រួសារ និងការងារដ៏សុចរិតរបស់អ្នកដទៃទៅលាបពណ៌បរិហារកេរ្តិ៍ តាមបណ្តាញសង្គមជាទង្វើរបស់ជនថោកទាបដ៏ចោរម្សៀត។ គ្មានត្រង់ណាដែលគួរឱ្យគោរពនោះទេ ឃើញហើយហួសចិត្ត និងអស់សំណើចចំពោះទង្វើដ៏អន់សាច់របស់ជនដែលតាំងខ្លួនថាជាមនុស្សគួរឱ្យគោរពតាំងខ្លួនជាមនុស្សស្រលាញ់កិត្តិយស និងច្បាប់។ ទោះបីយ៉ាងណា នាងមិនក៏បានបញ្ចេញឈ្មោះរបស់បុគ្គលខាងលើទៀត ដែលនាំតែឲ្យខ្លួនមិនសប្បាយចិត្តឡើយ៕

អត្ថបទ៖ ចាន់រ៉ា