តារាសម្ដែងស្រីកូរ៉េម្នាក់នេះ បង្ហាញសកម្មភាពញុំាមីកំប៉ុង ដូចមនុស្សជក់ថ្នាំ

កាលពីពេលថ្មីៗនេះ តារាសម្ដែងស្រី Jeon Jong Seo​ ដែលកំពុងតែទទួលបានការស្រឡាញ់គាំទ្រយ៉ាងខ្លាំងក្លាពីអ្នកទស្សនា តាមរយៈរឿងភាគ Queen Woo បានបង្ហោះវីដេអូមួយធ្វើឲ្យផ្ទុះនូវការសង្ស័យទៅលើរូបនាង។ តាមរយៈវីដេអូដែលបានបង្ហោះនៅក្នុង​ Youtube បង្ហាញពីសកម្មភាពញុំាមី ដោយចេញនូវកាយវិការដ៏គួរឲ្យសង្ស័យ។

នៅក្នុងនោះ មហាជននាំគ្នាចូលខមិនថា អ្នកណាបង្អត់អាហារ Jeon Jong Seo មើលទៅនាង ដូចមនុស្សអត់ឃ្លាន ហើយអ្នកខ្លះទៀត ក៏បានបញ្ចេញមតិថា បុគ្គលិកលក្ខណៈរបស់នាង ប្រៀបដូចជា តារាប្រុស Yoo Ah In ដែលទើបនឹងត្រូវបានតុលាការផ្ដន្ទាទោសពាក់ព័ន្ធនឹងការប្រើប្រាស់គ្រឿងញៀន និងថ្នាំលើសកម្រិត។

ទន្ទឹមនឹងនោះដែរ វីដេអូញុំាមីកំប៉ុងរបស់តួឯកស្រីរូបនេះ ទទួលបានការចាប់អារម្មណ៍ជាខ្លាំង នៅក្នុងបណ្ដាញសង្គម ដោយសារសកម្មភាពញុំារបស់នាង ប្រៀបដូចជា មីនោះ ឆ្ងាញ់ណាស់ ហើយកាយវិការ និង ទឹកមុខ ក៏បានធ្វើឲ្យមហាជនសង្ស័យថា​ នាងលេងថ្នាំ។

ដោយឡែក តារាសម្ដែងស្រី​ Jeon Jong Seo មិនដែលមានពាក្យចចាមអារាមណាមួយ មិនល្អ នៅក្នុងវិស័យសិល្បៈរបស់នាងនូវឡើយនេះ ប្រហែលជាអាចជាលើកទីមួយដែលមហាជនចាប់កំហុសនាង៕

ប្រភព​៖ Koreaboo