ជីវិតកម្សាន្ដ

ខេម លើកទឹកចិត្តយុវជនខ្មែរលេងកីឡាដើម្បីសុខភាព និងត្រូវជៀសឆ្ងាយពីគ្រឿងញៀន

បានផុស

១ ខែ មុន

នៅ

ថ្ងៃសុក្រ ១ វិច្ឆិកា ២០២៤

ដោយ

តារាចម្រៀងសំឡេងស្អក និងជាប្រធានក្រុមបាល់ទាត់តារាកម្ពុជា លោក ខេម បានចេញមកបំផុស និងអំពាវនាវដល់យុវជនខ្មែរគួរជៀសឱ្យឆ្ងាយពីគ្រឿងញៀន ដែលបំផ្លាញសុខភាព ដោយងាកមកនាំគ្នាចូលរួមលេងកីឡាដើម្បីសុខភាព និងជាតិមាតុភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ តារាចម្រៀងលោក ខេម ក៏បានជំរុញលើកទឹកចិត្តឱ្យរួមគ្នារវាងបងប្អូន អ្នកសិល្បករក្នុងការបង្កើតកម្មវិធីមូលនិធិផ្សេងៗ តាមរយៈវិស័យកីឡាបាល់ទាត់ដើម្បីជួយដល់សង្គមជាតិផងដែរ។ លោក ខេម អះអាងថា លោកស្គាល់ពហុកីឡាដ្ឋានជាតិអូឡាំពិក តាំងពីឆ្នាំ២០០៤ មកម្លេះ។

លោក ខេម បានបញ្ជាក់ថា លោកបានស្គាល់កន្លែងនេះចាប់តាំងពីអ្នកចាត់ការក្រុមខ្លះមិនទាន់ចេះរើសបាល់ផង ក្តីស្រឡាញ់ចំពោះវិស័យបាល់ទាត់នៅតែមានចំពោះលោករហូតមកដល់សព្វថ្ងៃអាចរួមគ្នាជាមួយនឹងបងប្អូនសិល្បករបង្កើតកម្មវិធីមូលនិធិផ្សេងៗជូនទៅដល់ជាតិមាតុភូមិ។

តារាចម្រៀង និងជាអ្នកដឹកនាំក្រុមបាល់ទាត់តារាកម្ពុជាលោក ខេម បានបញ្ជាក់បន្ថែមទៀតតាមរយៈការអំពាវនាវសម្រាប់យុជនខ្មែរចូលរួមលេងកីឡាដើម្បីសុខភាព និងជាឆ្ងាយពីគ្រឿងញៀន (Cambodia Football Super Stars)។

សូមជម្រាបថា លោក ខេម ថ្មីៗនេះបានរៀបចំព្រឹត្តិការណ៍នៃការប្រកួតបាល់ទាត់រវាងក្រុមបាល់ទាត់តារាកម្ពុជា និង គុន ខ្មែរអលស្តារក្រោមប្រធានបទ” យើងរួមគ្នាលើកស្ទួយជួយគុនខ្មែរ”ក្នុងគោលបំណងដើម្បីរកមូលនិធិជួយដល់តាមបណ្តាក្លឹបដែលមានការខ្វះខាត៕

អត្ថបទ៖ ចាន់រ៉ា