ជីវិតកម្សាន្ដ
សឿនផាន ផាភួង ដាស់តឿនអ្នកគាំទ្រ ត្រូវចេះសន្សំលុយ ខណៈសេដ្ឋកិច្ចបច្ចុប្បន្នមិនសូវល្អ
តារាសម្ដែងអ្នកនាង សឿនផាន ផាភួង បានចេញមុខបំផុស និងដាស់តឿនដល់មហាជនអ្នកគាំទ្ររបស់ខ្លួន ត្រូវចេះសន្សំលុយកាក់ ខណៈសេដ្ឋកិច្ចបច្ចុប្បន្នហាក់មិនសូវអំណោយផលទេ។
អ្នកនាង សឿនផាន ផាភួង ត្រូវបានគេចាត់ទុកជាតារារៀមច្បងដែលមានបទពិសោធច្រើនក្រាស់ក្រែលនៅក្នុងវិស័យសិល្បៈសម្តែងដោយហេតុថាមកដល់ពេលនេះតារាស្រីរូបនេះបានបង្ហាញមុខក្នុងខ្សែភាពយន្តជាច្រើនស្ទើរតែរាប់ភ្លេចមកហើយ មិនថាខ្សែភាពយន្តខ្នាតធំ ឬខ្សែភាពយន្តភាគនោះទេ។
ស្របពេលសិល្បៈមានសន្ទុះទីផ្សារ តារាស្រី សឿនផាន ផាភួង បានលើកឡើងថា «សេដ្ឋកិច្ចបច្ចុប្បន្ននេះ មិនធម្មតាទេ ដើរមួយជំហានគិតមួយជំហាន កុំត្អូញត្អែរ កុំអំនួតសម្រាប់អ្នករកស៊ីដែលអាចឈរជើងបានក្នុងពេលនេះគឺជាអ្នកខ្លាំងពិតប្រាកដ(មិនបាច់រំពឹងសល់ទេឲ្យតែអាចទប់ទល់ ជ្រែងជើងជាប់កុំឲ្យរលំទៅបានហើយ»។
អ្នកនាង ផាភួង បញ្ជាក់បន្ថែមថា ទ្រាំវាជាពាក្យមួយដ៏ល្អសម្រាប់កាលៈទេសៈនេះ តស៊ូមួយរយៈទៀតវានឹងផុតហើយ សំងំសិន កុំអាលចង់ធ្វើនេះធ្វើនោះធំៗ ចំណាយច្រើនៗ ចាយវាយត្រូវចេះសន្សំសំចៃខំប្រឹងទ្វេដងទប់ទល់គ្រប់បញ្ហាគ្រប់ការចោទប្រកាន់ គ្រប់ការមើលងាយមិនឲ្យតម្លៃ កុំតបត។
សូមជម្រាបថា តារាស្រីអ្នកនាង សឿនផាន ផាភួង គឺជាស្ត្រីមេម៉ាយមានកូនចំនួន ២ នាក់ ប្រុសម្នាក់ និងស្រីម្នាក់ ដែលពេលនេះកូនប្រុស-ស្រីទាំងពីររបស់នាងបានធំពេញវ័យអស់ហើយ។ លើសពីនេះ កូនស្រីតារាស្រីខាងលើ ក៏ត្រូវបានគេស្គាល់ជាតួឯកស្រីវ័យក្មេងឈ្មោះ អាង សុជាតា ដែលកំពុងឡើងកូដតាមរយៈអាជីពសិល្បៈកាត់តាមម្ដាយផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ