៧ ឆ្នាំ​ដែល Jonghyun លាចាកលោក​ ប៉ុន្តែសមាជិកក្រុម SHINee ​នៅតែចងចាំ

កាលពីថ្ងៃទី ១៨ខែធ្នូ ផលិតកម្ម SM Entertainment បានចែករំលែកការសរសើរនៅលើគណនីផ្លូវការរបស់ SHINee ដោយបង្ហោះរូបថតរបស់ Jonghyun នៅលើឆាកជាមួយនឹងចំណងជើងថា ពួកយើងនឹងស្រឡាញ់អ្នកជានិច្ច។

ទន្ទឹមគ្នានោះដែរ អ្នក​គាំទ្រ​របស់ក្រុម​ SHINee ​ក៏បាន​ចូល​រួម​ក្នុង​ការ​រំឭក​ដោយ​បញ្ចេញ​សារ​បញ្ចាក់ពីក្ដីនឹករលឹកនិងក្ដីស្រលាញ់ដ៏ធំធេញដែលពួកគេមានដល់Jonghyunបើទោះជាមានរយៈពេល ៧ ឆ្នាំហើយចាប់តាំងពីលោកបានចាកចេញពីពិភពលោក ប៉ុន្តែតន្ត្រី និងការចងចាំរបស់គាត់នៅតែស្រលាញ់យ៉ាងខ្លាំងដោយមនុស្សជាច្រើនមិនសាបសូន្យ។

Jonghyun បានបង្ហាញខ្លួនជាលើកដំបូងជាមួយក្រុម SHINee ក្នុងឆ្នាំ ២០០៨ ដោយបន្សល់ទុកនូវបទល្បីៗដូចជា ‘Replay’, ‘Ring Ding Dong’ និង ‘Lucifer’ ដែលជាអ្នកត្រួសត្រាយផ្លូវនៃក្រុមតន្ត្រីសហសម័យ ។ តារាប្រុសរូពនេះត្រូវបានគេស្គាល់ដោយសារសំលេងពិសេសនិងភាពលេចធ្លោជាតារាចម្រៀង និងអ្នកនិពន្ធបទចម្រៀងផងដែរ ដោយបានចេញបទទោលដូចជា ‘Déjà-Boo’ និង ‘End of a Day’ ខណៈពេលដែលគាត់និពន្ធបទចម្រៀងដូចជា IU’s ‘Gloomy Clock’ និង ‘Breathe’ ឲ្យតារាចម្រៀង Lee Hi ថែមទៀត។

នៅថ្ងៃទី ១៨ ខែធ្នូ ឆ្នាំ ២០១៧ Jonghyun ត្រូវបានគេរកឃើញក្នុងស្ថានភាពគាំងបេះដូងនៅឯគេហដ្ឋានក្នុងទីក្រុង Cheongdam-dong ទីក្រុងសេអ៊ូល ដោយបានទទួលមរណភាពក្នុងអាយុ២៧ ឆ្នាំ។ ដោយទទួលរងនូវជំងឺធ្លាក់ទឹកចិត្ត សំបុត្រលារបស់គាត់បានសរសេរថា «គ្រាន់តែប្រាប់ខ្ញុំថាខ្ញុំធ្វើបានល្អ ថាខ្ញុំខំប្រឹងធ្វើការ។ កុំបន្ទោសខ្ញុំចំពោះការចាកចេញ។ ខ្ញុំ​ពិត​ជា​បាន​ធ្វើ​ការ​យ៉ាង​លំបាកណាស់ លាហើយ!»

នៅឆ្នាំដដែល គ្រួសាររបស់គាត់បានបង្កើត Shiny «Foundation-For Always Jonghyun» ដោយប្រើសិទ្ធិអ្នកនិពន្ធបទចម្រៀងរបស់គាត់ដើម្បីផ្តល់អាហារូបករណ៍ និងគាំទ្រសិល្បករវ័យក្មេងដែលកំពុងជួបការលំបាក ដោយបន្តនូវមរតកនៃការអាណិត និងការយកចិត្តទុកដាក់របស់ Jonghyun ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖​ សាង ​ស្រីល័ក្ខ

អត្ថបទ៖Song Min Ho ប្រឈមការចោទប្រកាន់ថា អវត្តមានក្នុងអំឡុងពេលបំពេញកាព្វកិច្ចសង្គម