ពីទ្រនំផ្សេងគ្នាមែនពិត តែតារាកូរ៉េ៤រូប ស្និទ្ធស្នាលខ្លាំងលើឆាកនៅ បារាំង

G-Dragon, Taeyang, Rosé, និង J-Hope បានទាក់ទាញការចាប់អារម្មណ៍ជាសកល បន្ទាប់ពីបានសម្តែងនៅក្នុងកម្មវិធីសប្បុរសធម៌បារាំង Pièces Jaunes ដែលរៀបចំដោយប្រធានាធិបតីបារាំងលោក Emmanuel Macron ។ សិល្បករ​ទាំង​បួន​បាន​បញ្ចេញ​ការ​សម្តែង​គួរឲ្យចាប់​អារម្មណ៍​ ដែល​បន្សល់​ទុក​នូវ​ភាពភ្ញាក់ផ្អើលយ៉ាងខ្លាំងដល់​អ្នក​គាំទ្រ​ទូទាំង​ពិភពលោក។

អ្វី​ដែល​លេចធ្លោ​ជាង​នេះ​ទៀត​ នោះ​គឺ​ការ​ប្រាស្រ័យ​ទាក់ទង​គ្នា​រវាង G-Dragon, Taeyang, Rosé និង J-Hope ជាមួយ​នឹង​សិល្បករ​ដែល​មាន​ទំនាក់ទំនង​ជាមួយ YG បី​នាក់​បង្ហាញ​ពី​ចំណង​ស្និទ្ធស្នាល​គ្នា ហើយ J-Hope ក៏​ចូល​រួម​ការ​សន្ទនា​របស់​ពួក​គេ​យ៉ាង​រលូន។ G-Dragon និង Taeyang ដែល​ជា​សមាជិក​យូរ​មក​ហើយ​នៃ​ក្រុម BIGBANG និង​ជា​រូបតំណាង​របស់ YG និង Rosé ដែល​ជា​តួអង្គ​សំខាន់​ក្នុង​ក្រុម BLACKPINK បាន​បង្ហាញ​ពី​ភាព​ស្និទ្ធស្នាល​របស់​ពួកគេ។ J-Hope ទោះបីជាជាផ្នែកមួយនៃ BTS និងស្ថិតក្រោមផលិតកម្ម HYBE ហាក់ដូចជាមានផាសុកភាពជាមួយសិល្បករ YG ដោយឆ្លុះបញ្ចាំងពីទំនាក់ទំនងដ៏កក់ក្តៅនិងមិត្តភាព។

តាមរយៈរូបភាពរបស់ G-Dragon, Taeyang និង Rosé ជជែកគ្នាលេងសើចជាមួយគ្នាបានទាក់ទាញចំណាប់អារម្មណ៍អ្នកគាំទ្រ ខណៈពេលដែល J-Hope ក៏ត្រូវបានគេមើលឃើញថាកំពុងប្រាស្រ័យទាក់ទងជាមួយពួកគេយ៉ាងកក់ក្តៅ ដែលជំរុញឲ្យមានការពិភាក្សាតាមអ៊ីនធឺណិតបន្ថែមទៀត។

អ្នកលេងអ៊ីនធឺណេតបានសរសើរពីពេលវេលានេះដោយនិយាយថា ជំនាន់ចាស់របស់ YG មានភាពកក់ក្តៅណាស់​ វាពិតជាអស្ចារ្យណាស់ដែលបានឃើញសិល្បករ YG មកពីជំនាន់ផ្សេងៗគ្នាមានភាពស្និទ្ធស្នាលជាមួយគ្នា ហើយចំណងមិត្តភាពរបស់ពួកគេ មានអារម្មណ៍ថាដូចជាគ្រួសារពិត។

យ៉ាងណាមិញ ព្រឹត្តិការណ៍​សប្បុរសធម៌​នេះ ​បាន​បង្ហាញ​ពី​ការ​រួបរួម​គ្នា​ដ៏​ស្រស់​ស្អាត​ដែល​បាន​ឆ្លង​ផុត​ទាំង​ជំនាន់ និង​ស្លាក​សញ្ញា​កម្សាន្ត។ អន្តរកម្មរវាង G-Dragon, Taeyang, Rosé និង J-Hope បានបម្រើជាការរំលឹកដ៏កក់ក្តៅនៃសមត្ថភាពរបស់ K-pop ក្នុងការជំរុញទំនាក់ទំនងពិតប្រាកដ ដែលទុកឲ្យអ្នកគាំទ្រមានការចងចាំដែលមិនអាចបំភ្លេចបាន៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ អ្នកគាំទ្រជាច្រើនទម្លាយការពិតខ្លះៗ ដែលយីហោ LV ស្រឡាញ់ J-Hope ខ្លាំងបំផុត