ជីវិតកម្សាន្ដ

សមរភូមិមរតករវាង Wang Xiaofei និងម្តាយតួសាន់ឆាយ មិនទាន់ចប់នូវឡើយទេ

បានផុស

២ ខែ មុន

នៅ

ថ្ងៃព្រហស្បតិ៍ ២០ កុម្ភៈ ២០២៥

ដោយ

ប្រព័ន្ធផ្សព្វផ្សាយតៃវ៉ាន់បានរាយការណ៍កាលពីថ្ងៃទី១៩ ខែកុម្ភៈ ថា ការបែងចែកទ្រព្យសម្បត្តិរបស់ Barbie Hsu ឬតួសាន់ឆាយ មិនទាន់ត្រូវបានដោះស្រាយនៅឡើយ ហើយផេះរបស់នាងទៀតសោត ក៏មិនទាន់បានកប់នូវឡើយទេ ប៉ុន្តែនៅតែរក្សាទុកនៅផ្ទះដដែល ការបញ្ចុះសពត្រូវគេរំពឹងថានឹងបញ្ចប់ក្នុងសប្តាហ៍នេះ។

ប្អូនស្រីតួសាន់ឆាយគឺ Dee Hsu បាននិយាយថា ផេះរបស់តារាស្រី មិនទាន់កប់នៅឡើយទេ ប៉ុន្តែត្រូវបានរក្សាទុកជាបណ្តោះអាសន្ននៅផ្ទះ។ ពិធីបុណ្យសព គ្រោងនឹងធ្វើឡើងក្នុងទម្រង់កប់ផេះក្រោមដើមឈើ ប៉ុន្តែដោយសារនីតិវិធីដ៏ស្មុគស្មាញ ក្រុមគ្រួសារមិនទាន់អាចអនុវត្តបាននៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ អតីតស្វាមីរបស់ Barbie Hsu គឺ Wang Xiaofei ក៏នឹងមកតៃវ៉ាន់នៅថ្ងៃទី២០ ខែកុម្ភៈ ដោយមានគោលដៅចុងក្រោយ គឺការតស៊ូដើម្បីមើលថែកូន និងការបែងចែកទ្រព្យសម្បត្តិ។ មុនពេលទទួលបានដំណឹងនៃការស្លាប់របស់ Barbie នៅថ្ងៃទី ០៣ខែកុម្ភៈ អតីតប្ដីបានធ្វើដំណើរទៅប្រទេសថៃជាមួយនឹងភរិយាថ្មីរបស់គាត់នោះទេ។

ក្រោយពេលទទួលបានដំណឹងភ្លាមៗ លោកក៏ប្រញាប់ទៅតៃវ៉ាន់ ប៉ុន្តែមិនបានជួបគ្រួសាររបស់តួឯកស្រីក្នុងរឿង Meteor Garden ឡើយ។ នាពេលនោះ ចែករំលែកជាមួយប្រព័ន្ធផ្សព្វផ្សាយ អ្នកជំនួញបានបញ្ជាក់ថា សាន់ឆាយ នៅតែជាគ្រួសាររបស់គាត់ជានិច្ច។

យោងតាមការលាតត្រដាង ទាំងគ្រួសាររបស់ Barbie Hsu និង Wang Xiaofei ចង់ឈ្នះការឃុំឃាំងកុមារ។ អ្នកជំនួញប្រុសបានរៀបចំសាលារៀនថ្មីសម្រាប់កូនៗរបស់គាត់ នៅពេលដែលអ្វីៗត្រូវបានដោះស្រាយភ្លាម គាត់នឹងនាំកូនទាំងពីរត្រឡប់ទៅទីក្រុងប៉េកាំងវិញ ដើម្បីចៀសវាងបញ្ហា។

លើសពីនេះ ម្តាយរបស់ Barbie Hsu បានស្នើសុំឲ្យ Wang Xiaofei សងបំណុលចំនួន 250 លាន NTD រួមទាំងប្រាក់កម្ចី ការចិញ្ចឹមកូន និងសំណងផ្លូវចិត្ត។ គាត់បានបានសរសេរនៅលើទំព័រផ្ទាល់ខ្លួនថា «ប្រសិនបើអ្នកមិនជឿថាយុត្តិធម៌មិនអាចឈ្នះបានទេ ខ្ញុំនឹងធ្វើសង្រ្គាម»។ នេះត្រូវបានគេជឿថា ជាការប្រកួតប្រជែងដណ្តើមមរតករបស់កូនស្រី ដែលទើបនឹងទទួលមរណភាពនាពេលថ្មីៗនេះ។

ដោយឡែកសម្រាប់ស្វាមីទី២របស់ Barbie Hsu គឺ DJ Koo បានត្រលប់មកប្រទេសកូរ៉េវិញហើយ រំពឹងថានឹងទៅតៃវ៉ាន់នៅប៉ុន្មានថ្ងៃខាងមុខ ដើម្បីចូលរួមពិធីបុណ្យសពតែប៉ុណ្ណោះ៕