ឆឹម សក្កដា ត្រៀមដឹកនាំសិល្បករខ្មែរ ធ្វើមូលនិធិរៃអង្គាសថវិកានៅកូរ៉េ ដើម្បីទ្រទ្រង់ដល់កងទ័ព

តារាសម្តែងលោក ឆឹម សក្កដា បានសម្រេចបង្កើតមូនិធិ “សិល្បករទ្រទ្រង់ដល់វីរកងទ័ព” ដោយលោកនឹងដឹកនាំសិល្បករសិល្បការិនីល្បីៗជាច្រើនដួង ចេញទៅច្រៀង និងសម្តែងនៅលើទឹកដីប្រទេសកូរ៉េ ដើម្បីរៃអង្គាសថវិកាសប្បុរសជនជួយដល់កងទ័ពជួរមុខ។

បើតាមការបញ្ជាក់ឱ្យដឹងពីតារាសម្តែងលោក ឆឹម សក្កដា សម្រាប់ការចេញទៅប្រទេសកូរ៉េដោយមានសិ ល្បករខ្មែរច្រើនដួងនេះគឺធ្វើឡើងរយ:ពេល៥ថ្ងៃគោ លនៃការប្រគុំតន្ត្រីនេះដើម្បីគៀរគរថវិកាជួយដល់វីរ: កងទ័ព បងប្អូនភៀសសឹកនិងគ្រួសារកងទ័ពដែលព លីក្នុងបុព្វហេតុការពារជាតិមាតុភូមិអំឡុងពេលនៃកា រឈ្លានពានរបស់ពួកចោរសៀម។

លោក ឆឹម សក្កដាបានឱ្យដឹងថា “ពួកយើងនឹងទៅធ្វើមូលនិធិនៅកូរ៉េ ចាប់ពីថ្ងៃទី០៥ ខែតុលា ឆ្នាំ២០២៥នេះ ដើម្បីទ្រទង់ដល់វីរកងទ័ពយើងតែក៏នៅតែទទួលមូលនិធិបងប្អូនក្នុងប្រទេសយើងដូចគ្នា សូមបន្ដរួបរួមគ្នាតក់ៗកុំដាច់ព្រោះពួកគាត់នៅឈរជើងហាលក្ដៅហាលភ្លៀងគ្រប់ពេល ដើម្បីទឹកដីនិងប្រជាជនយើង”។

ជាការពិត នេះជាការឈឺចាប់ខ្លាំងបំផុតមិនអាចកំភ្លេចបានសម្រាប់កូនខ្មែរគ្រប់ជំនាន់ចំពោះការឈ្លានពានយ៉ាងគឃ្លើនរបស់ពួកចោរសៀមមកលើដែនអធិបតេយ្យភាពប្រទេសកម្ពុជាដែលកូនខ្មែរគ្រប់រូបត្រូវតែចងចាំទុកជាប្រវត្តិសាស្ត្រ។មកដល់ពេលនេះ នៅលើបណ្ដាញសង្គម មហាជនកម្ពុជានៅតែបន្តរួបរួមគ្នាជាកម្លាំងស្មារតីស្នេហាជាតិ តាមរយៈសកម្មភាពផ្សេងៗ ដើម្បីជួយដល់វីរកងទ័ពជួរមុខ និងបងប្អូនភៀសសឹកដែលត្រូវបានជម្លៀស៕ ចាន់រ៉ា