តារាកូរ៉េទាំង ៥រូប សុទ្ធតែត្រូវទស្សនិកជនចិនស្អប់ លែងឲ្យចូលទឹកដីគេ

កាសែត Global Times បានរាយការណ៍ថា ជាមួយនឹងការរីកចម្រើននៃបច្ចេកវិទ្យាព័ត៌មានយ៉ាងឆាប់រហ័ស តារាកូរ៉េមានភាពល្បីល្បាញទូទាំងពិភពលោក។ ទោះ​ជា​យ៉ាង​ណា ពួក​គេ​ពិបាក​ក្នុង​ការ​រស់​នៅ​ក្នុង​ប្រទេស​ចិន ដោយ​សារ​តែ​ការ​រឹត​បន្តឹង។ លើសពីនេះ ទស្សនិកជនចិនក៏បានរាយបញ្ជីតារាដែលស្អប់បំផុតទាំង៥ សម្រាប់អាកប្បកិរិយាប្រមាថមើលងាយចំពោះប្រទេសចិនជាមួយនឹងមតិយោបល់ថា «ប្រសិនបើការបង្កើតវប្បធម៌បាត់បង់ការគោរពនិងភាពស្ញប់ស្ញែង សូម្បីតែតារាល្បីបំផុតក៏នឹងត្រូវធ្វើពហិការដែរ»។

ទី១ Jun Ji Hyun ត្រូវគេ​ស្នើឲ្យហាម​ឃាត់

កេរ្តិ៍ឈ្មោះរបស់ Jun Ji Hyun នៅក្នុងទីផ្សារប្រទេសចិនកំពុងធ្លាក់ចុះយ៉ាងខ្លាំង។ ដោយសារតែរឿង «Tempest» ត្រង់ឃ្លាមួយនិយាយថា «ហេតុអ្វីបានជាចិនចូលចិត្តសង្រ្គាម»? បានធ្វើ​ឲ្យទស្សនិកជន​រាប់លាន​នាក់​ខឹងសម្បា​យ៉ាងខ្លាំង ដែល​ជឿថា​នេះ​ជា​ទង្វើ​បង្ខូចកេរ្តិ៍ឈ្មោះ និង​បំភ្លៃ​មុខមាត់​ប្រទេស​ជាតិពួកគេ។។ ភាពចម្រូងចម្រាសកាន់តែកើនឡើងនៅពេលដែលខ្សែភាពយន្តនេះ ថតនៅទីក្រុងហុងកុង ដែលមានសញ្ញាជាអក្សរចិនបុរាណ ប៉ុន្តែដាក់ស្លាកថាជាទីក្រុង Dalian (Liaoning) ដែលធ្វើឲ្យមនុស្សជាច្រើនជឿថា ពួកគេមានចេតនាបង្ខូចរូបរាងរបស់ទីក្រុងចិន។

នៅ​ចំពោះ​មុខ​រលក​នៃ​ប្រតិកម្ម​តប​វិញ មនុស្ស​ជា​ច្រើន​បាន​ជន់​លិច​បណ្តាញ​សង្គម​របស់​ម៉ាក​យីហោ​ដែល Jun Ji Hyun តំណាង​ដើម្បី​រិះគន់។ ពិន្ទុរបស់ Tempest នៅលើ Douban បានធ្លាក់ចុះត្រង់ពី ៧.១ ទៅ ៤.២ ដោយមានជាង ៧០% នៃការពិនិត្យគឺផ្កាយតែមួយ។ ម្យ៉ាងវិញទៀតតារាកូរ៉េ ក៏រងការចោទប្រកាន់ថា មានអាកប្បកិរិយាមើលងាយចំពោះមិត្តរួមសម្តែង Li Bingbing នៅពេលដែលពួកគេសហការគ្នាក្នុងខ្សែភាពយន្ត Snow Flower និង The Secret Fan ។

ទី២ Yoona បង្កភាពចម្រូងចម្រាសពីខ្សែភាពយន្ត «Bon Appétit, Your Majesty»

កាលពីពេលថ្មីៗនេះ ខ្សែភាពយន្ត «Bon Appétit, Your Majesty» ដែលសម្តែងដោយ Yoona ក្នុងវគ្គទី ៨ មានព័ត៌មានលម្អិតដ៏ចម្រូងចម្រាស។ ខ្លឹមសារនៃភាពយន្តនិយាយអំពីការចម្អិនម្ហូបរវាងមេចុងភៅ រួមទាំងមេចុងភៅរាជវង្សនៃគណៈប្រតិភូបេសកជននៃរាជវង្ស Ming ដែលដឹកនាំដោយ Tang Bailong (សម្តែងដោយ Jo Jae Yoon)។

ព័ត៌មានលម្អិតរបស់ភាពយន្តបានរៀបរាប់ថា មេចុងភៅរាជវង្សមីងទៅកូរ៉េដើម្បីរៀនធ្វើម្ហូប ឬ “មេចុងភៅស៊ីឈួនរបស់រាជវង្សមីងបានឃើញម្ទេសជាលើកដំបូងនៅប្រទេសកូរ៉េ, ម្ហូបស៊ីឈួនចាញ់បាយលាយរបសកូរ៉េុ ដែលខ្លឹមសារទាំងនេះបានបង្កភាពចម្រូងចម្រាសនៅក្នុងប្រទេសចិន ដោយសារតែអ្នកទស្សនាគិតថាភាពយន្តនេះមានចេតនាបន្ទាបតម្លៃម្ហូបចិន។ ដូច្នេះហើយ Yoona ត្រូវបានទស្សនិកជនជាច្រើនធ្វើពហិការ ដោយទស្សនិកជនគិតថា នាងទទួលខុសត្រូវចំពោះការជ្រើសរើសភាពយន្តរបស់នាង។

ទី៣ Jang Nara បាត់​បង់​អាជីព​ទាំង​ស្រុង​ដោយ​សារ​ភ្លាត់​អណ្តាត

Jang Nara គឺជាបាតុភូតមួយនៅក្នុងប្រទេសចិនក្នុងកំឡុងឆ្នាំ ២០០៤ – ២០០៨។ នៅក្នុងបទសម្ភាសន៍មួយ តារាស្រីបាននិយាយដោយចៃដន្យថា រាល់ពេលដែលខ្ញុំអស់លុយដើម្បីធ្វើរឿង ខ្ញុំតែងតែទៅធ្វើការនៅប្រទេសចិន។ ចាប់តាំងពីពេលនោះមក ទស្សនិកជនចិនបានគិតថា នាងមិនគោរពអ្នកគាំទ្រនៅក្នុងប្រទេសដែលមានប្រជាជនរាប់ពាន់លាននាក់ ដោយគ្រាន់តែចង់ទាញយកផលប្រយោជន៍ពីទីផ្សារនេះដើម្បីរកលុយប៉ុណ្ណោះ។ បើទោះជារូបនាងបានធ្វើសន្និសីទកាសែត ដើម្បីពន្យល់ និងសុំទោសក៏ដោយ ក៏នាងនៅតែត្រូវបានមហាជនចិន ធ្វើពហិការមិនឲ្យចូលខ្លួន ដោយគេហៅថា ជាមនុស្សទុច្ចរិត។

ទី៤ Lee Jung Hyun – ការកុហកដែលធ្វើឲ្យទស្សនិកជនងាកចេញ

តារាចម្រៀងជើងចាស់ Lee Jung Hyun (ឈ្មោះឆាក Ava) ធ្លាប់ត្រូវបានទស្សនិកជនចិនស្រលាញ់ចូលចិត្ត នៅពេលដែលនាងចូលរួមក្នុងការសម្តែងផ្លាស់ប្តូរវប្បធម៌ចិន-កូរ៉េ។ តារាស្រីថែមទាំងត្រូវបានគេដាក់ឈ្មោះថា គំរូសម្រាប់សិល្បករដែលផ្លាស់ប្តូរវប្បធម៌ចិន-កូរ៉េយ៉ាងសកម្ម ដោយទស្សនិកជនចិនថែមទៀតផង។

ទោះជាយ៉ាងណាក៏ដោយ នៅក្នុងកម្មវិធីទូរទស្សន៍មួយ Lee Jung Hyun បាននិយាយថា នៅពេលដែលនាងទៅដល់ប្រទេសចិន នាង និងអ្នកគ្រប់គ្រងបានជួបប្រទះចោរភ្នំ។ អ្នកតំណាងបានអង្វរសុំការអភ័យទោស ប៉ុន្តែវាគ្មានប្រសិទ្ធភាព លុះត្រាតែ Lee Jung Hyun ចាប់ផ្តើមច្រៀង ទើបក្រុមចោររត់គេចខ្លួនដោយភ័យខ្លាច។

រឿងរ៉ាវរបស់ Lee Jung Hyun បានធ្វើឲ្យប្រជាជនចិនខឹងសម្បា ព្រោះវាមិនសមហេតុផល ហើយខ្លឹមសារនេះគឺចង់បង្ខូចមុខមាត់ប្រទេស និងបានបំភាន់សន្តិសុខ និងសណ្តាប់ធ្នាប់នៅក្នុងប្រទេសចិនតែប៉ុណ្ណោះ។

ទី៥ Han Chae Young រិះគន់អាហារតាមចិញ្ចើមផ្លូវរបស់ចិនថាកខ្វក់

តារាសម្ដែង Han Chae Young ដែលធ្លាប់ស្គាល់ថាជាតុក្កតាកូរ៉េ ពេលនេះមានអាយុ ៤៥ ឆ្នាំហើយ។ នាង​អភិវឌ្ឍ​អាជីព​ជា​អ្នក​លក់​លើ​គេហទំព័រ​ចិន។ បច្ចុប្បន្ននេះ តារាកូរ៉េមួយចំនួនបានទាញយកអត្ថប្រយោជន៍ពីភាពល្បីល្បាញរបស់យុវវ័យរបស់ពួកគេ ចុះហត្ថលេខាលើកិច្ចសន្យាជាមួយក្រុមហ៊ុន MCN ក្នុងនាមជា KOLs និងក្លាយជាអ្នកបង្កើតមាតិកាដើម្បីណែនាំផលិតផល។

ទោះជាយ៉ាងណាក៏ដោយ Han Chae Young ត្រូវបានគេវាយតម្លៃថា មានអាកប្បកិរិយាគ្មានវិជ្ជាជីវៈ ខ្វះការសាទរ និងមិនអាចទំនាក់ទំនងជាមួយទស្សនិកជនចិនបាន ដោយសារនាងនិយាយតែភាសាកូរ៉េប៉ុណ្ណោះ។ ទន្ទឹមនឹងនោះ Lee Da Hae ក៏បានធ្វើការងារដូចគ្នាដែរ ប៉ុន្តែបានពង្រឹងជំនាញស្តាប់ និងនិយាយរបស់នាងបានយ៉ាងល្អ។ ដូច្នេះហើយ ទស្សនិកជនចិនបានគិតថា តារារូបនេះចង់រកលុ ប៉ុន្តែមានអាកប្បកិរិយាមើលងាយចំពោះអ្នកទិញ។ ជាមួយគ្នានេះដែរ នាពេលកន្លងមក នាងបានរិះគន់អាហារតាមចិញ្ចើមផ្លូវរបស់ចិនកខ្វក់ និងចូលចិត្តការបង្ហោះវាយប្រហារប្រទេសចិន។

អត្ថបទ៖ សាង ស្រីល័ក្ខ

ចុចអាន៖Fan Bingbing នៅតែជើងខ្លាំង ក្នុងវិស័យភាពយន្ត