ព័ត៌មានអន្ដរជាតិ

រុស្ស៊ី នឹងខាតលុយរាប់សិបពាន់លានដុល្លារ បើឥណ្ឌាពិតជាលែងទិញប្រេងឆៅ

បានផុស

៨ ខែ មុន

នៅ

ថ្ងៃសុក្រ ១៧ តុលា ២០២៥

ដោយ

Chheang

យោងតាមការចុះផ្សាយរបស់ Al Jazeera កាលពីថ្ងៃពុធទី១៥ខែតុលាឆ្នាំ២០២៥ ប្រធានាធិបតីអាមេរិក លោក ដូណាល់ ត្រាំ បាននិយាយថា នាយករដ្ឋមន្រ្តីឥណ្ឌា លោក ណារិនដ្រា ម៉ូឌី បានយល់ព្រមបញ្ឈប់ការទិញប្រេងពីប្រទេសរុស្ស៊ី ដែលជាវិធានការមួយដែលលោក ត្រាំ បានពិពណ៌នាថាជា «ជំហានដ៏ធំមួយ» ក្នុងការជំរុញរបស់គាត់ ដើម្បីកាត់ផ្តាច់ប្រាក់ចំណូលថាមពលរបស់ទីក្រុងមូស្គូ។ បើនេះជាការពិតដូចការអះអាងរបស់មេដឹកនាំអាមេរិក នោះរុស្ស៊ីនឹងត្រូវខាតបង់ចំណូលយ៉ាងច្រើនសន្ធឹកសន្ធាប់មិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រុស្ស៊ីនឹងបាត់បង់ចំណែកដ៏សំខាន់នៃទីផ្សារនាំចេញប្រេងឆៅរបស់ខ្លួន ដែលនឹងប្រែក្លាយជាការធ្លាក់ចុះយ៉ាងខ្លាំងដល់សេដ្ឋកិច្ចរបស់ក្រុងមូស្គូ ដែលពឹងផ្អែកខ្លាំងលើការលក់ប្រេង និងឧស្ម័ន។

ឥណ្ឌាគឺជាអ្នកទិញប្រេងធំបំផុតរបស់រុស្ស៊ី។ នៅឆ្នាំ២០២៥នេះ ឥណ្ឌាកំពុងទិញប្រហែល ១ភាគ៣នៃការនាំចូលប្រេងពីរុស្ស៊ី ដោយទាញយកអត្ថប្រយោជន៍ពីការបញ្ចុះតម្លៃ។ សម្រាប់ឆ្នាំសារពើពន្ធ២០២៤-២០២៥ ការនាំចូលប្រេងពីរុស្ស៊ីរបស់ឥណ្ឌាមានតម្លៃ ៥០,២ពាន់លានដុល្លារ។ នេះបើយោងតាមទីភ្នាក់ងារព័ត៍មានរ៉យទ័រ។

ខណៈពេលដែលរុស្ស៊ីបានប្តូរទិសដៅការនាំចេញប្រេងឆៅរបស់ខ្លួនដោយជោគជ័យ បន្ទាប់ពីការដាក់ទណ្ឌកម្មពីអឺរ៉ុប ការបាត់បង់ឥណ្ឌានឹងក្លាយជាបញ្ហាប្រឈមដ៏ធ្ងន់ធ្ងរមួយ។ បើគ្មានបរិមាណទិញដ៏ច្រើនរបស់ឥណ្ឌាទេ រុស្ស៊ីទំនងជាត្រូវផ្តល់ការបញ្ចុះតម្លៃកាន់តែច្រើនដល់អ្នកទិញផ្សេងទៀត ដោយរឹតតែកាត់បន្ថយប្រាក់ចំណេញរបស់ខ្លួន។

មួយវិញទៀត បើរុស្ស៊ីមិនអាចស្វែងរកអ្នកទិញថ្មីបានលឿនទេ រុស្ស៊ីនឹងត្រូវតែរក្សាទុកប្រេងនៅលើនាវាដឹកប្រេង ដោយត្រូវចំណាយបន្ថែម និងត្រូវបង្ខំឲ្យបញ្ចុះតម្លៃកាន់តែខ្លាំង។

ឥណ្ឌាទិញប្រេងច្រើនប្រភេទពីរុស្ស៊ី ប៉ុន្តែប្រេង Urals ដែលជាប្រភេទនាំចេញដ៏ធំបំផុតរបស់រុស្ស៊ី នឹងរងផលប៉ះពាល់ខ្លាំងបំផុត ព្រោះឥណ្ឌាទិញរហូតដល់ ៧០% នៃការផ្គត់ផ្គង់នេះ។

ពាណិជ្ជករក្នុងឧស្សាហកម្មណែនាំថា ការបាត់បង់តម្រូវការរបស់ឥណ្ឌាអាចបង្ខំឲ្យរុស្ស៊ីកាត់បន្ថយការផលិតប្រេងពីកម្រិតបច្ចុប្បន្នរបស់ខ្លួនដែលមានប្រហែល៩លានបារ៉ែលក្នុងមួយថ្ងៃ។

លើសពីការខាតបង់ដោយផ្ទាល់នៃប្រាក់ចំណូលប្រេង ការបញ្ឈប់ការទិញរបស់ឥណ្ឌានឹងបង្កឲ្យមានផលប៉ះពាល់សេដ្ឋកិច្ចដ៏ធំ សម្រាប់ប្រទេសរុស្ស៊ីតាមវិធីជាច្រើនដូចជា៖

ថវិការដ្ឋាភិបាល៖ ការកាត់បន្ថយប្រាក់ចំណូលប្រេង និងឧស្ម័ននឹងដាក់សម្ពាធយ៉ាងធ្ងន់ធ្ងរលើថវិការបស់រដ្ឋាភិបាលរុស្ស៊ី។ ប្រាក់ចំណូលថាមពលរបស់ប្រទេសនេះ កំពុងស្ថិតនៅក្រោមសម្ពាធពីតម្លៃប្រេងពិភពលោក និងទណ្ឌកម្មដែលមានស្រាប់។
ការដាក់ទណ្ឌកម្មបន្ថែម៖ ការបាត់បង់ដៃគូពាណិជ្ជកម្មសំខាន់ដូចជាឥណ្ឌា នឹងពង្រឹងឥទ្ធិពលនៃទណ្ឌកម្មលោកខាងលិចដែលមានស្រាប់។ ខណៈពេលដែលទីក្រុងមូស្គូបានគ្រប់គ្រងការលក់ប្រេងតាំងពីឆ្នាំ២០២២ បើទោះបីជាមានវិធានការអន្តរជាតិក៏ដោយ ការបាត់បង់អតិថិជនក្នុងទំហំនេះនឹងក្លាយជាការសាកល្បងដ៏ធ្ងន់ធ្ងរនៃសមត្ថភាពរបស់រុស្ស៊ីក្នុងការសម្របខ្លួនថ្មី។
សមត្ថភាពវិនិយោគ៖ សម្ពាធផ្នែកហិរញ្ញវត្ថុយ៉ាងសំខាន់ពីប្រាក់ចំណូលដែលបាត់បង់ នឹងប៉ះពាល់ដល់សមត្ថភាពរបស់រុស្ស៊ីក្នុងការផ្តល់មូលនិធិវិនិយោគ និងគម្រោងអភិវឌ្ឍន៍រយៈពេលវែង។
ការផ្តល់មូលនិធិសម្រាប់សង្គ្រាម៖ ការប៉ះទង្គិចផ្នែកហិរញ្ញវត្ថុ អាចធ្វើឲ្យរុស្ស៊ីមានការលំបាកបន្ថែមទៀត ក្នុងការផ្តល់មូលនិធិដល់កិច្ចខិតខំប្រឹងប្រែងសង្រ្គាមដែលកំពុងបន្តរបស់ខ្លួននៅក្នុងប្រទេសអ៊ុយក្រែន៕

ដោយ៖ ឈាង

លោក ត្រាំ៖ ឥណ្ឌាសន្យាថានឹងឈប់ទិញប្រេងពីរុស្ស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា