ព័ត៌មានអន្ដរជាតិ

UN៖ អ៊ីរ៉ង់ប្រហារជីវិតមនុស្ស ២១នាក់ និងចាប់ខ្លួន៤០០០នាក់ អំឡុងពេលសង្រ្គាម

បានផុស

១ ខែ មុន

នៅ

ថ្ងៃព្រហស្បតិ៍ ៣០ មេសា ២០២៦

ដោយ

ប្រធានសិទ្ធិមនុស្សនៃអង្គការសហប្រជាជាតិ (UN) លោក Volker Turk បានលើកឡើងកាលថ្ងៃពុធថា របបដឹកនាំអ៊ីរ៉ង់ បានប្រហារជីវិតមនុស្សយ៉ាងហោចណាស់ ២១នាក់ ចាប់តាំងពីការចាប់ផ្តើមសង្គ្រាមជាមួយសហរដ្ឋអាមេរិកនិងអ៊ីស្រាអែលកាលពីពីរខែមុន និងចាប់ខ្លួនមនុស្សជាង ៤ ០០០នាក់ ពីបទចោទប្រកាន់ទាក់ទងនឹងសន្តិសុខជាតិ។

ភ្នាក់ងារសារព័ត៌មានរ៉យទ័រ ផ្សាយថ្ងៃទី៣០ ខែមេសា ឆ្នាំ២០២៦ ឲ្យដឹងថា លោក Turk បាននិយាយថា មនុស្សយ៉ាងហោចណាស់ ៩នាក់ ត្រូវបានប្រហារជីវិតទាក់ទងនឹងការតវ៉ានៅក្នុងខែមករា ១០នាក់ ត្រូវចោទប្រកាន់ពីបទជាសមាជិកនៃក្រុមប្រឆាំង និង២នាក់ពីបទធ្វើចារកម្ម។

ប្រធានសិទ្ធិមនុស្សនៃអង្គការសហប្រជាជាតិ លោក Volker Turk ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Turk រៀបរាប់ក្នុងសេចក្តីថ្លែងការណ៍មួយថា៖ « ខ្ញុំមានការភ្ញាក់ផ្អើលយ៉ាងខ្លាំង ក្រៅពីផលប៉ះពាល់ធ្ងន់ធ្ងរនៃជម្លោះហើយ សិទ្ធិរបស់ប្រជាជនអ៊ីរ៉ង់នៅតែត្រូវបានបន្តដកហូតយ៉ាងអាក្រក់និងឃោរឃៅទៀត»។

លោក បន្ថែមថា៖ « ខ្ញុំសូមអំពាវនាវដល់អាជ្ញាធរអ៊ីរ៉ង់ឱ្យបញ្ឈប់ការប្រហារជីវិតបន្ថែមទៀត! បង្កើតឱ្យមានការផ្អាកការប្រើប្រាស់ទោសប្រហារជីវិត ធានាឱ្យបានពេញលេញនូវដំណើរការត្រឹមត្រូវ កាត់ក្តីដោយយុត្តិធម៌ និងដោះលែងអ្នកដែលបានឃុំខ្លួនតាមតែអំពើចិត្តជាបន្ទាន់»។

គួរបញ្ជាក់ថា អាជ្ញាធរអ៊ីរ៉ង់បានសម្លាប់មនុស្សរាប់ពាន់នាក់ អំឡុងពេលតវ៉ាប្រឆាំងនឹងរដ្ឋាភិបាលក្នុងខែមករា ដែលជាភាពចលាចលក្នុងស្រុកដ៏អាក្រក់បំផុតរបស់អ៊ីរ៉ង់ចាប់តាំងពីសម័យបដិវត្តន៍អ៊ីស្លាមឆ្នាំ ១៩៧៩ ។ ក្រុមសិទ្ធិមនុស្សលើកឡើងថា រដ្ឋាភិបាលបន្តបង្ក្រាបក្រុមប្រឆាំង អំឡុងសង្គ្រាម។

កាលពីខែមករា ប្រទេសអ៊ីរ៉ង់បដិសេធការថ្កោលទោសរបស់ក្រុមប្រឹក្សាសិទ្ធិមនុស្សអង្គការសហប្រជាជាតិថាជារឿងនយោបាយ។

រីឯសប្តាហ៍មុន អង្គការសិទ្ធិមនុស្សអ៊ីរ៉ង់ដែលមានមូលដ្ឋាននៅប្រទេសន័រវេសនិយាយថា យ៉ាងហោចណាស់មនុស្សចំនួន ៣ ៦៤៦នាក់ ត្រូវបានចាប់ខ្លួន ដោយមានករណីយ៉ាងហោចណាស់ ៧៦៧ករណី ត្រូវបានរាយការណ៍ បន្ទាប់ពីការចាប់ផ្តើមនៃបទឈប់បាញ់នៅថ្ងៃទី៨ ខែមេសា។

លោក Turk និយាយថា ពលរដ្ឋអ៊ីរ៉ង់រាប់ពាន់នាក់ត្រូវបានឃុំខ្លួន បាត់ខ្លួនដោយបង្ខំ ការធ្វើទារុណកម្ម ឬទទួលរងនូវទម្រង់ផ្សេងយ៉ាងឃោរឃៅ អមនុស្សធម៌និងបន្ទាបបន្ថោក រួមទាំងការបង្ខិតបង្ខំ។ ជាពិសេសមនុស្សមកពីជនជាតិភាគតិច ប្រឈមនឹងហានិភ័យខ្ពស់៕

ប្រែសម្រួល៖ ណឺ មិនា

Related Topics:ប្រហារជីវិត អ៊ីរ៉ង់

ព័ត៌មានអន្ដរជាតិ១៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា