ព័ត៌មានអន្ដរជាតិ
លោក Trump ទទួលស្គាល់ជាសាធារណៈថា លោក Biden ឈ្នះឆ្នោត
លោកប្រធានាធិបតី Donald Trump បានទទួលស្គាល់ជាសាធារណៈលើកដំបូងថា គូប្រជែងរបស់គាត់ខាងគណបក្សប្រជាធិបតេយ្យគឺលោក Joe Biden បានឈ្នះការបោះឆ្នោតប្រធានាធិបតីសហរដ្ឋអាមេរិកថ្ងៃទី៣ខែវិច្ឆិកាប៉ុន្តែបានអះអាងជាថ្មីថា ការបោះឆ្នោតត្រូវបានគេក្លែងបន្លំ។
លោកប្រធានាធិបតីបានបន្ថែមថា “មិនមានអ្នកឃ្លាំមើលឬអ្នកសង្កេតការណ៍បោះឆ្នោតត្រូវបានអនុញ្ញាតនៅក្នុងការបោះឆ្នោតដែលរៀបចំឡើងដោយក្រុមហ៊ុនឯកជនឆ្វេងនិយមទេ”។
លោក Trump បានបន្ថែមនៅក្នុងសារ Twitter មួយទៀតថា “ខ្ញុំមិនចាញ់ទេ”។ នេះជាសារថ្មីបំផុតដែលបដិសេធចំពោះការបរាជ័យនិងជាការបង្ហាញចុងក្រោយបំផុតថា យុទ្ធនាការរបស់លោកប្រធានាធិបតីនៅតែមានការប្តេជ្ញាចិត្តយ៉ាងខ្លាំងក្នុងការប្រឆាំងនឹងលទ្ធផលនៃការបោះឆ្នោតថ្ងៃទី៣ខែវិច្ឆិកា។
ស្របពេលជាមួយគ្នានោះ នៅក្នុងបទសម្ភាសន៍មួយកាលពីថ្ងៃអាទិត្យ លោក Ron Klain អគ្គសេនាធិការរបស់លោក Biden បានច្រានចោលការទទួលស្គាល់របស់លោក Trump ចំពោះជ័យជម្នះរបស់អតីតអនុប្រធានាធិបតី។
លោក Klain បានប្រាប់កម្មវិធី Meet the Press របស់ទូរទស្សន៍ NBC ថា “ប្រសិនបើប្រធានាធិបតីត្រៀមនឹងចាប់ផ្តើមទទួលស្គាល់ការពិតនោះ វាជាភាពវិជ្ជមាន”។
ទោះបីជាយ៉ាងណាក៏ដោយ លោកបានបន្ថែមថា “ការបង្ហោះ Twitter របស់លោក Donald Trump មិនធ្វើឲ្យលោក Joe Biden ក្លាយជាប្រធានាធិបតីឬមិនមែនប្រធានាធិបតីនោះទេ ប្រជាជនអាមេរិកបានធ្វើហើយ”៕
ប្រែសម្រួលដោយ៖ Vann Vann
ប្រភព៖ Al Jazeera
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ២០ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ