ព័ត៌មានអន្ដរជាតិ
ជួបទល់មុខគ្នាលើកដំបូង បៃដិន និង ពូទីន ព្រមព្រៀងលើរឿងសំខាន់ចំនួន៣
ប្រធានាធិបតីអាមេរិកលោក ចូ បៃដិន និងសមភាគីរុស្ស៊ីលោក វ្ល៉ាឌីមៀរ ពូទីន បានព្រមព្រៀងធ្វើកិច្ចចរចាស្តីពីការគ្រប់គ្រងអាវុធ បញ្ហាសន្តិសុខតាមប្រព័ន្ធអ៊ីនធឺណិត និងបញ្ជូនឯកអគ្គរដ្ឋទូតរៀងៗខ្លួនទៅកាន់មុខតំណែងរបស់ពួកគេវិញ បន្ទាប់ពីកិច្ចប្រជុំកំពូលមួយនៅទីក្រុង ហ្សឺណែវ ប្រទេសស្វីស។
កិច្ចពិភាក្សាកាលពីថ្ងៃពុធ គឺជាជំនួបលើកដំបូងរវាងមេដឹកនាំទាំងពីរ ចាប់តាំងពីលោក បៃដិន ចូលកាន់តំណែងកាលពីខែមករា និងមានរយៈពេលច្រើនម៉ោង។
បន្ទាប់ពីកិច្ចប្រជុំកំពូល លោកពូទីន និយាយថា “គ្មានការនិយាយគ្នាតឹងសរសៃ.កអ្វីទេ អំឡុងជំនួបនេះ ខណៈលោក បៃដិន បានចាត់ទុកកិច្ចពិភាក្សានេះថា “វិជ្ជមាន” ហើយមេដឹកនាំទាំង២ បានធ្វើសន្និសីទកាសែត ដាច់ដោយឡែកពីគ្នា។
ថ្លែងទៅកាន់ក្រុមអ្នកសារព័ត៌មានបន្ទាប់ពីកិច្ចប្រជុំ លោកពូទីនបានទទួលស្គាល់ថា លោកបៃដិន បានលើកឡើងពីបញ្ហាសិទ្ធិមនុស្សជាមួយខ្លួន រួមទាំងជោគវាសនារបស់មេដឹកនាំប្រឆាំងដែលជាប់ពន្ធនាគារលោក Alexey Navalny និងការធ្វើដាក់អ្នកតវ៉ានៅក្នុងប្រទេសរុស្ស៊ីផងដែរ។
ទោះបីជាយ៉ាងណាក៏ដោយ លោកពូទីន បានបង្វែរសំណួរ ហើយផ្ទុយទៅវិញបាន ព្យាយាមផ្តោតលើភាពចលាចលនៅសហរដ្ឋអាមេរិកវិញ ដោយលើកឡើងអំពីចលនាតវ៉ា Black Lives Matter និងការវាយលុកអគារកាពីតូល ក្នុងទីក្រុងវ៉ាស៊ីនតោនឌីស៊ី។
លោកពូទីនក៏បាននិយាយផងដែរថា ទីក្រុងមូស្គូនិង វ៉ាស៊ីនតោន នឹងចាប់ផ្តើមពិភាក្សាអំពីការផ្លាស់ប្តូរដែលអាចទៅរួចចំពោះសន្ធិសញ្ញាត្រួតពិនិត្យអាវុធ New START បន្ទាប់ពីសន្ធិសញ្ញានេះផុតកំណត់នៅឆ្នាំ ២០២៦។
លោកពូទីននិយាយទៀតថា ប្រទេសរុស្ស៊ីបានផ្តល់ព័ត៌មានគ្រប់គ្រាន់ដល់សហរដ្ឋអាមេរិក ស្តីពីការវាយប្រហារតាមប្រព័ន្ធអ៊ីនធឺណិត ហើយភាគីទាំងពីរបានព្រមព្រៀងគ្នាចាប់ផ្តើម ការពិគ្រោះយោបល់ស្តីពីសន្តិសុខតាមអ៊ីនធឺណិត៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ មហាអំណាចទាំងពីរ អាមេរិក និងរុស្ស៊ី នៅតែដាក់ពង្រាយក្បាលគ្រាប់នុយក្លេអ៊ែរ ជាយុទ្ធសាស្ត្រការពារសន្តិសុខ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?