ព័ត៌មានអន្ដរជាតិ
ស្ងាត់ៗ វៀតណាមកំពុងសាកល្បងវ៉ាក់សាំងកូវីដផលិតខ្លួនឯង៤ប្រភេទ
សព្វថ្ងៃនេះ ប្រទេសវៀតណាមបានកំពុងធ្វើការសាកល្បងគ្លីនិកវ៉ាក់សាំងការពារកូវីដ-១៩ចំនួន៤ប្រភេទ ហើយមាន១គឺ Nanocovax កំពុងឈានដល់ដំណាក់កាលចុងក្រោយ។
សម្រាប់ការសាកល្បងដំណាក់កាលទី៣ ឬចុងក្រោយ មានមនុស្សចំនួន៩២៤នាក់បានស្ម័គ្រចិត្តចូលរួមចាក់របស់វ៉ាក់សាំង Nanocovax។
យោងតាមក្រុមស្រាវជ្រាវដែលជាអ្នកធ្វើការសាកល្បងបានឲ្យដឹងថា យ៉ាងហោចណាស់មានមនុស្សម្នាក់ក្នុងចំណោមអ្នកស្ម័គ្រចិត្តទាំងអស់នោះកើតមានប្រតិកម្មនៅឯសាកលវិទ្យាល័យវេជ្ជសាស្ត្រយោធាវៀតណាម (VMMU) នៅទីក្រុងហាណូយ កាលពីថ្ងៃទី១២ ខែមិថុនា។ ទោះយ៉ាងណា ម្នាក់នោះបានជាសះស្បើយធម្មតាវិញហើយ បន្ទាប់ពីបញ្ជូនទៅមន្ទីរពេទ្យ។
វ៉ាក់សាំងប្រឆាំងកូវីដ-១៩ Nanocovax ផលិតដោយក្រុមហ៊ុន Nanogen បច្ចុប្បន្ននេះជាវ៉ាក់សាំងសង្ឃឹមខ្ពស់ជាងគេក្នុងចណោមវ៉ាក់សាំង៤ប្រភេទដែលផលិតដោយប្រទេសវៀតណាម។ វ៉ាក់សាំងផ្សេងទៀតមាន Covivac ផលិតដោយវិទ្យាស្ថានវ៉ាក់សាំង និងជីវសាស្ត្រវេជ្ជសាស្ត្រ (IVAC) និង២ប្រភេទផ្សេងផលិតដោយក្រុមហ៊ុនវ៉ាក់សាំង និងជីវសាស្ត្រ (Vabiotech) និងមជ្ឈមណ្ឌលស្រាវជ្រាវ និងការផលិតវ៉ាក់សាំង និងជីវសាស្ត្រ (CRPVB)។
ការធ្វើសាកល្បងគ្លីនិកលើកទី៣ ឬដំណាក់កាលចុងក្រោយលើមនុស្សរបស់វ៉ាក់សាំង Nanocovax តម្រូវឲ្យធ្វើលើអ្នកស្ម័គ្រចិត្តប្រហែល១៣០០នាក់ ដែលត្រូវបានបែងចែកជាពីរក្រុមគឺក្រុមមួយត្រូវចាក់ដូសដែលមានកម្រិត២៥មេហ្គាក្រាម និងក្រុមមួយទៀតចាក់កម្រិតផ្សេង។
តាមរយៈការសាកល្បងលើមនុស្ស វ៉ាក់សាំង Nanocovax បង្ហាញពីសុវត្ថិភាពខ្ពស់ មានផលរំខានតិចដូចជាក្តៅខ្លួន និងឈឺចាប់កន្លែងចាក់ជាដើម។
នៅពេលការសាកល្បងចប់សព្វគ្រប់ Nanocovax អាចនឹងទទួលបានការអនុម័តប្រើប្រាស់បន្ទាន់។ ការផលិតអាចនឹងចាប់ផ្តើមភ្លាមៗ នៅពេលវ៉ាក់សាំងត្រូវបានអនុម័តដែលហោចណាស់២០ទៅ៣០លានដូសក្នុងមួយឆ្នាំ និងចំនួនអាចផលិតច្រើនបន្ថែមនៅពេលការវិនិយោគកាន់តែច្រើន។
វៀតណាមបានចាក់វ៉ាក់សាំងការពារកូវីដ-១៩ដល់ប្រជាជនរបស់ខ្លួនជាង១.៥លាននាក់ប៉ុណ្ណោះគឺវ៉ាក់សាំង AstraZeneca ផលិតដោយក្រុមហ៊ុនអង់គ្លេស-ស៊ុយអែតតាំងពីខែមីនា។ ប្រទេសនេះគ្រោងចាក់ឲ្យបាន១៥០លានដូសគឺជាង៧០%នៃប្រជាជនរបស់ខ្លួន៕
ប្រែសម្រួល៖ វីរបុត្រ
ប្រភព៖ e.vnexpress
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ