ព័ត៌មានអន្ដរជាតិ
WHO ៖ ការបិទប្រទេសដោយសារជំងឺកូវីដ គឺមិនចាំបាច់នោះទេ ប្រសិនបើប្រជាជនគ្រប់គ្នាពាក់ម៉ាស
មន្ត្រីជាន់ខ្ពស់នៃអង្គការសុខភាពពិភពលោក (WHO) និយាយថា ប្រជាជននៅអឺរ៉ុបអាចជៀសផុតពីការបិទប្រទេសដោយសារជំងឺកូវីដ ១៩ ប្រសិនបើមនុស្សគ្រប់គ្នាពាក់ម៉ាសស្ទើរតែទាំងអស់គ្នានៅកន្លែងដែលពិបាកធ្វើគម្លាតសង្គម ។
នាយកតំបន់របស់ WHO ប្រចាំទ្វីបអឺរ៉ុបលោក Hans Kluge បានធ្វើការកត់សម្គាល់បែបនេះនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ បន្ទាប់ពីចំនួននៃករណីឆ្លងជំងឺកូវីដ ១៩ ប្រចាំថ្ងៃមានការកើនឡើងនៅទូទាំងទ្វីបអឺរ៉ុប ។
លោក Kluge បាននិយាយថា ៦០ ភាគរយនៃប្រជាជននៅអឺរ៉ុប ឬតិចជាងនេះបច្ចុប្បន្នពាក់ម៉ាស ហើយប្រសិនបើតួលេខនេះឈានដល់ ៩៥ ភាគរយនោះការបិទប្រទេសគឺមិនចាំបាច់នោះទេ ។
ប៉ុន្តែលោកបានព្រមានថា “ការប្រើប្រាស់ម៉ាសគឺមិនមែនជាថ្នាំព្យាបាលនោះទេ ហើយចាំបាច់ត្រូវធ្វើវាដោយរួមបញ្ចូលជាមួយវិធានការផ្សេងទៀតផងដែរ” ។
ប្រជាជននៅអ៊ឺរ៉ុបមួយចំនួននៅតែបន្តបដិសេធមិនពាក់ម៉ាសនៅក្នុងទំនាក់ទំនងជិតស្និទ្ធជាមួយអ្នកដទៃ ខណៈការប្រើម៉ាសមិនសូវជាចាំបាច់សម្រាប់ប្រជាជននោះទេ មុនពេលមានរោគរាតត្បាតកើតឡើង ហើយនៅតែមិនចាំបាច់នៅក្នុងប្រទេស និងតំបន់ខ្លះផងដែរ ។
គួរបញ្ជាក់ថា គិតត្រឹមពេលនេះទ្វីបអឺរ៉ុបមានករណីឆ្លងជំងឺកូវីដ ១៩ សរុបចំនួន ១៥,៩៩៩,៦៧០ ករណី និងមានអ្នកស្លាប់ចំនួន ៣៥៩,១៩៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ