ព័ត៌មានអន្ដរជាតិ

ពលករឡាវមកពីថៃនាំកូវីដចូលស្រុកផ្ទុះខ្លាំងនៅខេត្តភាគខាងត្បូង

បានផុស

៥ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

chean virakbot

ជនអន្តោប្រវេសន៍ឡាវបានចេញដំណើរពីប្រទេសថៃត្រឡប់ទៅប្រទេសកំណើតវិញបាននាំយកវីរុសកូវីដ-១៩ទៅដែរដែលបានធ្វើឲ្យរាលដាលឆ្លងជាច្រើន។

យោងតាមទិន្នន័យសាកលវិទ្យាល័យ Johns Hopkins បានបង្ហាញថា កាលពីថ្ងៃអង្គារ៍ ឡាវបានរាយការណ៍ពីករណីឆ្លងថ្មីចំនួន៥៦នាក់។

យោងតាមកាសែត Vientiane Times បានផ្សាយនៅថ្ងៃពុធថា រដ្ឋាភិបាលឡាវបាននិយាយថា ការឆ្លងថ្មី៤៥នាក់ត្រូវបានរកឃើញនៅខេត្តចម្បាសាក ក្នុងចំណោមអ្នកឆ្លងទាំងនោះមាន៤៤នាក់ជាពលករវិលត្រឡប់មកពីប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Ratsamy Syphan ប្រធានក្រុមការងារកូវីដ-១៩នៅខេត្តភាគខាងត្បូងប្រទេសឡាវបានប្រាប់ប្រព័ន្ធផ្សព្វផ្សាយរដ្ឋជាសាភាអង់គ្លេសថា ករណីឆ្លងកូវីដ-១៩ថ្មីដោយសារពលករឡាវដែលអស់ការងារធ្វើនៅប្រទេសថៃ ឬចង់រត់គេចចេញពីប្រទេសថៃដែលកំពុងផ្ទុះឆ្លងខ្លាំង ហើយក៏នាំយកវីរុសទៅប្រទេសកំណើតដែរ។

ទិន្នន័យ Johns Hopkins បានបង្ហាញថា ប្រទេសឡាវត្រូវបានគេមើលការឆ្លងថ្មីកើនឡើងជាប្រចាំចាប់តាំងពីបានចាប់ផ្តើមកាលពីដើមខែនេះ។ ករណីឆ្លងថ្មីកើនឡើងទ្វេដងចាប់ពីថ្ងៃព្រហស្បតិ៍ដល់៥៦នាក់នៅថ្ងៃចន្ទ និងអង្គារ៍។

កាសែត Vientiane Times បានផ្សាយថា ប្រជាជនឡាវរាប់ពាន់នាក់បានធ្វើដំណើរទៅប្រទេសកំណើតវិញ ចាប់តាំងពីវិបត្តិកូវីដ-១៩រាលដាលខ្លាំងនៅប្រទេសថៃតាំងពីឆ្នាំ។

ខេត្តចម្បាសាកមានព្រំប្រទល់ជាមួយខេត្ត Ubon Ratchathani របស់ថៃដែលជាច្រកដ៏សំខាន់មួយនៅភាគខាងត្បូងប្រទេសឡាវ៕

ប្រែសម្រួល៖ វីរបុត្រ
ប្រភព៖ bangkokpost