ព័ត៌មានអន្ដរជាតិ
សម្រែកតវ៉ាចេញពីពន្ធនាគារនៅមីយ៉ាន់ម៉ា ព្រោះអត់ផ្តល់ការព្យាបាលកូវីដ-១៩
ការតវ៉ាបានផ្ទុះឡើងនៅក្នុងពន្ធនាគារ ក្នុងទីក្រុងយ៉ាំងហ្គោន ប្រទេសមីយ៉ាន់ម៉ាកាលពីថ្ងៃសុក្រដោយសារមិនមានការព្យាបាលកូវីដនៅពន្ធនាគារដែលជំរុញឲ្យអ្នកជាប់ឃុំភ័យខ្លាចកាន់តែខ្លាំង។
វាជាការតវ៉ាប្រភេទនេះលើកដំបូងចាប់តាំងពីរដ្ឋប្រហារ១កុម្ភៈនៅក្នុងប្រទេសអាស៊ានមួយនេះដែលប្រជាជនស្ទើរទូទាំងប្រទេសបានធ្វើបាតុកម្មប្រឆាំងនឹងការគ្រប់គ្រងយោធា។
ការស្រែកតវ៉ាប្រឆាំងនឹងការគ្រប់គ្រងយោធាចេញពីពន្ធនាគារ Insein Prison នៅព្រឹកថ្ងៃសុក្រដែលមានវីដេអូត្រូវបានថត និងបង្ហោះនៅតាម Facebook។ ពួកគេបានស្រែកថា ៖«បញ្ឈប់របបផ្តាច់ការ បុព្វហេតុរបស់យើង! ប្រឆាំង ប្រឆាំង ចាប់ផ្តើម ចាប់ផ្តម! បដិវត្ត! ត្រូវតែឈ្នះ»។
សមាគមជំនួយអ្នកទោសនយោបាយ (AAPP) ដែលមានមូលដ្ឋានស្ថិតនៅប្រទេសថៃបាននិយាយថា ការតវ៉ាបានកើតចេញពីប្លុកឃុំឃាំងស្ត្រី និងត្រូវបានគាំទ្រដោយបុគ្គលិកពន្ធនាគារមួយចំនួនថែមទៀត។
លោក Chan Nyein Kyaw អនុប្រធាននាយកដ្ឋានពន្ធនាគារមីយ៉ាន់ម៉ាបាននិយាយថា ៖«ការតវ៉ាបានកើតនៅក្នុងពន្ធនាគារ។ មានការចរចារ និងទទួលយកតាមការទាមទារ និងសំណើររបស់អ្នកជាប់ឃុំ»។
AAPP បាននិយាយថា កម្លាំងយោធាបានចូលទៅពន្ធនាគារកាលពីព្រឹកថ្ងៃសុក្រ និងដកយកអាវុធផ្សេងៗ។
អ្នកនាំពាក្យពន្ធនាគារលោក Zaw Zaw បានប្រាប់សារព័ត៌មានក្នុងស្រុកថា ការតវ៉ាត្រូវគ្រប់គ្រងឲ្យស្ងប់ស្ងាត់វិញហើយ។
មីយ៉ាន់ម៉ាកំពុងរងការវាយប្រហារដ៏អាក្រក់ពីកូវីដ-១៩ បន្ថែមលើភាពវឹកវរដោយសាររដ្ឋប្រហារ។ កាលពីថ្ងៃព្រហស្បតិ៍ មីយ៉ាន់ម៉ាមានករណីឆ្លងកូវីដ-១៩ជាង៦០០០នាក់ និងស្លាប់២៨៦នាក់នៅថ្ងៃពុធដែលចំនួននេះជាប់កំណត់ត្រាខ្ពស់បំផុតប្រចាំថ្ងៃ។
យ៉ាងណា គ្រូពេទ្យ និងសេវាបុណ្យសពនិយាយថា តួលេខស្លាប់ពិតប្រាកដខ្ពស់ជាងនេះ។ អ្វីដែលកាន់តែអាក្រក់ទៀតនោះយោធាមីយ៉ាន់ម៉ាបានចាប់ខ្លួនក្រុមវេជ្ជបណ្ឌិតជាច្រើននាក់ដែលព្យាបាលជំងឺកូវីដ-១៩ដោយខ្លួនឯង។
តាមសេចក្តីថ្លែងការណ៍របស់ AAPP ថា ៖«ការតវ៉ាដែលបានផ្ទុះឡើងដោយសារអ្នកជាប់ឃុំមិនត្រូវបានផ្តល់ការព្យាបាលកូវីដ-១៩ទេ ហើយសូម្បីបុគ្គលិកពន្ធនាគារក៏មិនផ្តល់ការការពារកូវីដ-១៩ដែរ»។
ជាក់ស្តែង លោក Nyan Win ទីប្រឹក្សាកំពូលរបស់មេដឹកនាំបណ្តេញចេញលោកស្រី អ៊ុងសាន ស៊ូជី បានស្លាប់នៅបន្ទីរពេទ្យកាលពីថ្ងៃអង្គារ៍ បន្ទាប់ពីឆ្លងកូវីដ-១៩នៅក្នុងពន្ធនាគារដោយគ្មានការព្យាបាល ហើយធ្ងន់ធ្ងរខ្លាំងទើបយកទៅមន្ទីរពេទ្យ៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore