អាល្លឺម៉ង់ គ្រោងបញ្ចប់ការធ្វើតេស្តរកកូវីដដោយឥតគិតថ្លៃ ដេញជើងអ្នកមិនចាក់វ៉ាក់សាំង
Connect with us

ព័ត៌មានអន្ដរជាតិ

អាល្លឺម៉ង់ គ្រោងបញ្ចប់ការធ្វើតេស្តរកកូវីដដោយឥតគិតថ្លៃ ដេញជើងអ្នកមិនចាក់វ៉ាក់សាំង

បានផុស

នៅ

សារព័ត៌មាន RND បានរាយការណ៍កាលពីថ្ងៃចន្ទថា ប្រទេសអាល្លឺម៉ង់ ចង់បញ្ចប់ការធ្វើតេស្តរកកូវីដដោយឥតគិតថ្លៃ នៅខែតុលា។ កាសែតនេះបានរាយការណ៍ ដោយលើកឡើងពីសេចក្តីព្រាងសំណើ ដែលនឹងត្រូវពិភាក្សាដោយលោកស្រីអធិការបតី Angela Merkel ជាមួយមេដឹកនាំរដ្ឋចំនួន ១៦ របស់ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលបានធ្វើតេស្តដោយមិនគិតថ្លៃសម្រាប់មនុស្សទាំងអស់ នៅក្នុងខែមីនាដើម្បីធ្វើឲ្យមានការវិលត្រឡប់ទៅរកជីវិតធម្មតាវិញជាបណ្តើរៗ បន្ទាប់ពីការបិទខ្ទប់ដើម្បីទប់ស្កាត់រលកទី៣។

ប៉ុន្តែបន្ទាប់ពីប្រជាជន ៥៥ភាគរយ បានចាក់វ៉ាក់សាំងពេញលេញហើយនោះ មានការអំពាវនាវឲ្យបញ្ឈប់ការចំណាយប្រាក់របស់អ្នកបង់ពន្ធ លើគម្រោងឧបត្ថម្ភធន ដែលឥឡូវនេះកំពុងផ្តល់អត្ថប្រយោជន៍ជាចម្បងដល់អ្នកមិនទាន់ចាក់វ៉ាក់សាំង ថ្វីបើមានវ៉ាក់សាំងចាក់ឲ្យក៏ដោយ។

ដោយដកស្រង់សេចក្តីព្រាងនេះ RND បានផ្សាយថា “ដោយសារវ៉ាក់សាំងមានគ្រប់ដើម្បីចាក់បានភ្លាមៗដល់ប្រជាពលរដ្ឋទាំងអស់ហើយនោះ វាមិនសមហេតុផលទៀតទេដែលរដ្ឋាភិបាលសហព័ន្ធនិងអ្នកបង់ពន្ធ ត្រូវរ៉ាប់រងថ្លៃនៃការធ្វើតេស្តទាំងអស់”។

ខណៈការបោះឆ្នោតសហព័ន្ធនៅសល់មិនដល់ប្រាំពីរសប្តាហ៍ទៀតផងនោះ លោកស្រី Merkel និងមេដឹកនាំរដ្ឋទាំងអស់ នឹងពិភាក្សាអំពីវិធានការនានា ដើម្បីទប់ស្កាត់ការឆ្លងថ្មីដែលជំរុញដោយវីរុសបំប្លែងខ្លួន Delta ដោយមិនចាំបាច់មានការបិទខ្ទប់បន្តទៀត។

អធិការបតីអាល្លឺម៉ង់ លោកស្រី Angela Merkel

ទោះបីជាយ៉ាងណាក៏ដោយ សេចក្តីព្រាងនេះចែងថា អ្នកទាំងឡាយដែលមិនអាចចាក់វ៉ាក់សាំងដោយសារហេតុផលសុខភាព ដូចជាស្ត្រីនិងកុមារអាយុក្រោម ១៨ ឆ្នាំ នឹងនៅតែបន្តទទួលបានការធ្វើតេស្តដោយឥតគិតថ្លៃ។

RND បានបន្ថែមថា កាលបរិច្ឆេទជាក់លាក់នៅក្នុងខែតុលា សម្រាប់កម្មវិធីនេះ មិនទាន់ត្រូវបានកំណត់នៅឡើយទេ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ អាល្លឺម៉ង់ រងគ្រោះធ្ងន់ធ្ងរដោយទឹកជំនន់ ស្លាប់និងបាត់ខ្លួនជិត ៨០នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

ជនសង្ស័យ២នាក់​ លាក់​គ្រឿងញៀន​២កូនថង់​ ត្រៀម​លក់​ត្រូវ​នគរបាល​បង្ក្រា

សន្តិសុខសង្គម២ ម៉ោង មុន

ចាក់សោ​ផ្ទះ​ទុកចោល ត្រូវ​អគ្គិភ័យ ឆាបឆេះ​គ្មាន​សល់

កីឡា២ ម៉ោង មុន

រឿងរ៉ាវ ៣ សំខាន់ៗ ដែល​ត្រូវ​ទស្សនា​កម្មវិធី ONE: ONLY THE BRAVE នា​ថ្ងៃ​សុក្រ​នេះ

ព័ត៌មានជាតិ៥ ម៉ោង មុន

រដ្ឋាករ​ស្វយ័ត​ដឹកជញ្ជូន​សាធារណៈ​ប្រកាស​ព័ត៌មាន ពី​ករណី​ឈ្លោះប្រកែក​គ្នា​រវាង​អ្នកបើកបរ​រថយន្តក្រុង​និង​អ្នក​ម៉ូតូ​នៅ​ផ្លូវ​៣០​ម៉ែត្រ បុរី​សន្តិភាព​២

ព័ត៌មានជាតិ៥ ម៉ោង មុន

ផ្ទុះ​ការ​តវ៉ា ភាព​មិន​ប្រក្រតី ធ្លាយ​ចេញពី​ស្រុក​កូន​មុំ​ពាក់​ព័​ន្ឋ​ការដាក់​ដេញថ្លៃ ទូកដរ ចំនួន​២​ឃុំ

Sokha Hotels

ព័ត៌មានពេញនិយម