តាលីបង់ មានឆន្ទៈភ្ជាប់ទំនាក់ទំនងជាមួយគ្រប់ប្រទេស រួមទាំង អាមេរិក តែលើកលែងប្រទេសមួយ

អ្នកនាំពាក្យក្រុមតាលីបង់បានប្រកាសថា ក្រុមសកម្មប្រយុទ្ធឥស្លាមមួយនេះ មានឆន្ទៈបង្កើតទំនាក់ទំនងជាមួយប្រទេសទាំងអស់លើកលែងតែ អ៊ីស្រាអែល មួយគត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Suhail Shaheen បានប្រាប់ទីភ្នាក់ងារសារព័ត៌មាន Sputnik របស់រដ្ឋរុស្ស៊ីថា “នៅក្នុងជំពូកថ្មី ប្រសិនបើអាមេរិកចង់មានទំនាក់ទំនងជាមួយយើងដែលអាចជាផលប្រយោជន៍របស់ប្រទេសនិងប្រជាជនទាំងពីរ ហើយប្រសិនបើពួកគេចង់ចូលរួមក្នុងការស្ថាបនាអាហ្វហ្គានីស្ថានឡើងវិញ ពួកគេត្រូវបានស្វាគមន៍។

ប៉ុន្តែលោកបានបន្តទៀតថា “ពិតណាស់ យើងនឹងមិនមានទំនាក់ទំនងជាមួយអ៊ីស្រាអែលទេ។ យើងចង់មានទំនាក់ទំនងជាមួយប្រទេសដទៃទៀត អ៊ីស្រាអែលមិនស្ថិតនៅក្នុងចំណោមប្រទេសទាំងនេះឡើយ។

ក្រុមតាលីបង់ មានប្រវត្តិគាំទ្រក្រុមអាល់កៃដា ដែលតែងតែធ្វើការគំរាមកំហែងប្រឆាំងនឹងរដ្ឋអ៊ីស្រាអែល ហើយប្រើវោហាសាស្ត្រប្រឆាំងសាសន៍យូដាក្នុងការឃោសនាជីហាដរបស់ខ្លួន។

កាលពីខែមុន លោក Shaheen បានបង្កឲ្យមានការភ្ញាក់ផ្អើល នៅពេលលោកផ្តល់បទសម្ភាសន៍ដល់ប្រព័ន្ធផ្សព្វផ្សាយសាធារណៈ Kan របស់អ៊ីស្រាអែល។ ប៉ុន្មានម៉ោងបន្ទាប់ពីកិច្ចសម្ភាសន៍ត្រូវបានចាក់ផ្សាយ អ្នកនាំពាក្យក្រុមតាលីបង់រូបនេះបានបង្ហោះ Twitter ថា គាត់ត្រូវបានគេបោក។

ការដកទ័ពរបស់អាមេរិកចេញពីអាហ្វហ្គានីស្ថាន គឺអាស្រ័យលើការធានាថា ក្រុមតាលីបង់នឹងមិនផ្តល់កន្លែងជ្រកកោនដល់ក្រុមភេរវករអាល់កៃដានោះទេ។

ទោះបីជាយ៉ាងណាក៏ដោយ មានរបាយការណ៍ថា លោក Amin al-Haq ដែលជាអតីតអង្គរក្សរបស់លោក Osama bin Laden ដែលបានជួយគាត់ឲ្យរត់គេចពីការលុកលុយរបស់អាមេរិក បានមកដល់អាហ្វហ្គានីស្ថានបន្ទាប់ពីតាលីបង់ឡើងកាន់កាប់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកកាសែតផ្សាយបាតុកម្ម ត្រូវក្រុមតាលីបង់ យកទៅធ្វើទារុណកម្ម ឡើងសុះសាច់ (វីដេអូ និងរូបភាពនៅខាងក្នុង)