ព័ត៌មានអន្ដរជាតិ
អង់គ្លេសចាប់ផ្តើមធ្វើតេស្តរកជំងឺមហារីកធំបំផុតក្នុងលោកដែលអាចរកឃើញជាង៥០ប្រភេទ
នៅថ្ងៃចន្ទនេះ អ្នកស្ម័គ្រចិត្តប្រមាណ១៤០០០០នាក់នៅក្នុងតំបន់៨នៃប្រទេសអង់គ្លេសនឹងត្រូវធ្វើតេស្តរកជំងឺមហារីកដំណាក់កាលដំបូង (Galleri) ដែលអាចរកឃើញមហារីកជាង៥០ ប្រភេទដែលភាគច្រើនមិនត្រូវបានគេពិនិត្យសព្វថ្ងៃនេះ។
ការធ្វើតេស្តដ៏ធំបំផុតនេះអាចរកឃើញជំងឺមហារីកដែលមិនត្រូវបានគេពិនិត្យមើលជាប្រចាំ ហើយវាអាចរកឃើញថា ជំងឺនេះមកពីណានៅក្នុងខ្លួនដែលមានភាពត្រឹមត្រូវកម្រិតខ្ពស់។
លោកស្រី Amanda Pritchard នាយកសេវាសុខភាពជាតិអង់គ្លេសបាននិយាយថា ៖«ការធ្វើតេស្តឈាមនេះលឿនរហ័ស និងងាយស្រួលដែលអាចជាសញ្ញានៃការចាប់ផ្តើមនៃបដិវត្តន៍ក្នុងការស្វែងរកជំងឺមហារីក និងព្យាបាលនៅអង់គ្លេស ក៏ដូចជាទូទាំងពិភពលោក»។
«ការស្វែងរកជំងឺមហារីកមុនពេលមានសញ្ញាកើតឡើង យើងមានឱកាសព្យាបាលបានល្អបំផុត ហើយយើងអាចជួយឲ្យមនុស្សមានឱកាសដ៏ល្អបំផុតដើម្បីរស់រានមានជីវិត»។
សេវាសុខភាពជាតិ (NHS) នឹងអញ្ជើញមនុស្សមកពីគ្រប់ទីកន្លែង និងជនជាតិផ្សេងៗគ្នាដែលមានអាយុចន្លោះ៥០ទៅ៧០ឆ្នាំដើម្បីធ្វើតេស្ត។ ពួកគាត់មិនមានរោគសញ្ញាមហារីកណាមួយក្នុងរយៈពេល៣ឆ្នាំចុងក្រោយ។
សំណាកឈាមនឹងត្រូវធ្វើតេស្តដោយគ្លិនិកតេស្តចលតពេញមួយសប្តាហ៍ ក្នុងរយៈពេល១២ខែ និងរយៈពេល២ឆ្នាំ។
ការធ្វើតេស្តស្វែងរកការផ្លាស់ប្តូរគីមីនៅក្នុងបំណែកនៃកូដហ្សេនដែលលេចចេញពីដុំពកសាច់ចូលទៅក្នុងឈាម ដែលជាអ្វីម្យ៉ាងដែលមហារីកខ្លះកើតមានយូរមកហើយមុនពេលចេញរោគសញ្ញា។
លោកស្រី Pritchard មានប្រសាសន៍ថា ការធ្វើតេស្តអាចជាផ្នែកមួយសំខាន់ដ៏ធំរបស់សេវាសុខភាពជាតិ (NHS) ដែលមានមហិច្ឆតាស្វែងរកឲ្យឃើញ៧៥%នៃជំងឺមហារីកក្នុងដំណាក់កាលដំបូងដែលជាពេលងាយស្រួលព្យាបាល។
វាមានប្រសិទ្ធភាពជាពិសេសការស្វែងរកមហារីកដែលពិបាកស្វែងរកនៅដំណាក់កាលដំបូងដូចជា មហារីកក្បាល ក ពោះវៀន សួត លំពែង និងមហារីកបំពងក។
ប៉ុន្តែវាមិនអាចរកឃើញមហារីកគ្រប់ប្រភេទទាំងអស់ទេ ហើយក៏មិនជំនួសកម្មវិធីស្វែងរកមហារីកសុដន់ មហារីកមាត់ស្បូន និងពោះវៀនរបស់ NHS ឡើយ៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព