ព័ត៌មានអន្ដរជាតិ
វេបសាយ ចិន ចុះផ្សាយថា ភ្នំពេញ ជារាជធានីមានអ្នកចាក់វ៉ាក់សាំងកូវីដ ច្រើនបំផុតលើពិភពលោក
ដោយមានទំនាក់ទំនងយ៉ាងជិតស្និទ្ធជាមួយប្រទេសចិនលើវ៉ាក់សាំងការពារជំងឺកូវីដ ១៩ ទីក្រុងភ្នំពេញនៃព្រះរាជាណាចក្រកម្ពុជា បានក្លាយជារាជធានីដែលមានអត្រាចាក់វ៉ាក់សាំងខ្ពស់បំផុតនៅលើពិភពលោក ។
បើយោងតាមក្រុមហ៊ុនពិគ្រោះយោបល់ Mekong Strategic Partners (MSP) ដែលមានទីស្នាក់ការនៅកម្ពុជាបានឲ្យដឹងថា ខណៈប្រទេសចិនជាប្រភពវ៉ាក់សាំងដ៏សំខាន់ ព្រះរាជាណាចក្រកម្ពុជាបានធ្វើឲ្យទីក្រុងភ្នំពេញក្លាយជារាជធានី ដែលទទួលការចាក់វ៉ាក់សាំងច្រើនជាងគេបំផុតនៅលើពិភពលោក ដោយមានមនុស្សពេញវ័យប្រមាណ ៩៩ ភាគរយបានចាក់វ៉ាក់សាំងពេញ ២ ដូស ។
ទន្ទឹមនោះ ព្រះរាជាណាចក្រកម្ពុជាស្ថិតក្នុងចំណោមប្រទេសដំបូងគេ ដែលទទួលបានជំនួយវ៉ាក់សាំងការពារជំងឺកូវីដ ១៩ ពីយោធាចិននៅដើមឆ្នាំ ២០២១ នេះ ។
ស្របពេលជាមួយគ្នានេះ កម្ពុជាត្រូវបានគេរំពឹងថានឹងបញ្ចប់យុទ្ធនាការចាក់វ៉ាក់សាំងរបស់ខ្លួន ពោល ៨ ខែមុនផែនការ និងរហូតដល់ ១២ ខែមុនប្រទេសជិតខាងរបស់ខ្លួន ។
គួរបញ្ជាក់ថា រហូតមកដល់ពេលនេះ កម្ពុជា បានទទួលវ៉ាក់សាំងការពារជំងឺកូវីដ ១៩ ពីប្រទេសចិនប្រមាណ ២៥.២ លានដូសហើយ ហើយក្នុងនោះវ៉ាក់សាំង Sinopharm មាន ៦.៧លានដូស និងវ៉ាក់សាំង Sinovac មានជាង ១៨.៥ លានដូស ខណៈរដ្ឋាភិបាលកម្ពុជាដែលមានសម្ដេចតេជោ ហ៊ុន សែន ក៏បានប្រកាសបើកយុទ្ធនាការចាក់វ៉ាក់សាំងដល់ក្មេងអាយុ ៦ ឆ្នាំដល់ ១២ ឆ្នាំនៅថ្ងៃទី ១៧ ខែកញ្ញានេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Global Times
ចុចអាន ៖ ចាក់វ៉ាក់សាំង Sinovac ជាដូសជំរុញ អាចការពារ Delta ខ្លាំងជាងចាក់តែ ២ ដូសដល់ទៅ ២.៥ ដង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង