ព័ត៌មានអន្ដរជាតិ
រុស្ស៊ី រកឃើញវីរុសបំប្លែងខ្លួន Delta ទម្រង់ថ្មី ឆ្លងខ្លាំងជាងប្រភេទដើមដល់ទៅ ១០ ដង
អ្នកវិទ្យាសាស្ត្រជាន់ខ្ពស់របស់រដ្ឋាភិបាលរុស្ស៊ីបានព្រមានកាលពីថ្ងៃព្រហស្បតិ៍ថា ប្រទេសរុស្ស៊ីបានរកឃើញវីរុសបំប្លែងខ្លួន Delta ទម្រង់ថ្មី ដែលកាន់តែបង្កហានិភ័យការឆ្លងរាលដាល និងការស្លាប់របស់ប្រទេស ។
យោងតាមលោក Kamil Khafizov ដែលជាប្រធានក្រុមអ្នកវិទ្យាសាស្ត្រ Rospotrebnadzor បានប្រាប់សារព័ត៌មាន Interfax ថា “វីរុសបំប្លែងខ្លួន Delta ទម្រង់ថ្មីប្រភេទ AY.4.2 ត្រូវបានរកឃើញលើអ្នកធ្វើចត្តាឡីស័កនៅក្នុងប្រទេសរុស្ស៊ី” ។
លោកបានបន្ថែមទៅកាន់ប្រព័ន្ធផ្សព្វផ្សាយថា “វីរុសបំប្លែងខ្លួន Delta ទម្រង់ថ្មីប្រភេទ AY.4.2 ទំនងជាអាចរីករាលដាលទ្រង់ទ្រាយធំនៅក្នុងប្រទេសរុស្ស៊ី និងពិភពលោក ។ យើងកំពុងឃើញករណីបន្ថែមទៀតនៃប្រភេទថ្មីនេះ ហើយវាអាចឆ្លងលឿនជាងវីរុសបំប្លែងខ្លួន Delta ដល់ទៅ ១០ ដងឯណោះ” ។
មន្ត្រីសុខាភិបាលរុស្ស៊ីនិយាយថា Delta គឺជាប្រភេទវីរុសបំប្លែងខ្លួនដ៏លេចធ្លោក្នុងរលកទីបួននៃរោគរាតត្បាតកូវីដ ១៩ ដែលបានគ្របដណ្ដប់លើមន្ទីរពេទ្យរបស់ប្រទេស ចំពេលមានអត្រាចាក់វ៉ាក់សាំងទាប ។
ប៉ុន្តែអ្នកវិទ្យាសាស្ត្របានបង្ហាញទំនុកចិត្តលើប្រសិទ្ធភាពរបស់វ៉ាក់សាំងរុស្ស៊ីប្រឆាំងនឹងវីរុសប្រភេទ AY.4.2 ពីព្រោះប្រភេទថ្មីនេះមិនខុសគ្នាជាមួយវីរុស Delta ទម្រង់ដើមខ្លាំងប៉ុន្មានទេ ។
លោក Khafizov បាននិយាយថា “រឿងតែមួយគត់ដែលអាចជួយទប់ទល់នឹងវីរុសបំប្លែងខ្លួនថ្មី គឺការចាក់វ៉ាក់សាំង ជាពិសេសសម្រាប់អ្នកដែលមិនទាន់មានការឆ្លងកូវីដ” ។
ពាក់ព័ន្ធនឹងការរកឃើញវីរុសបំប្លែងខ្លួន Delta ទម្រង់ថ្មីនេះដែរ កាលពីថ្ងៃព្រហស្បតិ៍លោកប្រធានាធិបតីរុស្ស៊ី វ្ល៉ាឌីមៀ ពូទីន ចុះហត្ថលេខាលើបទបញ្ជាប្រតិបត្តិមួយ ដើម្បីកំណត់ថ្ងៃមិនធ្វើការ ឬឈប់សម្រាកនៅទូទាំងប្រទេសរុស្ស៊ីចំនួន ៩ ថ្ងៃ ចាប់ពីថ្ងៃទី ៣០ ខែតុលា ដល់ថ្ងៃទី ៧ ខែវិច្ឆិកា ដើម្បីការពារការរីករាលដាលនៃការឆ្លងបន្ថែម ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ លោក ពូទីន ឲ្យប្រជាជន រុស្ស៊ី ស្នាក់នៅផ្ទះកុំចេញទៅណា ៩ ថ្ងៃ
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២៤ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)