គ្រូពេទ្យវៀតណាម ច្រឡំយកវ៉ាក់សាំងកូវីដ ចាក់ឲ្យទារក ១៨នាក់

ទារកចំនួន១៨នាក់នៅទីក្រុងហាណូយ ត្រូវបានគ្រូពេទ្យច្រឡំចាក់វ៉ាក់សាំងកូវីដប្រភេទ Pfizer ឲ្យកាលពីថ្ងៃពុធ ប៉ុន្តែមិនមានផលប៉ះពាល់អវិជ្ជមានណាមួយត្រូវបានគេរាយការណ៍ទេ។

មន្ទីរសុខាភិបាលក្រុងបាននិយាយថា ទារកដែលមានអាយុពី២ទៅ៦ខែ បានទទួលការចាក់ថ្នាំបង្ការនៅមណ្ឌលសុខភាពឃុំ Yen Son ក្នុងស្រុក Quoc Oai ហើយត្រូវបានបញ្ជូនទៅកាន់មន្ទីរពេទ្យ Saint Paul ដើម្បីតាមដានអាការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារទាំងនោះត្រូវបានមាតាបិតា នាំទៅចាក់ថ្នាំបង្ការរោគផ្សេងៗ ប៉ុន្តែបែរជាគ្រូពេទ្យច្រឡំយកវ៉ាក់សាំងកូវីដ ទៅចាក់ឲ្យទៅវិញ។

ពួកគេស្ថិតក្នុងស្ថានភាពធម្មតា បើទោះបីជាទារកខ្លះមានគ្រុនក្តៅ និងផលរំខានទូទៅផ្សេងទៀត ក្រោយការចាក់វ៉ាក់សាំងក៏ដោយ។

យ៉ាងណាក្តី គេ​នៅ​មិន​ទាន់​ដឹង​ថា​កំហុសនេះ​កើត​ឡើង​ដោយ​របៀប​ណា និងថាតើទារកទាំងនោះទទួលបានវ៉ាក់សាំងកម្រិតណានោះទេ។

ស្របពេលជាមួយគ្នានោះដែរ អាជ្ញាធរស្រុក​បាន​បញ្ជាឲ្យ​ផ្អាក​បុគ្គលិក​ដែល​ពាក់ព័ន្ធក្នុងករណីនេះ។

គួរបញ្ជាក់ថា ទីក្រុងហាណូយ មិនទាន់បានចាក់វ៉ាក់សាំង កូវីដ ដល់កុមារនៅឡើយទេ ថ្វីបើក្រសួងសុខាភិបាល បានអនុម័តឲ្យចាក់វ៉ាក់សាំង លើកុមារដែលមានអាយុពី ១២ ដល់ ១៧ឆ្នាំក៏ដោយ៕

ប្រែសម្រួល៖ Vann Vann

ប្រភព៖ VN Express

ចុចអាន៖ ចៅហ្វាយក្រុង LA តេស្តវិជ្ជមានកូវីដ ជាប់ពាក់ព័ន្ធច្រើននាក់ រួមទាំងនាយករដ្ឋមន្ត្រី វៀតណាម