ព័ត៌មានអន្ដរជាតិ
ចិន កំពុងបង្កើតកំពូលទាហាន “កែហ្សែន” ដែលគ្មានអ្នកណាអាចយកឈ្នះបាន
យោងតាមប្រធានផ្នែកស៊ើបការណ៍សម្ងាត់អាមេរិកម្នាក់បានឲ្យដឹងថា ប្រទេសចិនកំពុងអភិវឌ្ឍន៍ “កំពូលទាហាន” កែហ្សែនដែលគ្មានអ្នកណាអាចយកឈ្នះបាន។ គ្មានប្រទេសណាមួយអាចបង្កើតទាហានបែបនេះបានទេហើយគេធ្លាប់តែឃើញនៅក្នុងរឿងវិទ្យាសាស្ត្របែបច្នៃប្រឌិតប៉ុណ្ណោះ។
លោក John Ratcliffe នាយកផ្នែកស៊ើបការណ៍ជាតិរបស់លោក Donald Trump បានអះអាងថា ចិនកំពុងប្តេជ្ញាចិត្តត្រួតត្រាផ្នែកសេដ្ឋកិច្ច យោធានិងបច្ចេកវិទ្យាលើសហរដ្ឋអាមេរិកនិងប្រទេសដទៃទៀតនៅក្នុងពិភពលោកហើយកំពុងសាកល្បងបច្ចេកវិទ្យាទាហានទំនើប។
លោកនិយាយថា វិធីមួយក្នុងចំណោមវិធីនានាដែលសាធារណរដ្ឋប្រជាមានិតចិនកំពុងស្វែងរកដើម្បីទទួលបានផលប្រយោជន៍ផ្នែកយោធាពីគូប្រជែងរបស់ខ្លួនគឺត្រូវប្រើឧបករណ៍កែហ្សែន CRISPR ដើម្បីកែប្រែអំប្រ៊ីយ៉ុងរបស់មនុស្សដើម្បីបង្កាត់យោធាដែលមានសមត្ថភាពប្រយុទ្ធកាន់តែខ្លាំង កាន់តែយូរនិងកាន់តែមានប្រសិទ្ធភាព។
ដោយនិយាយថាចិនជាប្រទេសបង្កការគំរាមកំហែងធំបំផុតដល់សហរដ្ឋអាមេរិកនាពេលសព្វថ្ងៃនេះនិងជាការគំរាមកំហែងធំបំផុតចំពោះលទ្ធិប្រជាធិបតេយ្យនិងសេរីភាពទូទាំងពិភពលោកចាប់តាំងពីសង្គ្រាមលោកលើកទី២មកនោះ លោក Ratcliffe បានសរសេរនៅក្នុងកាសែត Wall Street Journal ថា គ្មានព្រំដែនក្រមសីលធម៌ចំពោះការបន្តអំណាចរបស់ទីក្រុងប៉េកាំងទេ។
មានការជជែកវែកញែកយ៉ាងទូលំទូលាយអំពីក្រមសីលធម៌នៃការប្រើឧបករណ៍ដូចជា CRISPR ដើម្បីធ្វើឲ្យប្រសើរឡើងនូវហ្សែនរបស់មនុស្ស។
ជីវវិទូជនជាតិចិនឈ្មោះ He Jiankui បានបង្កឲ្យមានភាពចម្រូងចម្រាសនៅពេលដែលគាត់បានកែហ្សែនរបស់ក្មេងស្រីភ្លោះឈ្មោះថា លូលូ និងណាណា ដើម្បីធ្វើឲ្យពួកគេមានភាពស៊ាំទៅនឹងមេរោគអេដស៍។
គាត់ត្រូវបានកាត់ទោសឲ្យជាប់ពន្ធនាគាររយៈពេល៣ឆ្នាំនិងពិន័យជាប្រាក់៣លានយ័ន (៣៤៥,០០០ផោន) ពីបទ “ការប្រព្រឹត្តវេជ្ជសាស្រ្តខុសច្បាប់” ប៉ុន្តែលោក Ratcliffe ជឿថា យោធាចិននៅតែធ្វើការស្រាវជ្រាវស្រដៀងគ្នានេះបានដោយសម្ងាត់៕
ប្រែសម្រួលដោយ៖ Vann Vann
ប្រភព៖ Daily Star
ចុចអាន៖ ទាហានអូស្ត្រាលីយកជើងសិប្បនិម្មិតរបស់ក្រុមតាលីបង់ដាក់ស្រាផឹក
ចុចអាន៖ ទាហានសម័យសង្គ្រាមអ៊ីរ៉ាក់ប្តឹងក្រសួងការពារជាតិអាមេរិកព្រោះសំឡេងផ្ទុះអាវុធធ្វើឲ្យគាត់ថ្លង់
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៧ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៤ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ