ទាហានអូស្ត្រាលីយកជើងសិប្បនិម្មិតរបស់ក្រុមតាលីបង់ដាក់ស្រាផឹក – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទាហានអូស្ត្រាលីយកជើងសិប្បនិម្មិតរបស់ក្រុមតាលីបង់ដាក់ស្រាផឹក

Published

on

កាសែត The Guardian របស់អូស្ត្រាលីបានបង្ហាញរូបថតមួយសន្លឹករបស់ទាហានពិសេសអូស្ត្រាលីកំពុងផឹកស្រាបៀរចេញពីជើងសិប្បនិម្មិតរបស់ទាហានតាលីបង់ដែលបានស្លាប់នៅក្នុងបារ៍មួយកន្លែងនៅប្រទេសអាហ្វហ្គានីស្ថាន ។

យោងតាមសារព័ត៌មាន The Guardian បានឲ្យដឹងថា ទាហានរូបនោះត្រូវបានគេអះអាងថាកំពុងស្ថិតនៅក្នុងជួរយោធានៅឡើយ ។ ហេតុការណ៍នេះបានកើតឡើងនៅឯបារ៍ Fat Lady’s Arms ជាហាងក្រៅផ្លូវការដែលបានបង្កើតឡើងនៅក្នុងមូលដ្ឋានពិសេសរបស់អូស្រ្តាលីនៅស្រុក Tarin Kowt ក្នុងឆ្នាំ ២០០៩ ។

រូបថតមួយទៀតបង្ហាញពីទាហាន ២ នាក់កំពុងរាំជាមួយជើងសិប្បនិម្មិតដែលត្រូវបានគេជឿថាជារបស់អ្នកប្រយុទ្ធតាលីបង់ដែលត្រូវបានសម្លាប់ អំឡុងពេលមានការវាយលុកទៅលើបរិវេណចំនួនពីរ និងផ្លូវរូងក្រោមដីមួយនៅឯស្រុក Kakak នៃខេត្ត Uruzgan ក្នុងខែមេសា ឆ្នាំ ២០០៩ ។

បន្ទាប់ពីប្រតិបត្ដិការនេះ ជើងសិប្បនិម្មិតត្រូវបានគេដាក់នៅបារ៍ Fat Lady’s Arms ។ អតីតទាហានម្នាក់បានប្រាប់កាសែត The Guardian ថា “កន្លែងណាដែលបារ៍ Fat Lady’s Arms ត្រូវបានបង្កើតឡើង បន្ទាប់មកកន្លែងនោះគឺមានការរក្សាទុកជើងសិប្បនិម្មិត ហើយនឹងប្រើប្រាស់ម្តងម្កាលសម្រាប់ផឹក” ។

របាយការណ៍នេះកើតឡើងពីរសប្តាហ៍ បន្ទាប់ពីប្រមុខកងទ័ពអូស្ត្រាលីលោក Angus Campbell បានចេញផ្សាយរបាយការណ៍មួយដែលពាក់ព័ន្ធនឹងយោធាអូស្ត្រាលីពីបទឧក្រិដ្ឋកម្មសង្គ្រាមនៅអាហ្វហ្គានីស្ថាន ។ របាយការណ៍នោះមានទិន្នន័យអំពីការសម្លាប់ជនស៊ីវិល និងអ្នកទោសអាហ្វហ្គានីស្ថានចំនួន ៣៩ ករណីដោយកងទ័ពអូស្ត្រាលីនៅចន្លោះឆ្នាំ ២០០៥ និង ២០១៦ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិញ្ចឹមមិនអត់ប្រយោជន៍ទេ! សេកមួយក្បាលជួយម្ចាស់វាឲ្យរួចពីការស្លាប់

ចុចអាន ៖ ឥណ្ឌា អាមេរិក ជប៉ុន និងអូស្ត្រាលីចាប់ផ្តើមធ្វើសមយុទ្ធកងនាវាចរទ្រង់ទ្រាយធំរួមគ្នា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ14 mins ago

ប្រទះ​ឃើញ​ស្លាក​ឈ្មោះ​ទាហាន​ម្នាក់ និងគ្រាប់​មិនទាន់​ផ្ទុះ​ជាង​៦​តោន ក្នុង​ការ​រុករកនាវា​លិច​នៅ​បាតទន្លេ​មេគង្គ

ព័ត៌មានជាតិ45 mins ago

លោក សាយ សា​មាន​៖ ប្តេជ្ញា​ចិត្ត​ប្រើប្រាស់​គ្រឿងចក្រពី​ក្រសួង​ឲ្យ​ចំ​គោលដៅ​ សម្រាប់​បម្រើ​តម្រូវការ​ប្រជាពលរដ្ឋ​

ព័ត៌មានជាតិ50 mins ago

ក្រសួង​ប្រកាស​មុន​នេះ ឲ្យ​សិស្ស​​ទី ១២ ប្រឡង​ជាប់ ត្រៀម​ខ្លួន​ទៅ​ដក​សញ្ញាបត្រ

ព័ត៌មានជាតិ54 mins ago

ភ្ជួរ​ដី​ចំ​ការ​ប៉ះ​ម៉ី​ន​តោន​ផ្ទុះ​​រង​របួស​អ្នក​បើក​ត្រាក់ទ័រម្នាក់​

KPT+58 mins ago

ហេតុផល​ខ្លះ​ដែល​ច្រាន​យើង​ចេញ​ពី​ជណ្ដើរ​ជោគជ័យ​តាំង​ពី​ទើប​ចាប់ផ្ដើមដំបូងៗ

Sokha Hotels

ព័ត៌មានពេញនិយម

Helistar Cambodia - Helicopter Charter Services