ព័ត៌មានអន្ដរជាតិ

Sinovac Biotech បង្កើតលទ្ធភាពផលិតវ៉ាក់សាំងទ្វេដង ដល់ទៅ ៦០០លានដូសក្នុងមួយឆ្នាំ

បានផុស

៥ years មុន

នៅ

ថ្ងៃចន្ទ ៧ ធ្នូ ២០២០

ដោយ

ក្រុមហ៊ុនជីវសាស្ត្រចិន Sinovac Biotech បានទទួលប្រាក់មូលនិធិវិនិយោគបន្ថែមដល់ទៅ ៥១៥លានដុល្លារ ពីម្ចាស់វិនិយោគក្នុងប្រទេសដើម្បីជំរុញលទ្ធភាពផលិតវ៉ាក់សាំងប្រឆាំងជំងឺកូវីដ ១៩ ឲ្យបានទ្វេដង។ នេះបើតាមការបញ្ជាក់របស់ក្រុមហ៊ុន ធ្វើឡើងនៅព្រឹកថ្ងៃច័ន្ទនេះ ខណៈតាមការរំពឹងទុកពួកគេនឹងបញ្ចប់ការធ្វើពិសោធលើវ៉ាក់សាំងជាផ្លូវការនៅក្នុងខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមកិច្ចព្រមព្រៀងវិនិយោគ បានក្លាយជាផ្នែកមួយនាំឲ្យវ៉ាក់សាំងរបស់ក្រុមហ៊ុន Sinovac ត្រូវពង្រីកចំនួនបន្ថែមទៀត ហើយការធ្វើតេស្តពិសោធលើវ៉ាក់សាំង CoronaVac ជាមួយប្រទេសជាច្រើន កំពុងទទួលបានលទ្ធផលវិជ្ជមាន។

ក្រុមហ៊ុនជីវសាស្ត្រ Sino Biopharmaceutical Limited របស់ប្រទេសចិន នៅថ្ងៃច័ន្ទនេះ បាននិយាយថា អ្នកជំនួញមួយក្រុម បានផ្តល់ប្រាក់វិនិយោគបន្ថែម ៥១៥លានដុល្លារ សម្រាប់ក្រុមហ៊ុន Sinovac Life Sciences ដែលជាបុត្រសម្ព័ន្ធរបស់ខ្លួន ដើម្បីជួយពន្លឿនការអភិវឌ្ឍន៍ និងផលិតវ៉ាក់សាំង CoronaVac។

តាមការគ្រោងទុក ក្រុមហ៊ុន Sinovac អាចផលិតវ៉ាក់សាំងកូវីដ ១៩ សរុបប្រមាណ ៣០០លានដូស ក្នុងមួយឆ្នាំៗ ខណៈរោងចក្រផលិតវ៉ាក់សាំងទី២របស់ខ្លួន អាចនឹងបញ្ចប់ជាស្ថាពរត្រឹមចុងឆ្នាំ ២០២០នេះ ដែលនឹងជួយឲ្យចង្វាក់ផលិតកម្មវ៉ាក់សាំង CoronaVac អាចផលិតបានសរុប ៦០០លានដូស ក្នុងមួយឆ្នាំ៕

ប្រែសម្រួល៖ សុភា
ប្រភព៖ Reuters