Connect with us

ព័ត៌មានអន្ដរជាតិ

ក្រុមហ៊ុន Pfizer ថា ២ឆ្នាំទៀត ក៏កូវីដមិនទាន់ទៅណាដែរ

បានផុស

នៅ

ក្រុមហ៊ុន Pfizer Inc កាលពីថ្ងៃសុក្រ បានព្យាករណ៍ថា ជំងឺរាតត្បាតកូវីដ-១៩ នឹងមិនទៅណាទេរហូតដល់ឆ្នាំ ២០២៤ឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានផ្នែកវិទ្យាសាស្ត្ររបស់ Pfizer លោក Mikael Dolsten បាននិយាយនៅក្នុងបទបង្ហាញដល់វិនិយោគិនថា ក្រុមហ៊ុនរំពឹងថា តំបន់មួយចំនួននឹងបន្តឃើញកម្រិតជំងឺរាតត្បាតកូវីដ-១៩ នៅឆ្នាំក្រោយឬពីរឆ្នាំទៀត។ ប្រទេសផ្សេងទៀតនឹងអាចមើលឃើញករណីជំងឺរាតត្បាតទាប ហើយអាចគ្រប់គ្រងបានក្នុងអំឡុងពេលដូចគ្នានោះ។

Pfizer បានបង្កើតវ៉ាក់សាំងកូវីដរបស់ខ្លួនជាមួយក្រុមហ៊ុន BioNTech SE របស់ប្រទេសអាល្លឺម៉ង់ ហើយបច្ចុប្បន្នរំពឹងថា ខ្លួននឹងអាចរកប្រាក់ចំណូលបានចំនួន៣១ពាន់លានដុល្លារនៅឆ្នាំក្រោយ។ ខ្លួនគ្រោងនឹងផលិតវ៉ាក់សាំង ៤ពាន់លានដូសនៅឆ្នាំក្រោយ។

ក្រុមហ៊ុនឱសថមួយនេះ ក៏មានថ្នាំប្រឆាំងមេរោគមួយហៅថា Paxlovid ដែលកាត់បន្ថយការចូលមន្ទីរពេទ្យ និងការស្លាប់ចំពោះបុគ្គលដែលមានហានិភ័យខ្ពស់ជិត៩០% នៅក្នុងការសាកល្បងព្យាបាលផងដែរ។ អ្នកវិភាគប៉ាន់ប្រមាណថា ការលក់នឹងរកប្រាក់បានពី ១៥ពាន់លានដុល្លារទៅ ២៥ពាន់លានដុល្លារនៅឆ្នាំក្រោយ។

ការព្យាករណ៍របស់ Pfizer បានកើតឡើង បន្ទាប់ពីការលេចចេញនៃវីរុសបំប្លែងខ្លួន អូមីក្រុង កាលពីខែមុន។ វីរុសនេះ បានកាត់បន្ថយប្រសិទ្ធភាពនៃវ៉ាក់សាំងពីរដូសប្រឆាំងនឹងការឆ្លង ហើយជំរុញឲ្យមានការភ័យខ្លាចនៃការរីករាលដាលយ៉ាងឆាប់រហ័សនៅជុំវិញពិភពលោក៕

ប្រែសម្រួល៖ សន្យា

ប្រភព៖ Troi Tre

ចុចអាន៖ WHO ចុះបញ្ជីវ៉ាក់សាំងទី ២ របស់ឥណ្ឌា ប្រើប្រាស់ជាបន្ទាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម