ព័ត៌មានអន្ដរជាតិ
ចិន យល់ព្រមឲ្យប្រើថ្នាំរបស់អាមេរិក ព្យាបាលអ្នកជំងឺកូវីដ នៅក្នុងប្រទេស
និយតករផលិតផលវេជ្ជសាស្រ្តរបស់ប្រទេសចិន បាននិយាយនៅថ្ងៃសៅរ៍ទី១២ខែកុម្ភៈនេះថា ខ្លួនបានផ្តល់ការយល់ព្រមតាមលក្ខខណ្ឌសម្រាប់ថ្នាំព្យាបាលជំងឺកូវីដ-១៩ Paxlovid របស់ក្រុមហ៊ុនអាមេរិក Pfizer។
ការអនុម័តនេះ ធ្វើឲ្យ Paxlovid ក្លាយជាថ្នាំគ្រាប់ដែលត្រូវបានបង្កើតឡើងជាពិសេសដើម្បីព្យាបាលជំងឺកូវីដ១៩ដំបូងគេ ដែលត្រូវបានអនុញ្ញាតឲ្យប្រើប្រាស់នៅក្នុងប្រទេសចិន។
រដ្ឋបាលផលិតផលវេជ្ជសាស្ត្រជាតិបាននិយាយថា Paxlovid ត្រូវបានអនុម័តឲ្យយកទៅព្យាបាលមនុស្សពេញវ័យដែលមានជំងឺកូវីដស្រាលទៅមធ្យម និងជាអ្នកមានហានិភ័យខ្ពស់នៃការវិវត្តទៅជាស្ថានភាពធ្ងន់ធ្ងរ។ ការសិក្សាបន្ថែមលើថ្នាំនេះ ចាំបាច់ត្រូវតែធ្វើឡើង ហើយដាក់ជូនអាជ្ញាធរពិនិត្យ។
ទោះបីជាយ៉ាងណាក៏ដោយ គេមិនទាន់ច្បាស់ទេថាតើ ចិនពិភាក្សាជាមួយក្រុមហ៊ុន Pfizer រួចហើយឬនៅ ដើម្បីទិញថ្នាំគ្រាប់នេះ។
តំណាងក្រុមហ៊ុន Pfizer បាននិយាយនៅក្នុងសេចក្តីថ្លែងការណ៍មួយ តែមិនផ្តល់ព័ត៌មានអំពីការផ្គត់ផ្គង់ថា “នេះគឺជាព្រឹត្តិការណ៍ដ៏សំខាន់មួយ ក្នុងការប្រយុទ្ធប្រឆាំងនឹងជំងឺកូវីដ១៩”។
នាយកប្រតិបត្តិក្រុមហ៊ុន Pfizer បានឲ្យដឹងថា ក្រុមហ៊ុនកំពុងពិភាក្សាយ៉ាងសកម្មជាមួយប្រទេសជាង១០០អំពីថ្នាំគ្រាប់ Paxlovid ហើយមានសមត្ថភាពផ្តល់ថ្នាំចំនួន១២០លានប្រសិនឈុត បើចាំបាច់។
កាលពីខែធ្នូឆ្នាំមុន ក្រុមហ៊ុន Pfizer និយាយថា លទ្ធផលនៃការសាកល្បងចុងក្រោយបានបង្ហាញថា ការព្យាបាលដោយប្រើថ្នាំនេះ អាចកាត់បន្ថយឱកាសនៃការចូលព្យាបាលក្នុងមន្ទីរពេទ្យឬការស្លាប់បាន ៨៩% ចំពោះអ្នកជំងឺកូវីដដែលមានហានិភ័យជំងឺធ្ងន់ធ្ងរ បីថ្ងៃបន្ទាប់ពីការចាប់ផ្តើមចេញរោគសញ្ញានិង ៨៨% ក្នុងរយៈពេលប្រាំថ្ងៃនៃការចេញរោគសញ្ញា៕
ប្រែសម្រួល៖ Vann Vann
ប្រភព៖ Reuters
ចុចអាន៖ Pfizer អនុញ្ញាតឲ្យប្រទេសកំពុងអភិវឌ្ឍ ផលិតនិងលក់ថ្នាំគ្រាប់ព្យាបាលកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ