Connect with us

ព័ត៌មានអន្ដរជាតិ

UNICEF៖ ការបិទសាលារៀន ត្រូវតែជាជម្រើសចុងក្រោយក្នុងការប្រយុទ្ធជាមួយ អូមីក្រុង

បានផុស

នៅ

ប្រធានមូលនិធិកុមាររបស់អង្គការសហប្រជាជាតិ (UNICEF) លោកស្រី Henrietta Fore បាននិយាយថា “នៅពេលដែលការឆ្លងវីរុសបំប្លែងខ្លួន អូមីក្រុង ក្នុងសហគមន៍កើនឡើង ហើយវិធានការសុខភាពសាធារណៈដ៏តឹងរ៉ឹងក្លាយជាភាពចាំបាច់នោះ សាលារៀនត្រូវតែជាកន្លែងចុងក្រោយដែលត្រូវបិទ និងជាកន្លែងដំបូងគេដែលត្រូវបើកឡើងវិញ។

នាយកប្រតិបត្តិ UNICEF រូបនេះ បាននិយាយនៅក្នុងសេចក្តីថ្លែងការណ៍មួយថា “ការបិទសាលារៀនទូទាំងប្រទេស គួរតែត្រូវបានចៀសវាងនៅពេលណាដែលអាចធ្វើទៅបាន”។

លោកស្រី Fore លើកឡើងថា “ការបិទសាលាសាជាថ្មី នឹងក្លាយជាមហន្តរាយសម្រាប់កុមារ។ ភ័ស្តុតាងគឺច្បាស់ណាស់ថា ការបិទសាលារៀនទូទាំងប្រទេសដែលអូសបន្លាយពេលយូរ, ធនធានមានកំណត់សម្រាប់សិស្ស គ្រូ និងឪពុកម្តាយ, ហើយកង្វះខាតលទ្ធភាពទទួលបានការសិក្សាពីចម្ងាយ បានបំផ្លាញវឌ្ឍនភាពនៃការអប់រំជាច្រើនទសវត្សរ៍ និងធ្វើឲ្យកុមារភាពមិនអាចស្គាល់អ្វីបាន”។

លើសពីការបាត់បង់ការសិក្សា កុមារក៏បាត់បង់សុវត្ថិភាពសាលារៀន ការប្រាស្រ័យទាក់ទងគ្នាប្រចាំថ្ងៃជាមួយមិត្តភ័ក្តិ ការទទួលបានការថែទាំសុខភាព និងអាហារូបត្ថម្ភប្រចាំថ្ងៃរបស់ពួកគេផងដែរ។ សិស្ស​សាលា​ជំនាន់​នេះ ​អាច​បាត់បង់​សរុប១៧ទ្រី​លាន​ដុល្លារ​អាមេរិក​ក្នុង​ការ​រក​ចំណូល​ពេញ​មួយ​ជីវិត។

យើង​ដឹង​ថា ​វិធានការ​បន្ធូរបន្ថយ​នៅ​តាម​សាលារៀន​មាន​ប្រសិទ្ធភាព​។ យើងត្រូវតែប្រើចំណេះដឹងនេះ ដើម្បីធ្វើអ្វីគ្រប់យ៉ាងដែលយើងអាចធ្វើបានដើម្បីឲ្យសាលារៀនបន្តបើក។ យើងក៏ត្រូវបង្កើនការវិនិយោគក្នុងការតភ្ជាប់ឌីជីថលផងដែរ ដើម្បីប្រាកដថាគ្មានកុមារណាម្នាក់ត្រូវបានទុកចោលនោះទេ៕

ប្រែសម្រួល៖ Vann Vann

ប្រភព៖ Nation

ចុចអាន៖ រដ្ឋធានីឥណ្ឌា បិទសាលារៀនជាថ្មី តែលើកនេះមិនមែនដោយសារកូវីដ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម