ព័ត៌មានអន្ដរជាតិ
Pfizer អនុញ្ញាតឲ្យប្រទេសកំពុងអភិវឌ្ឍ ផលិតនិងលក់ថ្នាំគ្រាប់ព្យាបាលកូវីដ
ក្រុមហ៊ុនឱសថអាមេរិក Pfizer បានចុះហត្ថលេខាលើកិច្ចព្រមព្រៀងមួយ ដើម្បីអនុញ្ញាតឲ្យថ្នាំគ្រាប់ព្យាបាលជំងឺកូវីដ១៩របស់ខ្លួនត្រូវបានផលិត និងលក់នៅក្នុងប្រទេសកំពុងអភិវឌ្ឍចំនួន៩៥។
កិច្ចព្រមព្រៀងជាមួយអង្គការមិនរកប្រាក់ចំណេញ Medicines Patent Pool ដែលគាំទ្រដោយអង្គការសហប្រជាជាតិមួយនេះ អាចធ្វើឲ្យ៥៣%នៃចំនួនប្រជាជនពិភពលោក ទទួលបានការព្យាបាលជំងឺកូវីដ១៩។
Pfizer និយាយថា ថ្នាំគ្រាប់របស់ខ្លួន បានកាត់បន្ថយហានិភ័យនៃជំងឺធ្ងន់ធ្ងរចំពោះមនុស្សពេញវ័យដែលងាយរងគ្រោះ។
នៅក្នុងសេចក្តីថ្លែងការណ៍មួយកាលពីថ្ងៃអង្គារ ក្រុមហ៊ុន Pfizer និយាយថា កិច្ចព្រមព្រៀងនេះ នឹងអនុញ្ញាតឲ្យក្រុមហ៊ុនផលិតឱសថក្នុងស្រុក ផលិតថ្នាំគ្រាប់ជាមួយគោលដៅ សម្រួលដល់យប្រជាជនពិភពលោកកាន់តែច្រើន ទទួលបានថ្នាំព្យាបាលជំងឺកូវីដ១៩។
នៅដើមខែវិច្ឆិកានេះ Pfizer និយាយថា ការសាកល្បងព្យាបាលបានបង្ហាញថាថ្នាំគ្រាប់របស់ខ្លួនឈ្មោះ Paxlovid អាចកាត់បន្ថយហានិភ័យនៃការចូលមន្ទីរពេទ្យឬស្លាប់បានរហូតដល់ទៅ ៨៩% សម្រាប់អ្នកជំងឺពេញវ័យដែលមានហានិភ័យខ្ពស់។
លោក Charles Gore នាយកអង្គការ Medicines Patent Pool បាននិយាយនៅក្នុងសេចក្តីថ្លែងការណ៍មួយថា អាជ្ញាបណ្ណនេះមានសារៈសំខាន់ខ្លាំងណាស់ព្រោះថា ថ្នាំលេបនេះគឺសមស្របជាពិសេសសម្រាប់ប្រទេសដែលមានប្រាក់ចំណូលទាប និងមធ្យម ហើយអាចដើរតួយ៉ាងសំខាន់ក្នុងការជួយសង្គ្រោះជីវិត។
ប្រទេសភាគច្រើនដែលរួមបញ្ចូលក្នុងកិច្ចព្រមព្រៀងនេះគឺស្ថិតនៅក្នុងទ្វីបអាហ្វ្រិក ឬអាស៊ី។ ទោះបីជាយ៉ាងណាក៏ដោយ ប្រទេសដូចជាប្រេស៊ីល ចិន រុស្សី អាហ្សង់ទីន និងថៃ ដែលធ្លាប់ជួបប្រទះការផ្ទុះកូវីដទ្រង់ទ្រាយធំ មិនមែនជាផ្នែកនៃកិច្ចព្រមព្រៀងនេះទេ៕
ប្រែសម្រួល៖ Vann Vann
ប្រភព៖ BBC
ចុចអាន៖ ប្រកាសប្រសិទ្ធភាពមិនបានប៉ុន្មានផង ប្រទេសចំនួន ៩០ ចរចារទិញថ្នាំកូវីដ របស់ក្រុមហ៊ុន Pfizer ភ្លាម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ