ព័ត៌មានអន្ដរជាតិ
ធ្លាយតួលេខពិត ទាហាន រុស្ស៊ី ស្លាប់នៅ អ៊ុយក្រែន ច្រើនជាងចំនួនផ្លូវការ ២០ ដង
របាយការណ៍ថ្មីមួយបានបង្ហាញថា មានការលេចធ្លាយតួលេខនៃចំនួនទាហានរុស្ស៊ីដែលបានស្លាប់នៅអ៊ុយក្រែន គឺខ្ពស់ជាងតួលេខផ្លូវការដែលអះអាងនាពេលកន្លងមករបស់វិមានក្រឹមឡាំងរហូតដល់ ២០ ដងឯណោះ ។
កាសែតរុស្ស៊ី Komsomolskaya Pravda បាននិយាយថា យោងតាមតួលេខរបស់ក្រសួងការពារជាតិរុស្ស៊ី ទាហានជិត ១០,០០០ នាក់របស់លោក ពូទីន ត្រូវគេរាយការណ៍ថាបានស្លាប់ ចាប់តាំងពីសង្គ្រាមជាមួយអ៊ុយក្រែនបានចាប់ផ្តើមនៅថ្ងៃទី ២៤ ខែកុម្ភៈ ។
តួលេខលេចធ្លាយនេះបញ្ជាក់ថា ទាហានរុស្ស៊ី ៩,៨៦១ នាក់បានស្លាប់ ដែលនេះជាចំនួនធំជាងតួលេខដែលបានកត់ត្រាថ្មីៗបំផុត ពោលកន្លងមកអះអាងថាមានតែត្រឹមតែ ៤៩៨ នាក់ប៉ុណ្ណោះ ។
ទន្ទឹមនោះលោក Yaroslav Trofimov ប្រធានអ្នកឆ្លើយឆ្លងព័ត៌មានកិច្ចការបរទេសរបស់កាសែត The Wall Street Journal បានបង្ហោះការរកឃើញនេះនៅលើបណ្ដាញ Twitter កាលពីថ្ងៃទី ២១ ខែមីនាថា “កាសែត Komsomolskaya Pravda ដែលជាកាសែតគាំទ្រវិមានក្រឹមឡាំងបានចុះផ្សាយដោយផ្អែកតាមតួលេខក្រសួងការពារជាតិរុស្ស៊ីបានបង្ហាញថា ទាហានរុស្ស៊ី ៩.៨៦១ នាក់បានស្លាប់នៅអ៊ុយក្រែន និង ១៦,១៥៣ នាក់បានរងរបួស” ។
លោកបញ្ជាក់ថា ចំនួននេះគឺកើតឡើង នៅពេលទាហានរុស្ស៊ីដែលត្រូវបានចាប់ខ្លួននៅអ៊ុយក្រែនបានចេញការព្រមាន និងបានអះអាងថា ទាហានរបស់ពួកគេកំពុងត្រូវបានគេបោះចោលក្នុងផ្នូរដ៏ធំ ៕
ប្រែសម្រួលដោយ ៖ ជីវ័ន្ត
ប្រភព ៖ Daily Star
ចុចអាន ៖ អ៊ុយក្រែន អះអាងថា រុស្ស៊ី នៅសល់គ្រាប់ បាញ់បានតែ ៣ថ្ងៃទៀតប៉ុណ្ណោះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)