ព័ត៌មានអន្ដរជាតិ

លោក Zelensky ថា រុស្ស៊ី ចង់វាយដណ្ដើមតំបន់ ២ ទៀតរបស់ អ៊ុយក្រែន

បានផុស

៤ years មុន

នៅ

ថ្ងៃអាទិត្យ ៣ មេសា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានព្រមានថា រុស្ស៊ីចង់ដណ្តើមយកតំបន់បន្ថែមពីភាគខាងកើត និងភាគខាងត្បូងរបស់អ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសុន្ទរកថាវីដេអូកាលពីល្ងាចថ្ងៃសៅរ៍ លោកបាននិយាយថា “តើអ្វីទៅជាគោលដៅរបស់ទាហានរុស្ស៊ី? ពួកគេចង់ដណ្តើមយកទាំងក្រុង Donbas នៅភាគខាងកើត និងភាគខាងត្បូងនៃប្រទេសអ៊ុយក្រែន” ។

លោកបញ្ជាក់ថា “ចុះតើគោលដៅរបស់យើងជាអ្វី? គោលដៅរបស់យើងគឺការពារខ្លួនយើង សេរីភាពរបស់យើង ទឹកដីរបស់យើង និងប្រជាជនរបស់យើង”។

ទន្ទឹមនោះលោក Zelensky ក៏បានសរសើរកងកម្លាំងអ៊ុយក្រែនផងដែរ ដែលការពារទីក្រុងកំពង់ផែ Mariupol ភាគខាងត្បូង ពីការទម្លាក់គ្រាប់បែកដ៏ខ្លាំងក្លាជាច្រើនសប្តាហ៍ដោយកងកម្លាំងរុស្ស៊ី ។

លោកប្រធានាធិបតីបាននិយាយថា ការតស៊ូរបស់អ៊ុយក្រែននៅទីក្រុង Mariupol និងទីក្រុងផ្សេងទៀតរបស់អ៊ុយក្រែនបានអនុញ្ញាតឲ្យទីក្រុងកៀវទទួលបានពេលវេលាដែលមិនអាចកាត់ថ្លៃបាន និងជួយធ្វើឲ្យសមត្ថភាពយោធារបស់រុស្ស៊ីចុះខ្សោយផងដែរ ។

គួរបញ្ជាក់ថា កាលពីដើមសប្តាហ៍នេះ រុស្ស៊ីបានប្រកាសនឹងកាត់បន្ថយប្រតិបត្តិការប្រយុទ្ធនៅជុំវិញរដ្ឋធានីកៀវ និងទីក្រុងភាគខាងជើង Chernihiv ប៉ុន្តែបានផ្តោតលើតំបន់ភាគខាងកើតរបស់អ៊ុយក្រែនជំនួសវិញ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ទីបំផុត រកឃើញអ្នកកាសែត អ៊ុយក្រែន ដែលបាត់ខ្លួនក្នុងតំបន់ប្រយុទ្ធជាង ២០ ថ្ងៃ តែជាសាកសព

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា