Connect with us

ព័ត៌មានអន្ដរជាតិ

មកស្គាល់កូនស្រីទាំង២នាក់ របស់លោក ពូទីន (មានវីដេអូ)

បានផុស

នៅ

នាពេលថ្មីៗនេះ សហរដ្ឋអាមេរិក​បាន​ពង្រីក​ទណ្ឌកម្ម​របស់ខ្លួន ដោយដាក់បញ្ចូលទាំង​កូនស្រី​ពីរ​នាក់​របស់​ប្រធានាធិបតី​រុស្ស៊ីលោក វ្ល៉ា​ឌី​មៀរ ពូ​ទីន ផងដែរ​។

Who are Putin's daughters? What we know about his family - BBC News
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់សេតវិមានបានពណ៌នាពួកគេថាជា កូនពេញវ័យពីរនាក់របស់លោក ពូទីន ហើយថ្វីបើរបាយការណ៍នោះមិនបានដាក់ឈ្មោះពួកគេក៏ដោយ ប៉ុន្តែអ្នកទាំង២ត្រូវបានគេស្គាល់ថា គឺជា Maria Vorontsova និង Katerina Tikhonova ដែលជាកូនរបស់លោក ពូទីន ជាមួយអតីតភរិយា Lyudmila។

លោក ពូទីន តែងតែលាក់បាំងអំពីគ្រួសាររបស់គាត់ បើទោះបីជាគាត់បានទទួលស្គាល់ថា គាត់មានកូនស្រីហើយបាននិយាយថា គាត់មានមោទកភាពចំពោះពួកគេក៏ដោយ។

Who are Katerina and Maria, the Russian President's daughters hit by US  sanctions?, World News | wionews.com
Maria Vorontsova (ឆ្វេង) និង Katerina Tikhonova

កូនស្រីច្បងឈ្មោះ Maria Vorontsova កើតនៅឆ្នាំ១៩៨៥។ នាងសិក្សាជីវវិទ្យានៅសាកលវិទ្យាល័យ St Petersburg និងផ្នែកវេជ្ជសាស្ត្រនៅសាកលវិទ្យាល័យ Moscow State។

Vorontsova ឥឡូវនេះគឺជាសិស្សពូកែខាងប្រព័ន្ធក្រពេញអង់ដូគ្រីន។ នាង​បាន​សហការ ​សរសេរ​សៀវភៅ​ស្តីពី​ការលូតលាស់​ចំពោះ​កុមារដែល​ក្រិន ហើយ​ត្រូវ​បាន​ចុះ​បញ្ជី​ជា​អ្នកស្រាវជ្រាវ​នៅ​មជ្ឈមណ្ឌល​ស្រាវជ្រាវ ក្រពេញអង់ដូគ្រីនក្នុង​ទីក្រុងមូស្គូ។

នាងក៏ជាអ្នកជំនួញម្នាក់ផងដែរ។ BBC Russia បានកំណត់អត្តសញ្ញាណនាងថាជា សហម្ចាស់ក្រុមហ៊ុនដែលគ្រោងនឹងសាងសង់មជ្ឈមណ្ឌលវេជ្ជសាស្ត្រដ៏ធំមួយ។

Meet Putin's daughters, who face US sanctions over Ukraine war
Maria Vorontsova

Vorontsova បានរៀបការជាមួយអ្នកជំនួញជនជាតិហូឡង់ឈ្មោះ Jorrit Joost Faassen ដែលធ្លាប់ធ្វើការនៅក្រុមហ៊ុនថាមពលរដ្ឋរុស្ស៊ី Gazprom ថ្វីបើពួកគេ បែកគ្នាហើយក៏ដោយ។

បើប្រៀបធៀបជាប្អូនស្រី នាង Katerina Tikhonova ដែលកើតក្នុងឆ្នាំ ១៩៨៦ គឺមានភាពលេចធ្លោជាង ចំពោះសាធារណជន ដោយសារតែទេពកោសល្យរបស់នាងជាអ្នករាំ Rock n’roll។ នាង​និង​ដៃគូ ​បាន​ជាប់​ចំណាត់ថ្នាក់​លេខ​៥​ក្នុង​ព្រឹត្តិការណ៍​អន្តរជាតិ​មួយ​ក្នុង​ឆ្នាំ​២០១៣។

នៅឆ្នាំដដែលនោះ នាងបានរៀបការជាមួយលោក Kirill Shamalov ដែលជាកូនប្រុសរបស់មិត្តដ៏យូរលង់របស់លោកប្រធានាធិបតីពូទីន។

Reuters: Dance Colleague Confirms Tikhonova Is Putin's Younger Daughter
Katerina Tikhonova

បច្ចុប្បន្ន Tikhonova កំពុងសិក្សានិងធ្វើអាជីវកម្ម។ នាងបានបង្ហាញខ្លួនយ៉ាងខ្លីនៅលើប្រព័ន្ធផ្សព្វផ្សាយរដ្ឋរបស់រុស្ស៊ីក្នុងឆ្នាំ ២០១៨ ដើម្បីនិយាយអំពីបច្ចេកវិទ្យាសរសៃប្រសាទ និងនៅក្នុងវេទិកាធុរកិច្ចឆ្នាំ ២០២១។

កូនស្រីទាំងពីរ ត្រូវបានគេនិយាយថា មិនសូវចំណាយពេលច្រើន ជួបជុំជាមួយលោក ពូទីនទេ។

លោកពូទីនក៏មានចៅដែរ។ លោក​បាន​បង្ហើបរឿងនេះ តាមរយៈការនិយាយ​ទូរសព្ទ​កាលពី​ឆ្នាំ ២០១៧ ប៉ុន្តែ​មិន​បាន​ប្រាប់​ថា​តើ​គាត់​មានចៅ​ប៉ុន្មាននាក់ ឬ​ជាកូនរបស់កូនស្រី​ណានោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ចូ បៃដិន ប្រកាសដាក់ទណ្ឌកម្មថ្មី លើស្ថាប័នហិរញ្ញវត្ថុធំបំផុតរបស់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម