ចូ បៃដិន ប្រកាសដាក់ទណ្ឌកម្មថ្មី លើស្ថាប័នហិរញ្ញវត្ថុធំបំផុតរបស់ រុស្ស៊ី (មានវីដេអូ)

ឥឡូវនេះ សហរដ្ឋអាមេរិក បានប្រកាសបន្ថែមទណ្ឌកម្មថ្មីៗប្រឆាំងនឹងទីក្រុងមូស្គូ ដែលកំណត់គោលដៅស្ថាប័នហិរញ្ញវត្ថុធំបំផុតរបស់រុស្ស៊ី និងអ្នកផ្តល់ប្រាក់កម្ចីឯកជនធំបំផុតរបស់ខ្លួន។

លោកប្រធានាធិបតី ចូ បៃដិន បាននិយាយថា វិធានការនេះនឹងបង្កើនសម្ពាធសេដ្ឋកិច្ចលើលោក ពូទីន។

លោក បៃដិន​ និយាយថា “ដំបូង សហរដ្ឋអាមេរិកនឹងដាក់ទណ្ឌកម្មទប់ស្កាត់ទាំងស្រុងលើក្រុមហ៊ុន Sberbank ដែលជាស្ថាប័នហិរញ្ញវត្ថុធំបំផុតនៅក្នុងប្រទេសរុស្ស៊ី និងធនាគារ Alfa Bank ដែលជាធនាគារឯកជនធំបំផុតរបស់ខ្លួន”។

“យើងកំពុងបិទគណនីណាមួយ មូលនិធិទាំងឡាយណាដែលធនាគារទាំងនោះកាន់កាប់នៅសហរដ្ឋអាមេរិក។ ពួកគេនឹងមិនអាចប៉ះប្រាក់ណាមួយរបស់ពួកគេបានទេ ពួកគេនឹងមិនអាចធ្វើអាជីវកម្មណាមួយនៅទីនេះបានឡើយ។ ហើយទីពីរ ខ្ញុំនឹងចុះហត្ថលេខាលើបទបញ្ជាប្រតិបត្តិ ដោយនឹងហាមឃាត់ការវិនិយោគថ្មីរបស់សហរដ្ឋអាមេរិកនៅក្នុងប្រទេសរុស្ស៊ី ចំពោះក្រុមហ៊ុនវិស័យឯកជនជាង ៦០០ក្រុមហ៊ុន”។

យ៉ាងណាក្តី ធនាគារគោលដៅទាំងពីរបាននិយាយថា ការដាក់ទណ្ឌកម្មនេះ នឹងមិនមានឥទ្ធិពលខ្លាំងលើប្រតិបត្តិការរបស់ពួកគេនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក ប្រកាស ផ្តល់ ជំនួយ យោធា ក្នុងទំហំទឹកប្រាក់ ១០០ លាន ដុល្លារបន្ថែមទៀត ដល់ អ៊ុយក្រែន